Kapur Anil

Kapur Anil
angl.: Anil Kapoor hindi: अनिल कपूर
Anil Kapur vodel 2011
radmižen toižend:	filminäitleja, filmiprodutsent, akt'or, scentarist, produtsent
sündundan dat:	24. tal'vku 1959(1959-12-24) (65 vot)
sündundan sijaduz:	Mumbai, Indii
valdkund:	Indii
tat:	Surinder Kapoor[d]
mam:	Nirmal Kapoor[d]
Kapur Anil VikiAitas

Anil Kapur (hindi: अनिल कपूर, angl.: Anil Kapoor; sünd. 24. tal'vku, 1956, Bombei, Maharaštr, Indii) om indijalaine akt'or, fil'miden prodüser (vspäi 2005) da pajatai, hindikel'ne päpaloin.

Biografii

Anil om sündnu Čemburha (nügüdläižen Mumbain ezilidn), Surinder Kapur-kinoprodüseran da hänen Nirmal-akan pereheze, kahtenz' laps' nelläspäi. Anilan vanhemb Boni Kapur-vell' radab kinoprodüseran, noremb Sandžai Kapur-vell' om akt'or mugažo.

Vspäi 1979 Anil edesti toižid rolid kinos. Sai pärolin ezmäižen kerdan «Ned seičeme päiväd»-fil'mas (1983), hänen tat oli sen prodüseran. Jäl'geližel vodel Anil edesti tagaman rolid «Fakel»-fil'mas (1984) i sai ezmäšt «Filmfare Award»-arvlahjad parahimas toižes mužikroliš.

Kanz

Vspäi 1984 om nainu, Sunita Bhavnani Kapur om hänen ak, kostümiden dizainer. Heil om kaks' tütärt da üks' poig: Sonam, Reja da Haršvardhan. Sonam-tütär jätktab tatan radod, radab aktrisan mugažo.

Valitud fil'mografii (serialoid lugemata)

• «Fakel» (1984) — Radža
• «Kriminalan mail'm» (1984) — Radža
• «Karm» (1986) — Džonni / Džijanešvar
• «Indii-ižand» (1987) — Arun Verma / Mr. India
• «Lind» (1989) — Karan
• «1942: Sanutez armastuses» (1993) — Naren Singh
• «Koume vellest» (1995) — Anand Singh / Sikander
• «Hüväšt'jätand» (1997) — Radž
• «Armastusen mokičendad» (1997) — Radž Kumar Radža / Bansi Rao-inspektor
• «Ak nomer üks'» (1999) — Lahan
• «Poikeidusiden pörtkes» (2005) — Kišen
• «Hüväd päiväd armastuz» (2007) — Vinai
• «Voibištelend» (2008) — Robert D'Costa (RD) -inspektor
• «Millioner truššoboišpäi» (2008) — Prem Kumar
• «Jäl'gnikad» (2008) — Gianeš Juvvraadž
• «Tehta missijan mödhe ei voi: Fantom-protokol» (2011) — Bridž Nat
• «Voibištelend 2» (2013) — Robert D'Costa (RD) -inspektor
• «Laske südäikera löb» (2015) — Kamal Mehra
• «Voibištelend 3» (2018) — Šamšer Singh

Irdkosketused

• Kapur Anil „Internet Movie Database“-saital (angl.)
• Kapur Anil „KinoPoisk“-saital (ven.)