Mumbai
| Valdkund | Indii |
| Eläjiden lugu (2011) | 12,478,447 ristitud |
| Pind | 603 km² |
| |
| Pämez' | Datta Dalvi |
| Telefonkod | +91−22 |
| Aigvö | UTC+5:30 |
Mumbai (marath.: मुंबई, hindi: मुम्बई, angl.: Mumbai; edel 1995 vot — Bombei, angl.: Bombay) — om lidn Indijan päivlaskmas, Arabijan meren randpolel. Se om Maharaštr-štatan administrativine keskuz.
Mumbai om üks' Indijan kaikiš tarbhaižembiš ekonomižiden da kul'turkeskusišpäi. Neciš lidnas om sur' erinend üläloštan, elon — da gollüden keskes. Ned oma susedoiš paksus.
Geografijan andmused[redaktiruida | redaktiruida purde]
Lidn sijadase man korktusil 10..15 m meren pindan päl, ristitištos läz pol't oma marathilaižed, läz nelländest — gudžaratalaižed. Mumbai otab Bombei-sared da Solsett-saren suvipalad, da Ulhas-jogensun lähelišt randpol't. Sared ühtenzoittas sildoil da damboil.
Mumbai om järed rahvahidenkeskeižiden ühtenzoituzteiden sol'm. Lidn seižub läz süväd merikarad. Siš om kaikiš suremb port Indijan päivlaskmas. Pol' Indijan matknikoiden valud läbitadas sen matkterminalad.
Eläjad[redaktiruida | redaktiruida purde]
Mumbai om kaikiš tihedašti elänzoittud Indijan lidn. Sen ristitišt om enamba mi 12,4 mln. ristituid[1] (2011) ühtes ezilidnoidenke. Mumbai otab Maharaštr-štatan kaht rajonad: «Mumbai» (157 km², 3 145 966 eläjad vl 2011), mugažo «Mumbai (ezilidnalaine)» (446 km², 9 332 481 eläjad vl 2011), 603 km² kaiked. Ühtes ičeze kaimdai-lidnoidenke se om kudenz' surtte mail'man lidnaglomeracii, sen ristitišt om enamb 20,5 mln. ristituid.[2]
Toižiden Indijan lidnoiden rindataden, Mumbaiš om hüvä elon tazopind da korged azjelon aktivižuz. Hüväd voimused radod löudamha vedadas radnikoid lidnha kaikes Suviazijaspäi, Indijan kaikiden regioniden ližaks.
Ekonomikan potencial[redaktiruida | redaktiruida purde]
Mumbaiš om äi finansižid aluzkundoid: Bombein fondbirž, Indijan rezervoiden bank, Nacionaline fondbirž, Rahapainmižpert'.
Radnikoičijad valdkundan hüvüden täht oma lidnan radvägen znamasine pala. Sil-žo aigal om äi eläjid, kudambad ottas ala- da keskkvalifikacijan radod: taksin vedai, laukan pidai, mehanikanladii, kohendai.
Mumbai om Indijan bobištuzindustrijan päkeskuz. Indijan kinoindistrijan keskuz, muga nimitadud Bollivud (angl.: Bollywood), sijadase Mumbaiš, sigä-žo om vähätetabid-ki kinostudijoid.
Homaičendad[redaktiruida | redaktiruida purde]
- ↑ Provisional Population Totals and data products - Census 2011 : Maharashtra. Distribution of Population, Decadal Growth Rate, Sex-Ratio and Population Density. / Office of the Registrar General and Census Commissioner, India under Ministry of Home Affairs, Government of India (censusindia.gov.in). (angl.)
- ↑ Mumbai metropolitan area (Mumbain metropolitenine pind). — Projectsecoa.eu. (angl.)
 |
Mumbai Vikiaitas |