Kipinä

Vikipedii-späi

«Kipinä» (vepsän nimituz om Kibin) om vepsänkel'ne, suomenkel'ne da karjalankel'ne (kaks' paginad) Karjalan Tazovaldkundan lapsenaiglehtez. Lähtleb kerdan kus[1] Petroskoin Periodika-pästandkodiš.

Aiglehtez tundištoitab lugijoid suomalaiž-ugrilaižiden rahvahiden istorijanke i veroidenke. Siš om Karjalan uziden i amuižiden kirjutajiden sädusid, mastarklassoid, kirjutusid tegendoiden täht.

Istorii[vajehta | vajehtada tekst]

Ezmäižed pästandad oliba Leningradas vl 1932. Pästand om udessündutadud Petroskoihe vn 1986 elokus karjalaižen Jaakko Rugoev-kirjutajan taričendan mödhe.

Vspäi 2011 aiglehtez lähtleb nügüdläižes formatas: erižel kelel, joga kelel nell' kerdad vodes. Kaik om 24 lehtpol't suomenkel'žes i vepsänkel'žes pästandoiš, 32 lehtpol't karjalan paginoil (kelil). Aiglehtesen redaktoroiden kund sai Karjalan pämehen Sampo-premijad vl 2015 eriližes panendas tazovaldkundan rahvahankul'turan kaičendas da šingoteses.

Päredaktorad[vajehta | vajehtada tekst]

Nügüdläine päredaktor om Oksana Čurigina. Edeližed päredaktorad:

  • Jurje Karppanen (1932, aiglehtesen ezmäine redaktor)
  • Viktor Husu
  • Galina Lettieva
  • Viktor Paaso
  • Nina Rugoeva (1994−1997)
  • Irina Kurilo (1997−2004)
  • Jekaterina Zaharova
  • Elina Bürkland (2005−2010)
  • Natal'ja Denisova
  • Jana Filimonkova.

Homaičendad[vajehta | vajehtada tekst]

  1. Журнал Kipinä признан лучшим литературным изданием России на национальном языке (Märitihe Kipinä-aiglehtest Venäman parahimaks literaturižeks pästandaks rahvahiden kelil) //Uzištused 25.09.2019. — Finnougoria.ru. (ven.)

Irdkosketused[vajehta | vajehtada tekst]