Kivisaren sild
Kivisaren sild (ven.: Каменноостровский мост) om Venäman vižkeskustaine metalline sild raudbetonižil alusil Piterin Petrogradan rajonan pohjoižpäivnouzmas Penes Nevkas päliči.
Istorine nimi Betankuran sild, no se kävutase nügüd' toižen, uden sildan täht. Nimitihe Kivisaren prospektan mödhe.
Ümbrišt
[vajehta | vajehtada lähtetekst]Sild ühtenzoitab Aptekarskii-sar' Kivisarenke Kivisaren prospektan lopus. Kävutase avtoiden (vähemb 25 tonnad jügutte), tramvaiden da jaugnikoiden likundan täht. Sur' Krestovskii sild sijadase mödvedhe. Sädab ühtižen kompleksan lähiženke Ušakovan sildanke.
Istorii
[vajehta | vajehtada lähtetekst]Vspäi 1760 ezmäine sild oli olmas plaškoutoil. Vozil 1811−1813 puine sild oli saudud kivižil alusil Avgustin de Betankur i Molina-inženeran projektan mödhe. Vodel 1938 heittihe puižid balkoid i panihe balkoid metallaspäi.
Vozil 1953−1954 nügüdläine sild om saudud metallbalkoil, asfal'tiruidud raudbetonižed apakod oma pindaks. Projektan tegijad oma «Lengiproinžprojekt»-institutan V. V. Demčenko- i B. B. Levin-inženerad, P. A. Arešev- i V. S. Vasil'kovskii-arhitektorad. Saudihe ut sildad vanhan hudran olendan i transportlikundan ližadusen tagut, ühten aigan Ušakovan sildanke pojavan projektan mödhe. Vl 1999 Kivisaren sild eli sures kohenduses läbi.
Konstrukcii
[vajehta | vajehtada lähtetekst]Sild om 152 m pitte, 36 m levette. Keskustan piduz om 27..30 metrad. Avaiduzkeskust sijadase keskes. Se om avaiduzsild potencialižešti, no avaiduz om voimusetoi tramvain järgteiden taguiči (vn 2009 olend).
Alused oma monolitižed, agjahižed oma puvajil, keskmäižed — vairostverkoil. Joga aluz om kreptüd ozrikkivel.
Irdkosketused
[vajehta | vajehtada lähtetekst]- Kivisaren sild Piterin Mostotrestan saital (mostotrest-spb.ru). (ven.) (angl.) (kit.)
 |
Kivisaren sild Vikiaitas |