Komi-jäz'van kel'

Komi-jäz'van kel' (ičeze nimituz: Ёдз Коми көл) om komi-jäz'voiden kel', üks' komin kelen päpaginištoišpäi (permižiden keliden grupp) ičeze kirjstandartanke. Erased tedomehed lugetas kel't permin komin kelen paginaks.

Pagižijoiden lugu oli läz 3 000 ristituid 1960-nzil vozil. Kelenkandajad elädas Venäman Permin randan Krasnovišerskan rajonas tobjimalaz (kaks' tuhad 1960-nzil vozil), Jaz'v-jogen basseinas. Kirjkel' om sätud kirilližen kirjamišton pohjal.

Kelen päeriližused komin toižiš kelišpäi: vokaliden /ʉ/ ⟨ӱ⟩, /ɵ/ ⟨ӧ⟩ i /ɤ/ ⟨ө⟩ olend, permin /ɨ/ ⟨ы⟩ olmatomuz; ablativan lopind om -лан, äilugus -йөз.

Vl 2003 ezmäine kirj om pästtud necil kelel — abekirj.