Permin rand

Vikipedii
Hüpähtada: navigacii, Ecind
Permin rand
Пермский край
Permin randan flag Permin randan znam
Permin randan flag Permin randan znam
Map of Russia - Perm Krai.svg
Pälidn Perm'
Pind

- Ühtes
- saum vezid (%).

24-nz'

160 236 km²
2

Eläjiden lugu

- Kaik
- Sageduz

18-nz'

2 637 032 ristitud (2015)
16,46 rist./km²

Federaline ümbrik Volgaveren
Venäman ekonomine region Uralan
Valdkundkel' (-keled) venäkel'
Gubernator Viktor Basargin
Ohjastusen ezimez' Gennadii Tušnolobov
Käskusenandajan Suiman ezimez' Valerii Suhih
Avtokod 59, 81, 159
Aigvöd UTC+5 (MSK+2)

Permin rand (ven.: Пермский край) om üks' Venälaižen Federacijan subjektoišpäi.

Se mülüb Volgaveren federaližhe ümbrikho.

Randan administrativine keskuz da kaikiš suremb lidn om Perm'.

Keled[redaktiruida | redaktiruida purde]

Valdkundkel' om üks'jäine — venäkel'.

Permin Komin ümbrikon territorijal toine kel' om permin komin kel'. Permin randan Päkäskusen 42. kirjutusen mödhe, sil om mugoi oficialine status: sab kävutada kel't oficialižiden kosketusiden sferas.

Istorii[redaktiruida | redaktiruida purde]

Permin rand om olmas vl 2005 tal'vkun 1. päivälpäi. Sidä sädihe Permin agjan da Permin Komin avtonomižen ümbrikon ühtenzoitusel.

Permin randan Päkäskuz[1] om vahvištadud vl 2007 sulakun 19. päiväl Käskusenandajan Suiman ezitajil.

Geografijan andmused[redaktiruida | redaktiruida purde]

Permin randan reljefan kart.

Permin rand sijadase Evropas, vaiše 0,2% territorijad — Azijas.

Randal om röunoid Sverdlovskan agjanke päivnouzmas, Baškortostanan Tazovaldkundanke suves, Udmurtijan Tazovaldkundanke da Kirovan agjanke päivlaskmas, Komin Tazovaldkundanke pohjoižes. Permin rand om mererandatoi.

Pind om 160 236 km². Mecad ottas territorijan seičeme kümnendest. Znamasižed joged oma Kam sen Čusovaj- da Višer-ližajogidenke, mugažo Silv-jogi (Čusovajan ližajogi) da Kolv-jogi (Višeran ližajogi). Toižiden jogiden enambuz mülüb Kaman basseinha.

Randan territorijan päivlaskmpol' da keskuz (80%) oma kukhikahad da alangoikahad. Uralmäged seištas päivnouzmas. Kaikiš korktemb čokkoim om Tuliman Kivi-mägisel'gal (1469 m) randan päivnouzmas. Völ om 8 mäged enamba tuhad metrad korktusenke. Kaikiš alahaižemb čokkoim om Kam-jogen kendäk (66 m) Permin randan suvipäivlaskmas.

Klimat om ven kontinentaline. Heinkun keskmäine lämuz om +13...+18°C, vilukun — -14...-18°C. Om lämemb suvipäivlaskmpolehe, om vilumb pohjoižpäivnouzmpolehe. Paneb sadegid 450 mm vodes suvipäivlaskmas da 1000 mm vodes pohjoižpäivnouzmas.

Londuseližed varad oma kivivoi, londuseline gaz, kivihil', raud, vas'k, kuld, hrom, kaliisol (sen kaikiš järedamb löudmižsija mail'mas), sauvondmaterialad (mouckivi, dolomit, sauvondgips, gravii, letked, saved), mec, reskvezi, kala, gidroenergii.

Tobmuz[redaktiruida | redaktiruida purde]

Permin randan Käskusenandajan Suiman ezitajiden ištundsija Permiš.

Randan pämez' nimitase gubernatoraks. Viktor Basargin radab gubernatoran vs 2012 sulakun 28. päiväspäi. Kaik rahvaz änestab händast videks vodeks. Gubernator om randan Ohjastusen pämez' mugažo, märičeb sen strukturad, paneb Ohjastusen ezimehen radnikusele. Gubernatoran administracii sen departamentoidenke om hänele abhu.

Permin randan parlament om Käskusenandai Suim. Kaik rahvaz valičeb sen 60 ezitajad videks vodeks. Valerii Suhih radab Suiman ezimeheks vs 2011 tal'vkun 23. päiväspäi.

Radonoigendai tobmuz om Permin randan Ohjastuz. Gennadii Tušnolobov radab ohjastusen ezimeheks vspäi 2012 tal'vkun 29. päiväspäi. Randan ministrused da agentused alištudas Ohjastusele.

Käskusenandajan Suiman ezitajad valitihe nügüdläšt gubernatorad vl 2012 semendkun 5. päiväl. Järgvaličendad Käskusenandajha Suimha oliba vl 2011 tal'vkun 4. päiväl.

Eläjad[redaktiruida | redaktiruida purde]

Vl 2010 eläjiden lugu om 2 635 276 ristitud[2]. Vl 2015 kaikutte koumanz' ristit nelläspäi om lidnalaine.

Kaikes randas om kaks'kümne viž lidnad. Toižed sured lidnad (enamba 80 tuh. eläjid vl 2015, surembaspäi penembha) oma Berezniki, Solikamsk, Čaikovskii.

Rahvahad (enamba 0,5% vl 2010): venälaižed (83,2%), totarlaižed (4,4%), permin komilaižed (3,1%), baškiralaižed (1,2%), udmurtalaižed (0,8%), ukrainalaižed (0,6%); toižed — 1,2%, rahvahuden ozutandata — 4,5%.

Homaičendad[redaktiruida | redaktiruida purde]

  1. Permin randan Päkäskusen tekst Perm'-regionan serveral (perm.ru). (ven.)
  2. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Permin randan lidnad
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino