Volgogradan agj

Vikipedii
Hüpähtada: navigacii, Ecind
Volgogradan agj
Волгоградская область
Volgogradan agjan flag Volgogradan agjan znam
Volgogradan agjan flag Volgogradan agjan znam
Map of Russia - Volgograd Oblast.svg
Pälidn Volgograd
Pind

- Ühtes
- saum vezid (%).

31-nz'

112 877 km²
3,1

Eläjiden lugu

- Kaik
- Sageduz

19-nz'

2 557 397 ristitud (2015)
22,66 rist./km²

Federaline ümbrik Suvine
Venäman ekonomine region Volganrandaline
Valdkundkel' (-keled) venäkel'
Gubernator Andrei Bočarov
Administracijan pämez' hän-žo
Agjan Duman ezimez' Nikolai Semisotov
Avtokod 34, 134
Aigvöd UTC+3 (MSK+0)

Volgogradan agj (ven.: Волгоградская область) om Venälaižen Federacijan subjekt.

Se mülüb Federaližhe suviümbrikho.

Agjan administrativine keskuz da kaikiš suremb lidn om Volgograd-vägilidn.

Keled[redaktiruida | redaktiruida purde]

Valdkundkel' om üks'jäine — venäkel'.

Istorii[redaktiruida | redaktiruida purde]

Volgogradan agj om olmas vl 1936 tal'vkun 5. päivälpäi. Vozil 1936-1961 sidä nimitihe Stalingradan agjaks.

Volgogradan agjan Päkäskuz[1] om vahvištadud vl 2012 uhokun 24. päiväl Agjan Duman ezitajil. Se oti enččen Päkäskusen sijad (oli vahvištadud vl 1996).

Geografijan andmused[redaktiruida | redaktiruida purde]

Volgogradan agjan reljefan kart.

Agj röunatab Kazahstananke päivnouzmas (sen Päivlaskmaiž-Kazahstanan agjanke), Astrahanin agjanke suvipäivnouzmas, Kalmikijan Tazovaldkundanke suves, Rostovan agjanke suvipäivlaskmas, Voronežan agjanke lodehes da Saratovan agjanke pohjoižes. Ühthine röunoiden piduz om 2221,9 km. Volgogradan agj om mererandatoi.

Pind om 112 877 km², sidä kesken mustma otab 22%, kaštanmujuine ma — 44%, mec — 6 990 km². Znamasižed joged oma Don (sen Medvedic-ližajogenke) da Volg. Kaikiš surembad vezištod oma ratud Cimlänskan vezivaradim Rostovan agjanke röunal da Volgogradan vezivaradim.

Reljef om kukhikaz. Volgan hural randištol om pol'letetazangišt. Kaikiš korktemb čokkoim om Volganrandaližen ülüden nimetoi kukkaz (358 m).

Klimat om terav kontinentaline kuivahk. Heinkun keskmäine lämuz om +23...+25°C, vilukun kesklämuz om -8...-12°C. Paneb sadegid 500 mm päivlaskmas da 300 mm päivnouzmas. Lumikate venub 90-110 päiväd vodes.

Londuseližed varad oma londuseline gaz, kivivoi, metallad (raudkivend, magnii, titan, cirkonii), sauvondmaterialad (lete, savi, sauvondgips, mouckivi), kaliisol, fosforitad, keitandsol, reskvezi, gidroenergii.

Tobmuz[redaktiruida | redaktiruida purde]

Agjan gubernatoran, Administracijan da Duman ištundsija Volgogradas.

Agjan pämez' nimitase gubernatoraks. Andrei Bočarov radab gubernatoran vs 2014 sulakun 4. päiväspäi. Kaik rahvaz änestab händast videks vodeks. Gubernator om mugažo agjan Administracijan pämez', hän märičeb sen strukturad da paneb sen ühtnijoid radnikusile. Kaks' ezmäšt varagubernatorad da kuz' muite varagubernatorad oma hänele abhu.

Volgogradan agjan üks'kodine parlament om Agjan Dum. Kaik rahvaz valičeb sen 38 ezitajad videks vodeks. Nikolai Semisotov radab Agjan Duman ezimeheks vs 2014 redukun 2. päiväspäi.

Radonoigendai tobmuz om Volgogradan agjan Administracii. Agjan komitetad da inspekcijad alištudas Administracijale.

Vl 2014 sügüz'kun 14. päiväl gubernatorad valitihe, nügüdläine gubernator sai vägestust ezmäižel tural (88,49% änid). Järgvaličendad Agjan Dumha oliba sil-žo päiväl.

Eläjad[redaktiruida | redaktiruida purde]

Vl 2010 kaiken Venäman rahvahanlugemižen mödhe eläjiden lugu oli 2 610 161 ristitud[2]. Kaikutte koumanz' ristit nelläspäi om lidnalaine.

Agjas om ühesatoštkümne lidnad da 25 lidnanvuittušt žilod. Toižed sured lidnad (enamba 100 tuh. ristitud, surembaspäi penembha) oma Volžskii da Kamišin.

Rahvahad (enamba 0,5% vl 2010): venälaižed (88,5%), kazahlaižed (1,8%), ukrainalaižed (1,4%), armenijalaižed (1,1%), totarlaižed (0,9%), azerbaidžanlaižed (0,6%), toižed — 4,0%, rahvahuden ozutandata — 1,7%.

Homaičendad[redaktiruida | redaktiruida purde]

  1. Volgogradan agjan Päkäskusen tekst Administracijan saital (npa.volganet.ru). (ven.)
  2. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Volgogradan agjan lidnad
Dubovk | Frolovo | Kalač Donal | Kamišin | Kotel'nikovo | Kotovo | Krasnoslobodsk | Leninsk | Mihailovk | Nikolajevsk | Novoanninskii | Pallasovk | Petrov Val | Serafimovič | Surovikino | Žirnovsk | Urüpinsk | Volgograd | Volžskii