Kotel'nikovo

Kotel'nikovo
Котельниково
	Lidnanznam;
Valdkund	Venäma
Eläjiden lugu (2021)	22,016 ristitud
Pind	44,57 km²
Pämez'	Andrei Födorov; (sügüz'ku 2013—)
Telefonkod	+7−84 476-xx-xxx
Avtokod	34, 134
Aigvö	UTC+3 (MSK+0)

Kotel'nikovo (ven.: Коте́льниково) om Venäman lidn Volgogradan agjas, suvipäivlaskmaiženno röunanno. Se om Kotel'nikovon rajonan administrativine keskuz da lidnankund.

Istorii

Eländpunktan aluz om pandud vl 1897 kuti Nikolajevskii-žilo läz Kotel'nikovskai-raudtestancijad «Caricin — Sal'sk»-keskustal. 20. voz'sadan augotišespäi žilon nimi oli Kotel'nikovskai-stanic. Vspäi 1929 stanic kändihe Kotel'nikovskii-radnikžiloks. Vl 1955 radnikžilo sai lidnan statusad nügüdläiženke nimenke.

Kotel'nikovo šingotase leibäntegimel i sauvondmaterialiden tehmižel. Kaliisolan järed Gremäčinskii-küllästamižtegim om sauvomas läz lidnad.

Geografijan andmused

Lidn sijadase Aksai Kurmojarskii-jogen hural randal läz Cimlänskan vezivaradint (Donan bassein), 49 m keskmäižel korktusel valdmeren pindan päl.

Matkad Volgogradhasai om 190 km pohjoižpäivnouzmha avtotedme. Lähembaižed lidnad sijadasoiš Rostovan agjas: Volgodonsk 76 km päivlaskmha orhal vai 110 km avtotedme i Cimlänsk 130 km päivlaskmha avtotedme.

Klimat om läm' kuivahk. Voden keskmäine lämuz om +10,7 C°, kezakun-elokun +22,7..+25,7 C°, tal'vkun-uhokun −1,1..−3,7 C°. Paneb sadegid 385 mm vodes, läz tazomäras kuidme (28..48 mm kus).

Tobmuz

Kotel'nikovo om lidnankundan üks'jäižeks eländpunktaks.

Lidnankundan tobmuden pämez' om sen Administracijan pämez'. Lidnan Rahvahandeputatoiden nevondkundan ezimez' om Svetlana Kuvikova vn 2009 sulakuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 20 428 ristitud, rajonan ristitišton viž ühesandest, vn 2021 — 22 016 ristitud. Kaik 20 381 eläjad oli lidnas vl 2017. Kaikiš suremb lidnan ristitišt oli 20 800 eläjad vozil 1996−2001 i om nügüd'.

Ortodoksižen hristanuskondan ph. Serafim Sarovalaižen jumalanpert'^[1] om avaitud lidnas.

Lapsiden opendusen aluzkundad oma severz'-se päivkodid, nell' keskškolad (nomer 1..4), čomamahtoiden škol, lapsiden da norišton sportškol. Biznesan kolledž^[2] i profškol oma lidnan professionaližen opendusen aluzkundoikš.

Galerei

MiG-21 Kačan lendajiden školan alajagusen muštoks (oli olmas vhesai 1998)
Nevondkundaline lidnanznam (1967)

Homaičendad

Irdkosketused

Lidnan tobmuden sait (akgp.ru). (ven.)

Kotel'nikovo Vikiaitas

	Volgogradan agjan lidnad
	Dubovk \| Frolovo \| Kalač Donal \| Kamišin \| Kotel'nikovo \| Kotovo \| Krasnoslobodsk \| Leninsk \| Mihailovk \| Nikolajevsk \| Novoanninskii \| Pallasovk \| Petrov Val \| Serafimovič \| Surovikino \| Žirnovsk \| Urüpinsk \| Volgograd \| Volžskii

[1] Kotel'nikovon pühäpertid sobory.ru-saital. (ven.)

[2] Kotel'nikovon biznesan kolledžan sait (kotelbk.ru). (ven.)

[1]

[2]