Surovikino (lidn)

Surovikino
Суровикино
Lidnanznam;	Flag;
Valdkund	Venäma
Eläjiden lugu (2021)	18,227 ristitud
Pind	33,43 km²
Pämez'	Jelena Kudlajeva; (kül'mku 2021—)
Telefonkod	+7−84 473-xx-xxx
Avtokod	34, 134
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Surovikino (ven.: Сурови́кино) om Venäman lidn da lidnankund Volgogradan agjan suvipäivlaskmas. Se om Surovikinon rajonan administrativižeks keskuseks da palaks.

Istorii

Eländpunktan aluz om pandud vl 1744 kuti Surovikino-futor, nimitihe ezmäižen kanzan mödhe. Surovikino-stancii om saudud vspäi 1900, nimitihe lähižen futoran mödhe. Panihe futorad Kaganovičun rajonan keskuseks vl 1937, vspäi 1957 udesnimitihe Surovikinon rajonaks. Žilo raudtestancijanno da futor ühtištiba aigan mändes, i 1950-nzil vozil futor sai lidnanvuiččen žilon statusad. Om lidnan oiktusidenke vn 1966 keväz'kun 19. päiväspäi Venäman NFST:n Ülembaižen Nevondkundan Prezidiuman käskön mödhe.

Surovikinon ižandusen päsarak om sömtegimišt (konditerine, kolbasan i voin edheotandad), sijaližen maižandusen produkcijan ümbriradmine.

Geografijan andmused

Lidn sijadase rajonan keskuzpalas, Čir-jogen hural randal (ven.: Чир 317 km pitte, Donan oiged ližajogi) vižtoštkümnes kilometras sen lanktendan sijaspäi Cimlänskan vezivaradimhe, 40 m keskmäižel korktusel valdmeren pindan päl.

Surovikino-raudtestancii om saudud lidnan keskuses, «Volgograd — Kamensk Šahtil»-keskustal. Matkad Volgogradhasai om 135 km päivnouzmha E40-avtotedme. Lähembaine lidn om Kalač Donal vižkümne viž kilometrad päivnouzmha avtotedme.

Tobmuz

Surovikino om lidnankundan üks'jäižeks eländpunktaks.

Lidnankundan tobmuden pämez' om sen Administracijan pämez'. Edeline lidnan Administracijan pämez' om Vladimir Rubcov (eloku 2016 — kül'mku 2021).

Eläjad

Vn 2010 Venäman rahvahanlugemižen mödhe lidnan eläjiden lugu oli 20,533 ristitud (kaikiš suremb ristitišt), rajonan ristitišton viž ühesandest, vn 2021 — 18,227 ristitud. Vl 2017 kaik 18,954 ristitud eliba lidnas.

Ortodoksižen hristanuskondan Mikoi-arhangelan jumalanpert'^[1] om saudud vll 1991−2013 i om avaitud lidnas.

Openduz

Lapsiden opendusen aluzkundad oma nell' nimitadud päivkodid, koume keskškolad (nomer 1..3), čomamahtoiden škol, lapsiden da norišton sportškol.

Surovikinon agrarižen tegimišton tehnikum^[2], biznesan kolledž^[3] (Volgogradan biznesan institutan pala) i profškol oma lidnan professionaližen opendusen aluzkundoikš.

Homaičendad

Irdkosketused

Surovikino (lidn) Vikiaitas

	Volgogradan agjan lidnad
	Dubovk \| Frolovo \| Kalač Donal \| Kamišin \| Kotel'nikovo \| Kotovo \| Krasnoslobodsk \| Leninsk \| Mihailovk \| Nikolajevsk \| Novoanninskii \| Pallasovk \| Petrov Val \| Serafimovič \| Surovikino \| Žirnovsk \| Urüpinsk \| Volgograd \| Volžskii

[1] Surovikinon pühäpertid sobory.ru-saital. (ven.)

[2] Surovikinon agrarižen tegimišton tehnikuman sait (surtex.ru). (ven.)

[3] Surovikinon biznesan kolledžan sait (surkb.ucoz.ru). (ven.)

[1]

[2]

[3]