Leninsk (Volgogradan agj)

Leninsk
Ленинск
Lidnanznam;	Flag;
Valdkund	Venäma
Eläjiden lugu (2021)	13,391 ristitud
Pind	23,85 km²
Pämez'	Dmitrii Smirnov; (heinku 2022—)
Telefonkod	+7−84 478-xx-xxx
Avtokod	34, 134
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Leninsk (ven.: Ле́нинск) om Venäman lidn da lidnankund Volgogradan agjan suvipäivnouzmas. Se om Leninskan rajonan administrativine keskuz.

Istorii

Eländpunktan aluz om pandud vl 1776 tehmaha šuukkanghid. Vl 1802 pühästihe jumalanpertid (oficialine alusenpanendan dat), i tetaškanzihe küläd kuti Prišib-žilo. Vl 1919 se sai lidnan statusad nügüdläiženke nimenke. Vl 1942 oli Rusttan armijan varastuzbazaks.

Leninsk om maižanduzrajonan keskuseks. Lidnan edheotandad: mašiništ veden- i gazanveimiden täht^[1], sömtegimišt (paštandsija, maploduiden konservtegim), villänpurnud, tipografii.

Geografijan andmused

Lidn sijadase Ahtub-jogen hural randal (Volgan hijam), mail'man valdmeren tazopindal (0 m).

Matkad Volgogradhasai om 49 km päivlaskmha, Astrahanin agjan röunhasai — läz 20 km suvipäivnouzmha orhal. Lähembaižed lidnad oma Volžskii 38 km lodeheze i Znamensk (Astrahanin agj) 45 km päivnouzmha kaikil teil. Ühtennimine Leninsk-raudtestancii radab «Volgograd — Vladimirovk»-keskustal vspäi 1884.

Tobmuz

Leninsk om lidnankundan üks'jäižeks eländpunktaks.

Lidnankundan pämez' om sen Administracijan pämez'. Edeližed lidnankundan pämehed oma Oleg Nekrasov (tal'vku 2005 — heinku 2019) i Daniil Semenkov (reduku 2019 — sulaku 2022). Lidnan Deputatoiden nevondkundan ezimez' om Irina Čurzina vn 2019 redukuspäi.

Eläjad

Vn 2010 Venäman rahvahanlugemižen mödhe lidnan eläjiden lugu oli 15 504 ristitud (kaikiš suremb Rahvahanikoiden sodan jäl'ghe), rajonan pol', vn 2021 — 13 391 ristitud. Kaik 15 149 eläjad oli lidnas vl 2017. Kaikiš suremb istorine lidnan ristitišt oli 25 380 eläjad vl 1914.

Ortodoksižen hristanuskondan ph. Andrei Rublövan jumalanpert'^[2] om avaitud lidnas.

Lapsiden opendusen aluzkundad oma viž päivkodid (nomer 1, 3, 4, 5, 7), kaks' keskškolad (nomer 1 i 3), čomamahtoiden škol, LNSŠ (lapsiden i norišton sportškol). Leninskan agrotegimištoline tehnikum^[3] i Volgogradan biznesan institutan filial oma lidnan professionaližen opendusen aluzkundoikš.

Galerei

Lidnan administracijan i rajonan kodirandantedištandmuzei (2021, istorine Konäkinad-torgovanoiden pert')
Federaližen Rahalugendan palakund rajonas (2019, ende bank, istorine Klüjeva-torgovanan pert')
Kommertine sauvuz vl 2019
Lapsiden sportklub (2019, ende sinematograf)
Lapsiden da norišton keskuz (2019, ende sodakomissariat i Konovalovad-torgovanoiden pert')

Homaičendad

Irdkosketused

Lidnan sijaližen tobmuden aluzkundoiden oficialine sait (leninsk34.ru). (ven.)

Leninsk (Volgogradan agj) Vikiaitas

	Volgogradan agjan lidnad
	Dubovk \| Frolovo \| Kalač Donal \| Kamišin \| Kotel'nikovo \| Kotovo \| Krasnoslobodsk \| Leninsk \| Mihailovk \| Nikolajevsk \| Novoanninskii \| Pallasovk \| Petrov Val \| Serafimovič \| Surovikino \| Žirnovsk \| Urüpinsk \| Volgograd \| Volžskii

[1] Mašinansauvomižen «HSL»-kompanijan sait (хсл.рф). (ven.)

[2] Leninskan pühäpertid sobory.ru-saital. (ven.)

[3] Leninskan agrotegimištoližen tehnikuman sait (lat34.ru). (ven.)

[1]

[2]

[3]