Petrov Val

Petrov Val
Петров Вал

Valdkund	Venäma
Eläjiden lugu (2021)	12,526 ristitud
Pind	29 km²
Pämez'	Vladimir Karpov (reduku 2021—)
Telefonkod	+7−84 457-xx-xxx
Avtokod	34, 134
Aigvö	UTC+3 (MSK+0)

Petrov Val (ven.: Петро́в Вал) om Venäman lidn Volgogradan agjan pohjoižes, üks'jäine lidnankund sen Kamišinan rajonas.

Istorii

Eländpunktan aluz om pandud mapertikš vl 1942 žilho raudtesol'men Petrov Val-stancijanno «Saratov — Stalingrad»-jonon sauvomižen aigan, ristikoiči «Tambov — Kamišin»-raudtejonod. Nimitihe jättud kesken kanalan mödhe, kudamb ühtenzoitiži Volgad Donanke ližajogiden kal't Suren Petran käskön mödhe (saudihe 1697−1701), sen kanalan kaks' palad-vagod oma kaičenus tähäsai. Radnikžilo sai lidnan statusad vl 1988.

Petrov Val šingotase raudten mašiništon holitusel (vedimdepo radab), torguindal i valdkundaližen büdžetan aluzkundoil. Toižed edheotandad ratas Kamišinan tegimištzonas. Edel 2017. vot lindfabrik radoi mugažo.

Geografijan andmused

Kamišinan rajonan sijaduz agjas vn 2010 kartal. Ei mülüi sihe Kamišin-rajonkeskuz om vauktaks läipaks oiktalpäi

Lidn sijadase rajonan keskuzpalas, Ilovl'-jogen hural randal (ven.: И́ловля 358 km pitte, Donan hura ližajogi), Volgaveren ülüdel, 108 m ü.m.t. keskmäižel korktusel.

Matkad Kamišinhasai om kümne kilometrad päivnouzmha, Volgogradhasai om 180 km suvhe avtotedme. «Kamišin — Kotovo»-avtotekeskust om lidnan suviröunaks, matkad Kotovohosai om nell'kümne kilometrad lodeheze.

Tobmuz

Avilovskii-žilo (kaks' ristitud vl 2010) mülüb lidnankundha Petrov Valan ližaks. Lidnankundan pind — 29,4 km².

Lidnankundan tobmuden pämez' om sen Administracijan pämez'. Edeline lidnan Administracijan pämez' om Jelena Beregovaja (sulaku 2016 — reduku 2021).

Eläjad

Vn 2010 Venäman rahvahanlugemižen mödhe lidnan eläjiden lugu oli 13,239 ristitud, rajonan koume kümnendest, vn 2021 — 12,526 ristitud. Vl 2017 kaik 12,177 ristitud elihe lidnas. Kaikiš suremb lidnan ristitišt oli 15,300 eläjad vl 2000.

Ortodoksižen hristanuskondan ph. Petr Afonalaižen jumalanpert' om avaitud lidnas vspäi 2012.

Openduz

Lapsiden opendusen aluzkundad oma koume päivkodid (Kolosok «Tähkoine», nomer 23 i 121), koume keskškolad (nomer 7, 31, 56), čomamahtoiden škol.

Lähembaižed professionaližen opendusen aluzkundad ratas Kamišin-lidnas.

Galerei

• 
  Keskuzallei vn 2023 sulakus
• 
  Ph. Petr Afonalaižen jumalanpert', vn 2020 nägu
• 
  Torguindkeskuz vl 2012
• 
  Lidnan torguz vl 2009
• 
  Kul'turkeskuz (2020)
• 
  Puruvedim muštnikaks lidnan depos (2005)
• 
  Petrov Val-päraudtestancijan sauvuz vl 2006

Irdkosketused

• Lidnankundan tobmuden aluzkundoiden oficialine sait (adm-p-wal.ru). (ven.)