Pallasovk

Pallasovk
Палласовка
Lidnanznam;	Flag;
Valdkund	Venäma
Eläjiden lugu (2021)	14,248 ristitud
Pind	35,19 km²
Pämez'	Vladimir Gronin; (kül'mku 2019—)
Telefonkod	+7−84 492-xx-xxx
Avtokod	34, 134
Aigvö	UTC+3 (MSK+0)

Pallasovk (ven.: Палла́совка) om Venäman lidn da lidnankund Volgogradan agjan pohjoižpäivnouzmas. Se om Pallasovkan rajonan administrativine keskuz.

Etimologii[redaktiruida | redaktiruida purde]

Pallasovk-raudtestancii sai nimitust saksalaižen Peter Simon Pallas-matkadajan (Peter Simon Pállas, 1741−1811) kanzannimen mödhe. Mez' om biogeografijan alusenpanijoišpäi. Hän oli Venäman valdkundaližen radnikoičijan vll 1767−1810, sai tetabut tedoekspedicijoil Sibiridme i Venäman suvedme.

Istorii[redaktiruida | redaktiruida purde]

Eländpunktan aluz om pandud vozil 1903−1907 kuti žilo Pallasovk-raudtestancijanno sauvomha da holitamha «Saratov — Astrahan'»-jonod. Kätihe radnikžiloks sömtegimišton edheotandoiden sauvondan jäl'ghe, ratas sijaližel torhudel. Vl 1860 Volgaveren saksalaižiden Nei-Galk-žilo (ven.: село Ней-Галка) oli pandud, se oli kahtes kilometras stancijaspäi, möhemba udesnimitihe Pallasovk-žiloks. Ühtenzoittihe žiloid Suren sodan jäl'ghe. Anttihe lidnan statusad vn 1967 30. päiväl kezakus.

Pallasovk šingotase sömtegimištol.

Geografijan andmused[redaktiruida | redaktiruida purde]

Lidn sijadase tazangištol, Torgun-jogen oiktal randal (Volgan hura ližajogi), 33 m ü.m.t. keskmäižel korktusel. Van ristikoičeb lidnad. Matkad Kazahstanan röunhasai om 25 km suvipäivnouzmha orhal, Volgogradhasai om 230 km suvipäivlaskmha orhal vai 285 km avtotedme. Lähembaižed lidnad oma Nikolajevsk i Kamišin 115 km päivlaskmha avtotedme, Krasnii Kut (Saratovan agj) 100 km pohjoižhe raudtel i Novouzensk (Saratovan agj) 100 km pohjoižpäivnouzmha orhal vai 318 km avtol. Raudtestancii om saudud lidnan päivlaskmas, avtote ümbärdab lidnad.

Pallasovk om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 16 081 ristitud, rajonan koumandez. Kaikiš suremb lidnan ristitišt oli 17..18 tuhad vozil 1989−2002 (18 000 eläjid vll 1996−1998). Vl 2017 kaik 14 940 ristitud elihe lidnas.

Ortodoksižen hristanuskondan kaks' pühäpertid oma avaitud lidnas: ph. Ksenija Piterilaižen jumalanpert'^[1] i Venäman Uziden moknikoiden časoun'. Baptizman jumalanpert' om olmas.

Pallasovkan maižanduztehnikum^[2] om lidnan professionaližen opendusen aluzkundaks.

Edeline lidnan pämez' (Administracijan pämez') om Valerii Smirnov (reduku 2009 — reduku 2019).

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnan tobmuden sait (paladmin.ru). (ven.)

Pallasovk Vikiaitas

	Volgogradan agjan lidnad
	Dubovk \| Frolovo \| Kalač Donal \| Kamišin \| Kotel'nikovo \| Kotovo \| Krasnoslobodsk \| Leninsk \| Mihailovk \| Nikolajevsk \| Novoanninskii \| Pallasovk \| Petrov Val \| Serafimovič \| Surovikino \| Žirnovsk \| Urüpinsk \| Volgograd \| Volžskii

[1] Jumalanpertin tulendan sait (pallasovka.prihod.ru). (ven.)

[2] Pallasovkan maižanduztehnikuman sait (pallasovkasht.ru). (ven.)

[1]

[2]