Frolovo

Frolovo
Фролово
Lidnanznam;	Flag;
Valdkund	Venäma
Eläjiden lugu (2021)	35,913 ristitud
Pind	60 km²
Pämez'	Vasilii Dankov; (2008—)
Telefonkod	+7−84 465-xx-xxx
Avtokod	34, 134
Aigvö	UTC+3 (MSK+0)

Frolovo (ven.: Фро́лово) om Venäman lidn da lidnümbrik Volgogradan agjan keskuzpalas. Se om Frolovon rajonan administrativižeks keskuseks mugažo, ei mülü rajonha.

Istorii[vajehta | vajehtada lähte]

Eländpunkt mainitase ezmäižen kerdan Ližinskii-futoraks (ven.: Лыжинский, Ližin-kanzannimen mödhe) vl 1859, i Frolov-futoraks kahtes kilometras sišpäi. Vozil 1868−1871 saudihe raudted Caricinhasai läz nenid futorid, nimitihe stancijad jogen mödhe (Arčad, nüg. Arčed). Žilo stancijanno šingotaškanzi, lähižiden futoriden elo mugažo, i niiden territorii ühtenzoitihe aigan mändes. Nimitaškanzihe Frolovo vai Frolovskii-futor 20. voz'sadaspäi. Vl 1936 futor sai lidnan statusad, vl 1976 kätihe sidä lidnaks agjan alištusenke.

Frolovon ižandusen päsarakod oma sömtegimišt, sauvond, raudteižandusen i gazanveimen kohenduz da holituz, sauvondmaterialiden pästand (lämuzizoläcii i metalližkonstrukcijad), kivivoin, londuseližen gazan i mouckiven samine, mugažo terasen valamižtegim radab. «Sebruz»-gazanveimen kompressorstancii om läz lidnad.

Geografijan andmused[vajehta | vajehtada lähte]

Lidn sijadase Arčed-jogen randoil (ven.: Арчеда́, Medvedic-jogen hura ližajogi, Donan hurapol'ne bassein), 110 m korktusel valdmeren pindan päl. Matkad Don-jogehesai om 30 km suvhe, Volgogradhasai — 145 km suvipäivnouzmha avtotedme. Lähembaine lidn om Mihailovk 50 km lodeheze.

Frolovo om lidnümbrikon üks'jäine eländpunkt.

Eläjad[vajehta | vajehtada lähte]

Vn 2010 Venäman rahvahanlugemižen mödhe lidnan eläjiden lugu oli 39 449 ristitud. Kaikiš suremb ristitišt oli 43 400 eläjad vozil 1996−1998.

Ortodoksižen hristanuskondan viž pühäpertid^[1] oma olmas lidnas: Sündun Jumalannägundan päjumalanpert' (om letud vodele 2009), kaks' jumalanpertid i kaks' časounäd.

Frolovon biznesan kolledž^[2] om lidnan professionaližen opendusen aluzkundaks.

Transport[vajehta | vajehtada lähte]

Avtobusad oma kundaližeks transportaks lidnas da sen ümbrištos.

Arčed-raudtestancii sijadase lidnan keskuzpalas. «Kaspii»-avtote (R-22 vai E119, Moskv — Astrahan') ümbärdab lidnad päivlaskmas.

Galerei[vajehta | vajehtada lähte]

Villän varažomad vl 2013
Jumalanmaman Sündundan jumalanpert' (vn 2006 fotokuva vai sen aigemba)
Frolovon terasen valamižtegim vl 2021
Raudten poliklinik (2013)
Arčed-päraudtestancijan sauvuz da torg senno vl 2010

Homaičendad[vajehta | vajehtada lähte]

Irdkosketused[vajehta | vajehtada lähte]

Lidnan tobmuden sait (frolovoadmin.ru). (ven.)

Frolovo Vikiaitas

	Volgogradan agjan lidnad
	Dubovk \| Frolovo \| Kalač Donal \| Kamišin \| Kotel'nikovo \| Kotovo \| Krasnoslobodsk \| Leninsk \| Mihailovk \| Nikolajevsk \| Novoanninskii \| Pallasovk \| Petrov Val \| Serafimovič \| Surovikino \| Žirnovsk \| Urüpinsk \| Volgograd \| Volžskii

[1] Frolovon pühäpertid sobory.ru-saital. (ven.)

[2] Frolovon biznesan kolledžan sait (frolovo-kb.ru).

[1]

[2]