Volžskii

Volžskii
Волжский

Lidnanznam	Flag
Valdkund	Venäma
Eläjiden lugu (2015)	326 602 ristitud
Pind	229,12 km²
Pämez'	Igor' Voronin (2 000-2 009, 2 013-)
Telefonkod	+7-8 443-xxx-xxx
Avtokod	34, 134
Aigvö	UTC+3 (MSK+0)

Leninan-prospekt om kaikiš pidemb ird lidnas.

Volžskii (ven.: Волжский) om Venäman lidn Volgogradan agjan suves. Se om agjan kahtenz' surtte lidn, om konurbacijas Volgogradanke, mülüb Volgogradan lidnaglomeracijha (1,4 mln rist.).

Istorii

Nügüd'aigaižen eländpunktan aluz om pandud vl 1951 Bezrodnoje-külän sijas kuti žilo sauvomha Volgan GES:ad (sil aigal Stalingradan GES, sauvomine oli vozil 1950-1961). Vl 1954 žilo sai lidnan statusad.

Geografijan andmused

Lidn sijadase Ahtub-jogen hural randal (Volgan hijam), Volgogradad vaste, 20 m keskkorktusel. Röunatab Volgogradanke päivlaskmas. Matkad Volgogradan keskushesai om 20 km suvipäivlaskmha.

Volžskii alajagase 38 lidnanlaptha, 45 fartalha da 9 žilho.

Ižanduz da transport

Ižandusen päsarakod oma gidro- da lämuzenergetik, himine tegimišt, transportmašinoidensauvomine, sömtegimišt, mugažo pörutügi- i teraztor'viden tegimed oma olmas. Ühtennimine raudtestancii om Volgograd — Alabaskunčak raudtel. Järed jogiport om lidnas. Raudte- da avtotesild ühtenzoitab jogen randoid, se mäneb Volgan GES:an padoseinän ülähadme.

Avtobusad da tramvaid oma kundaližeks transportaks. Elektrojonused ühtenzoittas lidnad Volgogradanke.

Eläjad

Vl 2010 eläjiden lugu oli 314 255 ristitud.

Rahvahad (enamba 0,4% vn 2010 Venäman rahvahanlugemižen mödhe): venälaižed — 90,8%, ukrainalaižed — 1,4%, kazahlaižed — 0,8%, armenijalaižed — 0,8%, totarlaižed — 0,8%, uzbekalaižed — 0,5%, azerbaidžanlaižed — 0,5%; toižed — 2,4%, rahvahuden ozutandata — 2,0%.

Irdkosketused

• Volžskii-lidnan Duman oficialine sait. (ven.)
• Volžskii-lidnan administracijan oficialine sait. (ven.)