Kotovo

Vikipedii
Mine navigeerimisribale Mine otsikasti
Kotovo
Котово
 Lidnanznam
Kotovo COA (2007).gif
 Flag
Flag of Kotovo (Volgograd oblast).png
Valdkund Venäma
Eläjiden lugu (2021) 21,120 ristitud
Pind 41,62 km²
Pämez' Sergei Lesničenko
(tal'vku 2021—)
Telefonkod +7−84 455-xx-xxx
Avtokod 34, 134
Aigvö UTC+3 (MSK+0)


Kotovo (ven.: Ко́тово) om Venäman lidn da lidnankund Volgogradan agjan pohjoižes. Se om Kotovon rajonan administrativine keskuz da üks'jäine lidn.

Istorii[redaktiruida | redaktiruida purde]

Edeline lidnanznam

Eländpunktan aluz om pandud vozil 1710..1720 kuti Kotovo-slabad, ezmäižen tulnuden elämižhe kanzan nimen mödhe. 1950-nzil vozil saudihe kivivoin samižen radnikžilod. Vl 1966 Kotovo sai lidnan statusad.

Kotovon ižandusen päsarakod oma londuseližen gazan ümbriradmine (Korobkovon tegim) i buraudamižmašiništon eksperimentaline pästand. Varuline tegimištzon sijadase kümnes kilometras lidnan röunaspäi. Sadas kivivoid da londuselišt gazad lidnan ümbrištos.

Geografijan andmused[redaktiruida | redaktiruida purde]

Lidn sijadase Pen' Kazank-jogen randal (ven.: Малая Казанка 53 km pitte, Donan hurapol'ne bassein), 150 m keskmäižel korktusel valdmeren pindan päl. Matkad Volgogradhasai om 180 km suvhe orhal vai 225 km avtotedme. Lähembaine järed lidn om Kamišin, 55 km suvipäivnouzmha avtotedme.

Kotovo om lidnankundan üks'jäine eländpunkt. Lidnankundan pind om 41,62 km².

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 24 115 ristitud, rajonan ristitišton kaks' koumandest. Kaikiš suremb lidnan ristitišt oli 28 600 eläjad vl 2000.

Ortodoksižen hristanuskondan ph. Mikoi-arhangelan pühäpert'[1] om avaitud lidnas, letihe vl 1791.

Kotovon tegimištoliž-ekonomine tehnikum[2] om lidnan professionaližen opendusen aluzkundaks.

Edeližed lidnankundan pämehed oma Svetlana Kalinina (sügüz'ku 2015 — tal'vku 2017), Miron Pjankov (uhoku 2018 — heinku 2020) i Vasilii Golosov (reduku 2020 — reduku 2021).

Homaičendad[redaktiruida | redaktiruida purde]

  1. Kotovon pühäpertid sobory.ru-saital. (ven.)
  2. Kotovon tegimištoliž-ekonomižen tehnikuman sait (kpet.profiedu.ru). (ven.)

Irdkosketused[redaktiruida | redaktiruida purde]



Volgogradan agjan lidnad
Dubovk | Frolovo | Kalač Donal | Kamišin | Kotel'nikovo | Kotovo | Krasnoslobodsk | Leninsk | Mihailovk | Nikolajevsk | Novoanninskii | Pallasovk | Petrov Val | Serafimovič | Surovikino | Žirnovsk | Urüpinsk | Volgograd | Volžskii