Tambovan agj

Vikipedii
Hüpähtada: navigacii, Ecind
Tambovan agj
Тамбовская область
Tambovan agjan flag Tambovan agjan znam
Tambovan agjan flag Tambovan agjan znam
Map of Russia - Tambov Oblast.svg
Pälidn Tambov
Pind

- Ühtes
- saum vezid (%).

63-nz'

34 462 km²
0,2

Eläjiden lugu

- Kaik
- Sageduz

48-nz'

1 062 421 ristitud (2015)
30,83 rist./km²

Federaline ümbrik Keskuzline
Venäman ekonomine region Keskuzliž-Mustmaine
Valdkundkel' (-keled) venäkel'
Administracijan pämez' Aleksandr Nikitin
Agjan Duman ezimez' Evgenii Matuškin
Gimn Slavižen naižen hüväšt'jätand
Avtokod 68
Aigvöd UTC+3 (MSK+0)

Tambovan agj (ven.: Тамбовская область) om Venälaižen Federacijan subjekt.

Se mülüb Federaližhe keskuzümbrikho.

Agjan administrativine keskuz da kaikiš suremb lidn om Tambov.

Keled[redaktiruida | redaktiruida purde]

Valdkundkel' om üks'jäine, se om venäkel'.

Istorii[redaktiruida | redaktiruida purde]

Tambovan agj om olmas vl 1937 sügüz'kun 27. päivälpäi.

Tambovan agjan Päkäskuz[1] om vahvištadud vl 1994 kül'mkun 30. päiväl Agjan Duman ezitajil da om väges äiluguižidenke vajehtusidenke.

Geografijan andmused[redaktiruida | redaktiruida purde]

Tambovan agjan reljefan kart.

Agjal om röunoid Penzan da Saratovan agjoidenke päivnouzmas, Voronežan agjanke suves, Lipeckan agjanke päivlaskmas da Räzanin agjanke pohjoižes. Tambovan agj om mererandatoi.

Pind om 34 462 km². Agj mülüb mecan i stepin zonha, mec otab territorijan kümnendest. Mahuz om mustma. Joged mülüdas Donan (znamasižed — Matir- da Voron-joged) da Volgan (znamasine — Cnanjogi) basseinoihe.

Reljef om tazo, mugažo vanoikaz sijiči. Kaikiš korktemb čokkoim om nimetoi taho suvipäivlaskmas Tambovalpäi, Matir-jogen hural randal (219 m). Kaikiš madalamb om Cnanjogen kendäk agjan pohjoižröunal (95 m).

Klimat om ven kontinentaline. Heinkun keskmäine lämuz om +19...+20°C, vilukun kesklämuz om -8...-9°C. Paneb sadegid 450-550 mm vodes.

Londuseližed varad oma turbaz, titan, cirkonii, sauvondmaterialad, fosforitad, mineraližed mujud, mustma.

Tobmuz[redaktiruida | redaktiruida purde]

Agjan Duman, gubernatoran da sen Administracijan pert' Tambovas.

Tambovan agjan pämez' nimitase Administracijan pämeheks. Aleksandr Nikitin radab administracijan pämehen vs 2015 semendkun 25. päiväspäi. Hänen valdatusiden strok om viž vot. Administracijan pämez' märičeb sen strukturad da paneb sen ühtnijoid radnikusile. Kaks' Administracijan ezmäšt varapämest da kahesa Administracijan muite varapämest oma hänele abhu.

Tambovan agjan üks'kodine parlament om Agjan Dum. Se sädab ištundoid kerdan kus. Kaik rahvaz valičeb sen 50 ezitajad videks vodeks. Evgenii Matuškin radab Agjan Duman ezimeheks vs 2015 tal'vkun 10. päiväspäi.

Radonoigendai tobmuz om Tambovan agjan Administracii. Agjan ohjandused da komitetad alištudas Administracijale.

Järgvaličendad Agjan Dumha oliba vl 2011 keväz'kun 13. päiväl. Agjan administracijan pämehen valičendad oliba vl 2015 sügüz'kun 13. päiväl, nügüdläine administracijan pämez' sai vägestust ezmäižel tural (85,47%) da radab ezmäižen strokun.

Eläjad[redaktiruida | redaktiruida purde]

Vl 2010 kaiken Venäman rahvahanlugemižen mödhe eläjiden lugu oli 1 091 994 ristitud[2]. Kaikutte kudenz' ristit kümnespäi om lidnalaine.

Agjas om kahesa lidnad da 12 lidnanvuittušt žilod. Toine sur' lidn (enamba 90 tuh. ristitud) om Mičurinsk. Vl 2015 kaik om 10 eländpunktad enamba mi 10 tuh. eläjidenke.

Rahvahad (enamba 0,4% vl 2010): venälaižed (95,0%), ukrainalaižed (0,7%), armenijalaižed (0,4%), čiganalaižed (0,4%), toižed — 1,4%, rahvahuden ozutandata — 2,1%.

Homaičendad[redaktiruida | redaktiruida purde]

  1. Tambovan agjan Päkäskusen tekst (constitution.garant.ru). (ven.)
  2. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Tambovan agjan lidnad
Kirsanov | Kotovsk | Mičurinsk | Moršansk | Rasskazovo | Žerdevk | Tambov | Uvarovo