Čuvašijan Tazovaldkund

Vikipedii
Hüpähtada: navigacii, Ecind
Čuvašijan Tazovaldkund
Чувашская Республика (ven.)
Чӑваш Республики (čuv.)

Čuvašijan Tazovaldkundan flag Čuvašijan Tazovaldkundan znam
Čuvašijan Tazovaldkundan flag Čuvašijan Tazovaldkundan znam
Map of Russia - Chuvashia.svg
Pälidn Čeboksarad
Pind

- Ühtes
- saum vezid (%).

75-nz'

18 343 km²
1,5

Eläjiden lugu

- Kaik
- Sageduz

41-nz'

1 238 071 ristitud (2015)
67,5 rist./km²

Federaline ümbrik Volgaveren
Venäman ekonomine region Volgan da Vätkan
Valdkundkel' (-keled) venäkel', čuvašan kel'
Tazovaldkundan pämez' Mihail Ignatjev
Ministrišton ezimez' Ivan Motorin
Valdkundaližen Nevondkundan ezimez' Jurii Popov
Gimn Čuvašijan Tazovaldkundan gimn
Avtokod 21, 121
Aigvöd UTC+3 (MSK+0)

Čuvašijan Tazovaldkund (ven.: Чувашская Республика, čuv.: Чӑваш Республики) vai Čuvašii (ven.: Чувашия, čuv.: Чӑваш Ен) om üks' Venälaižen Federacijan subjektoišpäi.

Se mülüb Volgaveren federaližhe ümbrikho.

Tazovaldkundan pälidn da surembaine lidn oma Čeboksarad.

Keled[redaktiruida | redaktiruida purde]

Valdkundkeled oma venäkel' da čuvašan kel'.

Istorii[redaktiruida | redaktiruida purde]

Čuvašijan Tazovaldkund om olmas vl 1920 kezakun 20. päivälpäi. Vhesai 1925 sulakun 21. päivhäsai sen nimi oli Čuvašijan avtonomine agj. Vhesai 1990 redukun 19. päivhäsai sen nimi oli Čuvašijan Avtonomine Nevondkundaline Socialistine Tazovaldkund.

Čuvašijan Tazovaldkundan Konstitucii[1] om vahvištadud vl 2000 kül'mkun 30. päiväl Čuvašijan Valdkundaližen Nevondkundan ezitajil.

Geografijan andmused[redaktiruida | redaktiruida purde]

Čuvašijan Tazovaldkundan reljefan kart.

Tazovaldkundal oma röunad Tatarstanan Tazovaldkundanke päivnouzmas, Ul'janovskan agjanke suves, Mordovijan Tazovaldkundanke suvipäivlaskmas, Alalidnan agjanke päivlaskmas, Marii Elan Tazovaldkundanke pohjoižes da pohjoižpäivnouzmas. Čuvašijan Tazovaldkund om mererandatoi.

Pind om 18 343 km². Mecad ottas territorijan tobmad palad. Tazovaldkundan tobj pala sijadase Volg-jogen oiktal randal sen Sur- da Svijag-ližajogiden keskes. Surembaine järv om ratud vezišt — Čeboksariden vezivaradim Volg-jogel.

Reljef om kukhikaz alangištoidenke. Korktembaine čokkoim om nimetoi taho 286 m kortte valdmeren pindan päl läz Jablonovk-küläd suves, röunoiden saral Tatarstananke da Ul'janovskan agjanke.

Klimat om ven kontinentaline. Heinkun keskmäine lämuz om +19°C, vilukun — -13°C. Paneb sadegid 550 mm vodes.

Londuseližed varad oma palab šoidkivi, turbaz, fosforitad, sauvondmaterialad (lete, savi), reskvezi, mustma, gidroenergii.

Tobmuz[redaktiruida | redaktiruida purde]

Čuvašijan Tazovaldkundan ministrišton ištundsija (vanh pert') Čeboksariš.

Mihail Ignatjev radab Tazovaldkundan pämeheks vs 2010 elokun 29. päiväspäi. Kaik rahvaz änestab händast videks vodeks. Tazovaldkundan pämez' märičeb ministrišton strukturad, paneb ministrid radnikusile. Hän sättutab ministrišton ezimehen kandidatad parlamentanke. Tazovaldkundan pämehen administracii om hänele abhu.

Čuvašijan parlament om Valdkundaline Nevondkund (čuv.: Чăваш Республикин Патшалăх Канашĕ). Kaik rahvaz valičeb sen 44 ezitajad videks vodeks. Jurii Popov radab Nevondkundan ezimeheks vs 2011 tal'vkun 15. päiväspäi.

Radonoigendai tobmuz om Čuvašijan Tazovaldkundan Ministrišt. Ivan Motorin radab Ministrišton ezimeheks vspäi 2011 tal'vkun 23. päiväspäi. Tazovaldkundan ministrused da radnikoičendad alištudas Ministrištole.

Nügüdläšt tazovaldkundan pämest valitihe järgkerdan vl 2015 sügüz'kun 13. päiväl, hän sai vägestust ezmäižel tural (65,54%) da radab kahtenden strokun. Järgvaličendad Čuvašijan Valdkundaližhe Nevondkundha oliba vl 2011 tal'vkun 4. päiväl.

Eläjad[redaktiruida | redaktiruida purde]

Vl 2010 eläjiden lugu om 1 251 619 ristitud[2]. Vl 2015 kaikutte kudenz' ristit kümnespäi om lidnalaine.

Kaikes tazovaldkundas om ühesa lidnad. Toine sur' lidn (enamba 100 tuh. eläjid vl 2015) om Novočeboksarsk — Čeboksariden päivnouzmaine kaimdailidn.

Rahvahad (enamba 0,5% vl 2010): čuvašalaižed (65,1%), venälaižed (25,8%), totarlaižed (2,7%), mordvinalaižed (1,0%); toižed — 1,6%, rahvahuden ozutandata — 3,8%.

Homaičendad[redaktiruida | redaktiruida purde]

  1. Čuvašijan Tazovaldkundan Konstitucijan tekst (constitution.garant.ru). (ven.)
  2. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Čuvašijan Tazovaldkundan lidnad
Alatir' | Civil'sk | Čeboksarad | Jadrin | Kanaš | Kozlovk | Mariinskii Posad | Novočeboksarsk | Šumerl'