Novočeboksarsk

Vikipedii
Mine navigeerimisribale Mine otsikasti
Novočeboksarsk
Новочебоксарск (ven.)
Ҫӗнӗ Шупашкар (čuv.)
 Lidnanznam
Coat of Arms of Novocheboksarsk (Chuvashia).svg
 Flag
Flag of Novocheboksarsk (Chuvashia).svg
Valdkund Venäma
Eläjiden lugu (2022) 127,481 ristitud
Pind 51,14 km²
Novočeboksarsk Новочебоксарск (ven.) Ҫӗнӗ Шупашкар (čuv.)
Pämez' Aleksei Jermolaev
(kül'mku 2020—)
Telefonkod +7−8352-xxx-xxx
Avtokod 21, 121
Aigvö UTC+3 (MSK+0)


Lidnan trolleibusan maršrutoiden shem (2022)

Novočeboksarsk (ven.: Новочебокса́рск, čuv.: Ҫӗнӗ Шупашкар) om Venäman lidn da lidnümbrik Čuvašijan Tazovaldkundan pohjoižes. Se om tazovaldkundan kahtenz' surtte lidn, Čeboksaran päivnouzmaine kaimdailidn.

Istorii[redaktiruida | redaktiruida purde]

Nügüd'aigaižen eländpunktan aluz om pandud vl 1960 kuti Sputnik-žilo sauvomha himižkombinatad. Vl 1965 žilo sai lidnan statusad nügüdläiženke nimenke.

Novočeboksarskan ižandusen päsarakod oma himine tegimišt (AS «Himprom»), gidroenergetik (Čeboksaran GES), kivivoin ümbriradmine da sauvondmaterialiden pästand, mugažo omblendfabrik om olmas.

Geografijan andmused[redaktiruida | redaktiruida purde]

Lidn sijadase Volgan oiktal randal (Čeboksaran vezivaradim), 90 m ü.m.t. keskmäižel korktusel. Reljef om vanoikaz, kukhikaz tazangišt. Matkad Čeboksaran röunhasai om kuz' kilometrad päivlaskmha, toižes keskusespäi toižhesai om 15 km.

Novočeboksarsk jagase koumeks administrativižeks rajonaks: Päivnouzmaine, Suvine da Päivlaskmaine. Alajagadas rajonid 18 lidnanlaptaks. Ol'deevo-külä (310 rist. vl 2017) mülüb lidnümbrikho Novočeboksarskan ližaks.

Eläjad[redaktiruida | redaktiruida purde]

Vn 2010 kaiken Venäman rahvahanlugemižen mödhe eläjiden lugu lidnan oli 124 097 ristitud, lidnümbrikon — 124 392 ristitud. Lidnan ristitišt vajehtase 123..126 tuhad eläjid röunoiš vspäi 1995 (126 885 rist. vl 2009). Vl 2017 kaik 126 072 ristitud elihe lidnas i 126 382 ristitud kaikes lidnümbrikos. Kaikiš suremb lidnan ristitišt oli 127 586 eläjad vl 2021.

Rahvahad (enamba 0,6% vl 2010, ozutadud rahvahudenke): čuvašalaižed — 50,0%, venälaižed — 38,7%, totarlaižed — 1,3%, marilaižed — 0,8%, mordvinalaižed — 0,6%, toižed rahvahad — 8,6%.

Ortodoksižen hristanuskondan viž pühäpertid[1] oma avaitud lidnas: Ph. Vladimir I Kijevalaine-ruhtinasen päjumalanpert' (om letud vll 1990−2000), kaks' jumalanpertid i kaks' časounäd. Islaman üks'jäine pühäpert' om saudud lidnas.

Koume sijališt specialižen keskopendusen aluzkundad ratas lidnas: himiž-mehanine[2] i politehnine[3] tehnikumad, olimpižen rezervan škol.

Edeline lidnan pämez' (Deputatoiden suiman ezimez') om Oleg Matvejev (reduku 2010 — reduku 2020). Lidnan Administracijan pämez' om Dmitrii Pulatov vn 2021 kezakuspäi.

Transport[redaktiruida | redaktiruida purde]

Avtobusad, trolleibusad da maršruttaksid oma kundaližeks transportaks.

Ühtennimine raudtestancii kävutase vaiše jüguiden täht raudtel Čeboksaraspäi.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Novočeboksarskan pühäpertid sobory.ru-saital. (ven.)
  2. Novočeboksarskan himiž-mehanižen tehnikuman sait (чхмт.рф). (ven.)
  3. Novočeboksarskan politehnižen tehnikuman sait (npth.ru). (ven.)

Irdkosketused[redaktiruida | redaktiruida purde]



Čuvašijan Tazovaldkundan lidnad
Alatir' | Civil'sk | Čeboksarad | Jadrin | Kanaš | Kozlovk | Mariinskii Posad | Novočeboksarsk | Šumerl'