Šumerl'

Šumerl'
Шумерля (ven.)
Çĕмĕрле (čuv.)

Lidnanznam
Valdkund	Venäma
Eläjiden lugu (2017)	29,553 ristitud
Pind	13,78 km²
Pämez'	Sergei Jargunin (2010—)
Telefonkod	+7−83 536-xx-xxx
Avtokod	21, 121
Aigvö	UTC+3 (MSK+0)

Šumerl' (ven.: Шумерля, čuv.: Çĕмĕрле) om Venäman lidn da lidnümbrik Čuvašijan Tazovaldkundan päivlaskmas. Se om tazovaldkundan videnz' lidn eläjiden lugun mödhe, Šumerlin rajonan administrativižeks keskuseks (vspäi 1935), ei mülü rajonha.

Istorii

Nügüdläižen eländpunktan aluz om pandud vl 1916 kuti Šumerl'-raudtestancii da sen žilo «Moskv — Kazan'»-raudten sauvomižes, nimitihe lähižen Šumerl'-külän mödhe. Vl 1930 kätihe Šumerlid radnikžiloks, vl 1937 anttihe lidnan statusad.

Geografijan andmused

Lidn sijadase Sur-jogen (čuv.: Сăр, Volgan oigedpol'ne bassein) oiktal randpolel, 3 kilometras jogespäi, 100 m ü.m.t. keskmäižel korktusel. Matkad Čeboksarhasai om 85 km pohjoižpäivnouzmha orhal vai 105 km avtotedme. Lähembaižed lidnad oma Kanaš 68 km päivnouzmha orhal, Sergač 59 km päivlaskmha orhal i Jadrin 60 km pohjoižhe avtotedme.

Šumerl' om lidnümbrikon üks'jäine eländpunkt.

Eläjad da ižanduz

Vn 2010 kaiken Venäman rahvahanlugemižen mödhe eläjiden lugu oli 31 722 ristitud. Kaikiš suremb ristitišt oli vl 1992 — 42 800 eläjad. Ortodoksižen hristanuskondan kaks' pühäpertid om lidnas.

Ižandusen päsarakod oma avtosauvomine (avtofurgoniden tegim, avtod specialiženke konor'anke — sömsija, kirhuližen abun) i sömtegimišt (leibtegim, voitegim, sömkombinat), mugažo omblendfabrik om olmas. Šumerlin politehnine tehnikum om professionaližen opendusen aluzkundaks.

Irdkosketused

• Lidnümbrikon ohjastusen lehtpoled Čuvašijan Tazovaldkundan tobmuden aluzkundoiden oficialižel saital (gov.cap.ru). (ven.)