Moskvan agj

Vikipedii
Hüpähtada: navigacii, Ecind
Moskvan agj
Московская область
Moskvan agjan flag Moskvan agjan znam
Moskvan agjan flag Moskvan agjan znam
Map of Russia - Moscow Oblast.svg
Administrativižed keskused Moskv, Krasnogorsk
Pind

- Ühtes
- saum vezid (%).

55-nz'

44 379 km²
0,4

Eläjiden lugu

- Kaik
- Sageduz

2-nz'

7 231 068 ristitud (2015)
162,94 rist./km²

Federaline ümbrik Keskuzline
Venäman ekonomine region Keskuzline
Valdkundkel' (-keled) venäkel'
Gubernator Andrei Vorob'jov
Ohjastusen ezimez' hän-žo
Agjan Duman ezimez' Igor' Brincalov
Avtokod 50, 90, 150, 190, 750
Aigvöd UTC+3 (MSK+0)

Moskvan agj (ven.: Московская область) om Venälaižen Federacijan subjekt.

Se mülüb Federaližhe keskuzümbrikho.

Agjan Dum sijadase toižes federacijan subjektas — Moskvas. Agjan Ohjastusen pert' sijadase Krasnogorskas.

Keled[redaktiruida | redaktiruida purde]

Valdkundkel' om üks'jäine — venäkel'.

Istorii[redaktiruida | redaktiruida purde]

Moskvan agj om olmas vl 1929 vilukun 14. päivälpäi.

Moskvan agjan Päkäskuz[1] om vahvištadud vl 1996 tal'vkun 4. päiväl Agjan Duman ezitajil, sil-žo vodel tal'vkun 11. päiväl gubernatoral da om väges nügüd' äiluguižiden vajehtusidenke.

Geografijan andmused[redaktiruida | redaktiruida purde]

Moskvan agjan reljefan kart.

Agj röunatab 8 regionanke: Vladimiran agjanke pohjoižpäivnouzmas da päivnouzmas, Räzanin agjanke suvipäivnouzmas, Tulan agjanke suves, Kalugan agjanke suvipäivlaskmas, Smolenskan agjanke päivlaskmas, Tverin agjanke lodehes da pohjoižes, Jaroslavlin agjanke pohjoižes, Moskvanke keskuses. Moskvan agj om mererandatoi.

Pind om 44 379 km². Mec otab läz 40% territorijad. Kaik joged mülüdas Volgan basseinha. Znamasižed joged oma Kläz'm, Ruz, Moskv da Okanjogi.

Kukhikahad ülüded oma agjan päivlaskmas, alangištod ottas agjan päivnouzmpol't. Kaikiš korktemb čokkoim om Zamri-mägi Možaiskan rajonas agjan suvipäivlaskmas (310 m).

Londuseližed varad oma turbaz, fosforitad, sauvondmaterialad (mouckivi, savi, lete, granit).

Tobmuz[redaktiruida | redaktiruida purde]

Agjan Ohjastusen pert' Krasnogorskas.

Agjan pämez' om gubernator, hän-žo om agjan ohjastusen ezimez'. Kaik rahvaz valičeb händast videks vodeks. Andrei Vorob'jov radab gubernatoran vs 2012 kül'mkun 8. päiväspäi. Gubernator märičeb Ohjastusen strukturad da paneb sen ühtnijoid radnikusile. Kaks' varagubernatorad, üks' ezmäine Ohjastusen varaezimez', kahesa Ohjastusen muite varaezimest, mugažo Gubernatoran Administracii oma hänele abhu.

Käskusenandai tobmuz om Agjan Dum. Kaik rahvaz valičeb sen 50 ezitajad videks vodeks. Igor' Brincalov radab sen ezimeheks vs 2011 tal'vkun 15. päiväspäi.

Radonoigendai tobmuz om Moskvan agjan Ohjastuz. Agjan ministrused da laudkundad alištudas Ohjastusele.

Gubernatoran järgvaličendad oliba vl 2013 sügüz'kun 8. päiväl, nügüdläine gubernator sai vägestust ezmäižel tural (78,94%). Järgvaličendad Agjan Dumha oliba vl 2011 tal'vkun 4. päiväl.

Eläjad[redaktiruida | redaktiruida purde]

Vl 2010 kaiken Venäman rahvahanlugemižen mödhe eläjiden lugu oli 7 095 120 ristitud[2], sidä kesken 16 vepsläšt[3]. Kaikutte kahesanz' ristit kümnespäi om lidnalaine. Moskvan ezilidnaine zon levigandeb 50-70 km matkoil ümbärtespäi agjan territorijas.

Agjas om seičemekümne nell' lidnad da 72 lidnanvuittušt žilod. Niišpäi kaikiš järedambad oma (enamba 150 tuh. ristituid, surembaspäi penembha): Balaših, Podol'sk, Korolöv, Himki, Lüberci, Mitišči, Elektrostal'.

Rahvahad (enamba 0,5% vl 2010): venälaižed (87,4%), ukrainalaižed (1,7%), armenijalaižed (0,9%), totarlaižed (0,8%), vaugedvenälaižed (0,5%), toižed — 2,8%, rahvahuden ozutandata — 5,9%.

Homaičendad[redaktiruida | redaktiruida purde]

  1. Moskvan agjan Päkäskusen tekst (constitution.garant.ru). (ven.)
  2. Venäman kaikenaigaine ristitišt vl 2010. — Rosstat (gks.ru). (ven.)
  3. Население коренных малочисленных народов Российской Федерации по родному языку по отдельным субъектам (Venälaižen Federacijan igähižiden vähäluguižiden rahvahiden ristitišt mamankelen da subjektan polhe). — Lp. 14. (ven.)

Irdkosketused[redaktiruida | redaktiruida purde]


Moskvan agjan lidnad
Aprelevk | Balaših | Bronnici | Čehov | Černogolovk | Dedovsk | Dmitrov | Dolgoprudnii | Domodedovo | Drezn | Dzeržinskii | Dubn | Elektrogorsk | Elektrostal' | Elektrougli | Fräzino | Golicino | Himki | Hot'kovo | Istr | Ivantejevk | Jahrom | Jegor'jevsk | Kašir | Klin | Kolomn | Korolöv | Kotel'niki | Krasnoarmeisk | Krasnogorsk | Krasnozavodsk | Krasnoznamensk | Kubink | Kurovskoje | Likino-Dulövo | Litkarino | Lobn' | Losino-Petrovskii | Luhovici | Lüberci | Mitišči | Možaisk | Naro-Fominsk | Noginsk | Odincovo | Orehovo-Zujevo | Ozöri | Ožerel'je | Pavlovskii Posad | Peresvet | Podol'sk | Protvino | Puščino | Puškino | Ramenskoje | Reutov | Rošal' | Ruz | Sergijev Posad | Serpuhov | Solnečnogorsk | Stupino | Šatur | Ščolkovo | Zaraisk | Zvenigorod | Žukovskii | Taldom | Vanh Kupavn | Verej | Vidnoje | Visokovsk | Volokolamsk | Voskresensk