Voskresensk

Voskresensk
Воскресенск
Lidnanznam;	Flag;
Valdkund	Venäma
Eläjiden lugu (2020-01-01)	92,911 ristitud
Pind	38,78 km²
Telefonkod	+7−49 644-x-xx-xx
Avtokod	50, 90, 150, 190, 750
Aigvö	UTC+3 (MSK+0)

Voskresensk (ven.: Воскресе́нск) om Venäman lidn da raudtesol'm Moskvan agjan suvipäivnouzmas. Se om Voskresenskan lidnümbrikon administrativine keskuz (edel vn 2019 semendkud — rajonan).

Istorii[redaktiruida | redaktiruida purde]

Eländpunkt mainitase ezmäižen kerdan voziden 1577−1578 aigkirjas kuti Voskresenskoje-žilo, nimitihe Sündun Eläbzdusen (ven. воскресение) jumalanpertin mödhe. Ühtennimine žilo raudtestancijanno šingotaškanzihe vl 1862. Radnikžilo sai lidnan statusad vn 1938 14. päiväl heinkud.

Voskresensk šingotase mineraližiden heretusiden järedal tegimel (vspäi 1931, fosforan alusel), fetran fabrikal i špaleroiden tegimel. Cementtegim radoi vn 2016 uhokuhusai, om konservacijas. Fosforitoiden Lopatinskii-löudmižsija sijadase 10 km päivnouzmha lidnan pohjoižespäi.

Geografijan andmused[redaktiruida | redaktiruida purde]

Lidn sijadase lidnümbrikon suves, Moskv-jogen hural randal tobjimalaz, 120 m ü.m.t. keskmäižel korktusel. Matkad Moskvhasai om 80 km lodeheze. Lähembaižed lidnad oma Kolomn suvhe, Beloozörskii lodeheze, Jegor'jevsk päivnouzmha-pohjoižpäivnouzmha.

Avtomobiline Moskvan sur' rengaz (A108-trass) om lidnan pohjoižröunaks. Voskresensk-raudtestancii radab lidnan pohjoižpalas vspäi 1862, sen ližaks nell' tošt stancijad oma lidnan röunoiš «Moskv — Räzan'»-keskustal 16 km pitte (ajelten Moskvaspäi): «88. km»-platform, Šifernai, Moskvoreckai, Cemgigant.

Eläjad[redaktiruida | redaktiruida purde]

Vl 1939 lidnan ristitišt oli 17 231 eläjad, vl 1959 — 44 759 eläjad. Vn 2010 Venäman rahvahanlugemižen mödhe lidnan eläjiden lugu oli 91 464 ristutud, rajonan (nüg. lidnümbrik) koume videndest. Kaikiš suremb ristitišt om 90..94 tuhad eläjid vspäi 2005 (94 121 rist. vl 2016). Ortodoksižen hristanuskondan seičeme jumalanpertid^[1] i kaks' časounäd oma olmas lidnas.

Rahvahad (2010): venälaižed — 95,5%, totarlaižed — 1,2%, toižed rahvahad — 3,3%.

Professionaližen opendusen aluzkund om Voskresenskan kolledž.^[2]

Galerei[redaktiruida | redaktiruida purde]

Torguindkeskuz
Jumalanmaman Jerusaliman jumalaižen pühäpert'
(vn 2012 nägu)
Himine tegim
Jäpert'kulu
Voskresensk-stancijan Moskvan agjan rengazten platformad
(2009)

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Voskresenskan lidnümbrikon tobmuden aluzkundoiden oficialine sait (vos-mo.ru). (ven.) (+ äikel'ne avtomatine känduz)
Enččen lidnankundan sait (voskresensk.vos-mo.ru). (ven.)

Voskresensk Vikiaitas

	Moskvan agjan lidnad
	Aprelevk \| Balaših \| Beloozörskii \| Bronnici \| Čehov \| Černogolovk \| Dedovsk \| Dmitrov \| Dolgoprudnii \| Domodedovo \| Drezn \| Dzeržinskii \| Dubn \| Elektrogorsk \| Elektrostal' \| Elektrougli \| Fräzino \| Golicino \| Himki \| Hot'kovo \| Istr \| Ivantejevk \| Jahrom \| Jegor'jevsk \| Kašir \| Klin \| Kolomn \| Korolöv \| Kotel'niki \| Krasnoarmeisk \| Krasnogorsk \| Krasnozavodsk \| Krasnoznamensk \| Kubink \| Kurovskoje \| Likino-Dulövo \| Litkarino \| Lobn' \| Losino-Petrovskii \| Luhovici \| Lüberci \| Mitišči \| Možaisk \| Naro-Fominsk \| Noginsk \| Odincovo \| Orehovo-Zujevo \| Ozöri \| Pavlovskii Posad \| Peresvet \| Podol'sk \| Protvino \| Puščino \| Puškino \| Ramenskoje \| Reutov \| Rošal' \| Ruz \| Sergijev Posad \| Serpuhov \| Solnečnogorsk \| Stupino \| Šatur \| Ščolkovo \| Zaraisk \| Zvenigorod \| Žukovskii \| Taldom \| Vanh Kupavn \| Verei \| Vidnoje \| Visokovsk \| Volokolamsk \| Voskresensk

[1] Voskresenskan pühäpertid sobory.ru-saital. (ven.)

[2] Voskresenskan kolledžan sait (восколледж.рф). (ven.)

[1]

[2]