Čehov (Moskvan agj)

Čehov
Чехов
Lidnanznam;	Flag;
Valdkund	Venäma
Eläjiden lugu (2020-01-01)	72,231 ristitud
Pind	23,4 km²
Telefonkod	+7−496−72x-xx-xx
Avtokod	50, 90, 150, 190, 750
Aigvö	UTC+3 (MSK+0)

Čehov (ven.: Че́хов) om Venäman lidn Moskvan agjan suves. Se om Čehovan lidnümbrikon administrativine keskuz (edel vn 2017 kezakud — rajonan).

Istorii[vajehtada | vajehtada lähte]

Eländpunkt mainitase ezmäižen kerdan aigkirjas vl 1175 kuti Lopasn (ven.: Лопасна). Lugetihe lidnaks, ruhtinased torazihe sen tagut. Ühtištuihe Lopasn'-žilonke (ven. посёлок Лопасня) nenid žiloid aigan mändes: Badeevo, Začatje, Sadki. Vl 1954 radnikžilo sai lidnan oficiališt statusad, sil-žo aigal udesnimitihe Anton Čehov-kirjutajan kanzannimen mödhe, hänen Melihovo-usadib kaičese läz lidnad. Mülütihe lidnanvuittušt Venükovskii-žilod lidnha vl 1965.

Čehov šingotase mašinansauvomižen kahtel tegimel (ventilätorad, gidromehanižed libutimed), sauvondmaterialiden pästandal (metalližed konstrukcijad, polikarbonatine kerteh, apakut, torvveimarmatur), järedoil varažomil, poligrafižel kombinatal, sömtegimištol («Danon»-maidtegim, konditerine fabrik), mugažo plastiktegesiden edheotandad ratas lidnas.

Geografijan andmused[vajehtada | vajehtada lähte]

Lidn sijadase lidnümbrikon keskuzpalas, Lopasn'-jogen hural randal päpaloin (ven.: Лопа́сня 108 km pitte, Okan hura ližajogi), 170 m ü.m.t. keskmäižel korktusel. Matkad Moskvhasai (Moskvan rengazavtotehesai) om 50 km pohjoižhe. Lähembaižed lidnad (orhal i kaikil teil) oma Podol'sk 25 km pohjoižhe i Serpuhov 23 km suvhe.

«Moskv (Kurskan päraudtestancii) — Tul»-raudtekeskust om lidnan päivnouzmaižeks röunaks. Čehov-raudtestancii radab sil vspäi 1865, edel 1965. vot stancijan nimituz oli Lopasn'. M2-trass (Krim-pol'sarennoks) mäneb 4..5 km päivnouzmha lidnaspäi.

Eläjad[vajehtada | vajehtada lähte]

Vl 1939 žilon ristitišt oli 3 538 eläjad, vl 1959 lidnan — 13 950 eläjad. Vn 2010 Venäman rahvahanlugemižen mödhe lidnan eläjiden lugu oli 60 720 ristutud, rajonan (nüg. lidnümbrik) viž ühesandest. Kaikiš suremb ristitišt om 70..73 tuhad eläjid vspäi 2017 i oli vll 2002−2009 (73 600 rist. vl 2008). Ortodoksižen hristanuskondan viž jumalanpertid^[1] i koume časounäd oma olmas lidnas.

Rahvahad (2010): venälaižed — 91,0%, ukrainalaižed — 3,1%, moldovalaižed — 1,3%, toižed rahvahad — 4,6%.

Professionaližen opendusen aluzkund om Čehovan tehnikum.^[2]

Galerei[vajehtada | vajehtada lähte]

Rajonan (nüg. lidnümbrik) tobmuden pert' vl 2011
Ph. Joann-endustajan jumalanpert'
(vn 2015 nägu)
«Olimpiiskii»-sportpert'kulu
(2007)
Čehov-päraudtestancii
vl 2007

Homaičendad[vajehtada | vajehtada lähte]

Irdkosketused[vajehtada | vajehtada lähte]

Lidnümbrikon tobmuden aluzkundoiden oficialine sait (achmr.ru). (ven.)

Čehov (Moskvan agj) Vikiaitas

	Moskvan agjan lidnad
	Aprelevk \| Balaših \| Beloozörskii \| Bronnici \| Čehov \| Černogolovk \| Dedovsk \| Dmitrov \| Dolgoprudnii \| Domodedovo \| Drezn \| Dzeržinskii \| Dubn \| Elektrogorsk \| Elektrostal' \| Elektrougli \| Fräzino \| Golicino \| Himki \| Hot'kovo \| Istr \| Ivantejevk \| Jahrom \| Jegor'jevsk \| Kašir \| Klin \| Kolomn \| Korolöv \| Kotel'niki \| Krasnoarmeisk \| Krasnogorsk \| Krasnozavodsk \| Krasnoznamensk \| Kubink \| Kurovskoje \| Likino-Dulövo \| Litkarino \| Lobn' \| Losino-Petrovskii \| Luhovici \| Lüberci \| Mitišči \| Možaisk \| Naro-Fominsk \| Noginsk \| Odincovo \| Orehovo-Zujevo \| Ozöri \| Pavlovskii Posad \| Peresvet \| Podol'sk \| Protvino \| Puščino \| Puškino \| Ramenskoje \| Reutov \| Rošal' \| Ruz \| Sergijev Posad \| Serpuhov \| Solnečnogorsk \| Stupino \| Šatur \| Ščolkovo \| Zaraisk \| Zvenigorod \| Žukovskii \| Taldom \| Vanh Kupavn \| Verei \| Vidnoje \| Visokovsk \| Volokolamsk \| Voskresensk

[1] Čehovan pühäpertid sobory.ru-saital. (ven.)

[2] Čehovan tehnikuman sait (чеховский-техникум.рф). (ven.)

[1]

[2]