Vidnoje

Vidnoje
Видное

Lidnanznam	Flag
Valdkund	Venäma
Eläjiden lugu (2024)	106,222 ristitud
Pind	16,1 km²
Telefonkod	+7−495−54x-xx-xx, +7−498−54x-xx-xx, +7−498−618-xx-xx
Avtokod	50, 90, 150, 190, 750
Aigvö	UTC+3 (MSK+0)

Lidnan avtobusmaršrutoiden kart (2018)

Vidnoje (ven.: Ви́дное) om Venäman lidn Moskvan agjan keskuzpalan suves. Se om Moskvan suvine ezilidn, om Leninon lidnümbrikon (edel vn 2019 redukud — rajonan) administrativižeks keskuseks da üks'jäižeks lidnaks.

Istorii

Ezmäižen eländpunktan aluz om pandud nügüd'aigaižen lidnan territorijanno kuti Parinki-külä vl 1651, möhemba Parinki-Vidnoje-žilo, nüg. Aparinki-külä i Pen' Vidnoje-külä. Vidnoje-usadib oli tetab 19. voz'sadan augotišespäi. Saudihe raudted Rastorgujevo-stancijanke severziš-se kilometriš žilospäi vl 1900. Vidnoje-kezakülä om alusenpandud vl 1902. Toižed eländpunktad oliba Timohovo-Salazkino-usadib (vspäi 1812) i Žukovo-külä.

Zavottihe koksantegimen sauvondad vides kilometras Rastorgujevo-stancijaspäi vn 1937 redukus, se radaškanzi vn 1951 sulakus. Nügüdläižen eländpunktan aluz om pandud vl 1949 kuti tegimen Vidnoje-radnikžilo koumes kilometras sišpäi mecan taga. Kätihe radnikžilod rajonan keskuseks vn 1960 elokus, konz' mülütihe Lenino-žilod Moskvha. Vidnoje sai lidnan statusad vn 1965 13. päiväl vilukud, Rastorgujevo-kezakülä tegihe sen päivlaskmaižeks palaks.

Vidnoje šingotase Moskvan koksangazan tegimel (koks valandan täht, nozoltadud gazad, pezendabutused, elektrolit), sauvondmaterialiden pästandal (terazverk, betontegim, raudbetontegesed, gipsapakod i sauvondsegoitused), jomiden edheotandal, mugažo konservtegimišton tedoinstitut radab lidnas. Vidnojen motobolan i naižbasketbolan joukud oliba valdkundan čempionikš.

Geografijan andmused

Leninon lidnümbrikon sijaduz agjas vn 2014 kartal

Lidnümbrikon kart (2014)

Lidn sijadase ümbrikon päivlaskmas, Bitc-jogen randal (ven.: Би́тца 24 km pitte, Moskvan oigedpol'ne bassein), 160 m ü.m.t. keskmäižel korktusel. Kupelink-jogi jokseb lidnan päivnouzmas i lankteb Bitc-jogehe huralpäi kahtes kilometras suvhe lidnaspäi.

Matkad Moskvhasai (Moskvan rengazavtotehesai) om koume kilometrad pohjoižhe. Toižed lähembaižed lidnad oma Litkarino 14 km pohjoižpäivnouzmha orhal i Domodedovo kümnes kilometras suvhe kaikil teil.

Rastorgujevo-raudtestancii radab lidnas «Moskv (Kurskan päraudtestancii) — Kašir»-keskustal vspäi 1900. Raudte i «Don»-avtote (M4-trass) läbitadas lidnan keskuzpalad.

Eläjad

Vl 1959 žilon ristitišt oli 14 191 eläjad, vl 1979 lidnan — 44 208 eläjad. Vn 2010 Venäman rahvahanlugemižen mödhe lidnan eläjiden lugu oli 56 752 ristutud, rajonan (nüg. lidnümbrik) pol', vn 2021 — 101 490 ristitud (lidnümbrikon koumandez). Kaik 65 074 eläjad oli lidnas vl 2017. Kaikiš suremb lidnan ristitišt om nügüd'.

Rahvahad (ozutadud rahvahudenke vl 2010): venälaižed — 91,8 %, armenijalaižed — 2,0 %, ukrainalaižed — 1,6 %, toižed rahvahad — 4,6 %.

Ortodoksižen hristanuskondan üks'toštkümne pühäpertid oma kaičenus i saudud lidnas: ph. Jekaterinan mez'jumalankodi (viž pühäpertid) i kuz' jumalanpertid.

Openduz

Lapsiden opendusen aluzkundad oma kaks'toštkümne nimitadud i nomeruidud päivkodid (nomer 1, 3..5, 7, 9, 10, 12, 37, 39, 41, 42), augotižškol (progimnazii) nomer 737, ühesa keskškolad (nomer 1, 2, 4..7, 9..11), Vidnojen gimnazii, čomamahtoliž-tehnine licei, lapsiden sädamižen «Impul's»-keskuz, lidnan čomamahtoiden škol, olimpižen varan «Olimp»-sportškol (üks'borcuindad, fehtuind, jüged atletik, futbol, gimnastik).

Lidnan professionaližen opendusen aluzkund om «Moskovii»-kolledžan (Domodedovo) filial.

Galerei

• 
  Lidnümbrikon tobmuden pert' (31. tal'vku 2014)
• 
  Ph. Jekaterinan jumalankodin päjumalanpert', vn 2011 nägu
• 
  Lidnümbrikon istorijan da kul'turan keskuz (vn 2015 olend)
• 
  Torguindkeskuz (viluku 2016)
• 
  Rastorgujevo-raudtestancii vl 2007

Irdkosketused

• Lidnümbrikon tobmuden aluzkundoiden oficialine sait (adm-vidnoe.ru). (ven.)