Beloozörskii

Beloozörskii
Белоозёрский

Lidnanznam	Flag
Valdkund	Venäma
Eläjiden lugu (2024)	13,455 ristitud
Pind	10 km²
Telefonkod	+7−49 644-x-xx-xx
Avtokod	50, 90, 150, 190, 750
Aigvö	UTC+3 (MSK+0)

Beloozörskii (ven.: Белоозёрский) om Venäman lidn Moskvan agjan keskuzpalan suvipäivnouzmas. Mülüb Voskresensk-lidnümbrikho (edel vn 2019 semendkud — Voskresenskan rajonha), sen penemb lidn kahtespäi.

Istorii

Eländpunktan aluz om pandud vl 1961 63. kilometr-nimitusenke. Lidnanvuitte Beloozörskii-žilo sai lidnan statusad vl 2019.

Beloozörskii šingotase aviakosmižen sarakon tedoeksperimentaližil edheotandoil i aviasistemiden poligonal.

Geografijan andmused

Voskresensk-lidnümbrikon sijaduz agjas vn 2010 kartal

Lidn sijadase lidnümbrikon lodehes, Moskvanjogen hural randpolel, 124 m ü.m.t. keskmäižel korktusel. Vedase läz vit kilometrid pidust' raudted, suvipäivlaskmha sišpäi. Mec i kaks' pen't järved oma raudten taga.

Matkad Moskvhasai (Moskvan rengazavtotehesai) om kuz'kümne kilometrad lodeheze. Lähembaižed lidnad oma Bronnici kümnes kilometras suvipäivlaskmha orhal vai 17 km avtotedme, i Ramenskoje 15 km lodeheze orhal vai raudtedme. Lidnümbrikon Voskresensk-keskuz sijadase 22 km suvipäivnouzmha.

Beloozörskii-raudteplatform radab vspäi 1968 «Moskv (Kazanin päraudtestancii) — Räzan'»-keskustal. Matkad Moskvan agjan penehe rengazavtotehesai (A107-trass) om viž kilometrad lodeheze.

Tobmuz

Beloozörskii oli lidnankundan keskuseks edel vn 2019 semendkud, lidnankund mülüti kaht žilod i nelläd küläd, sen pind oli 172,92 km².

Vspäi 2019 ümbrikon Administracijan Beloozörskan territorialine palakund radab lidnas.

Eläjad

Vl 2002 žilon ristitišt oli 14 494 eläjad. Vn 2010 Venäman rahvahanlugemižen mödhe lidnanvuiččen žilon (nüg. lidn) eläjiden lugu oli 17 842 ristutud, rajonan (nüg. lidnümbrik) ühesandez, vn 2021 lidnan — 13 737 ristitud. Kaik 18 234 eläjad oli lidnas vl 2017. Kaikiš suremb eländpunktan ristitišt oli 17..18 tuhad eläjid vll 2009−2020 (18 297 rist. vl 2018).

Ortodoksižen hristanuskondan koume jumalanpertid oma kaičenus i saudud lidnas: Venäman kaikiden pühämehiden (letihe vll 1999−2003), ph. Dimitrii Solunalaižen (vanh kivine i uz' puine).

Openduz

Lapsiden opendusen aluzkundad oma päivkodid, keskškol nomer 18, licei nomer 23, muzikškol nomer 2, čomamahtoiden «Flamingo»-škol.

Professionaližen opendusen aluzkundad ratas lähembaižiš lidnoiš.

Galerei

• 
  Lidnan tobmuden sauvuz päallejal, heinku 2021
• 
  Venäman kaikiden pühämehiden jumalanpert', vn 2012 vai sen aigemba nägu
• 
  Beloozörskii-raudteplatform vn 2023 tal'vkus

Irdkosketused

• Voskresensk-lidnümbrikon tobmuden sait (vos-mo.ru). (ven.)