Pavlovskii Posad

Pavlovskii Posad
Павловский Посад

Lidnanznam	Flag
Valdkund	Venäma
Eläjiden lugu (2024)	65,297 ristitud
Pind	39 km²
Telefonkod	+7−49 643-x-xx-xx
Avtokod	50, 90, 150, 190, 750
Aigvö	UTC+3 (MSK+0)

Pavlovskii Posad (ven.: Па́вловский Поса́д) om Venäman lidn Moskvan agjan päivnouzmas. Se om Pavlovskii Posadan lidnümbrikon (edel vn 2017 vilukud — rajonan) administrativižeks keskuseks da palaks.

Istorii

Eländpunktan aluz om pandud kuti lidn nügüdläiženke nimitusenke Nikolai I-imperatoran käskön mödhe vn 1844 kezakun 2. päiväspäi neniden žiloiden ühtištusel: Pavlovo (se-žo Vohn, mainitase vspäi 1339), Zaharovo, Usovo, Dubrovo i Melenki. Šingotihe tekstil'tegimištol: villasižed kanghad, paikad da šalid niišpäi. Žilo sai lidnan statusad vl 1917, se status oli formitadud oficialižeks vl 1925.

Pavlovskii Posad šingotase tekstiližel tehmištol, sauvondmaterialiden pästandal, mikroelektronikan tegimel i sömän edheotandoil.

Geografijan andmused

Pavlovskii Posadan lidnümbrikon sijaduz agjas vn 2023 kartal

Lidnümbrikon kart (röunad vspäi 2023)

Lidn sijadase lidnümbrikon keskuzpalas, Kläz'm-jogen randal, 133 m ü.m.t. keskmäižel korktusel.

Matkad Moskvhasai om kuz'kümne viž kilometrad päivlaskmha. Lähembaižed lidnad oma Elektrostal' päivlaskmha, Noginsk päivlaskmha-lodeheze, Elektrogorsk pohjoižpäivnouzmha, Drezn päivnouzmha. Pavlovskii Posad-raudtestancii radab lidnas «Moskv (Kurskan päraudtestancii) — Vladimir»-keskustal vspäi 1861.

Eläjad

Vl 1939 lidnan ristitišt oli 42 821 eläjad, vl 1959 — 55 025 eläjad. Vn 2010 Venäman rahvahanlugemižen mödhe lidnan eläjiden lugu oli 63 711 ristutud, rajonan (nüg. lidnümbrik) koume nelländest, vn 2021 — 65 098 ristitud. Kaik 65 432 eläjad oli lidnas vl 2017. Kaikiš suremb ristitišt oli 70..71 tuhad eläjid vll 1979−1989 (71 297 rist. vl 1989).

Rahvahad (ozutadud rahvahudenke vl 2010): venälaižed — 96 %, toižed rahvahad — 4 %.

Ortodoksižen hristanuskondan ühesatoštkümne pühäpertid oma kaičenus i saudud lidnas: Jumalanmaman Katken da ph. Vasilii Parijalaižen mez'jumalankodi (viž pühäpertid), viž jumalanpertid i ühesa časounäd.

Openduz

Lapsiden opendusen aluzkundad oma ühesatoštkümne nimitadud i nomeruidud päivkodid (nomer 1, 2, 4..11, 15..17, 20, 23, 44..47), kahesa keskškolad (nomer 2, 4, 5, 6, 9, 13, 18, 24), gimnazii, kaks' liceid (nomer 1 i 2), ehtal'ne škol, specialine (korrekcine) škol, škol-internat openikoiden täht tervhuden röunatud voimusidenke, lapsiden sädamižen pert', muzikškol, sportškol.

Pavlovskii Posadan tehnikum om lidnan professionaližen opendusen aluzkundaks.

Galerei

• 
  Revolücijan torgun pohjoine (2011)
• 
  Jumalanmaman Katken da ph. Vasilijan jumalankodi, päverai, vn 2011 nägu
• 
  Polimerižen lavan tegim (2022)
• 
  Kul'turkeskuz (vn 2011 olend)
• 
  Pavlovskii Posad-raudtestancii da torg senno vl 2012

Irdkosketused

• Lidnümbrikon tobmuden aluzkundoiden oficialine sait (pavpos.ru). (ven.)
• Lidnan informacine sait (vpposade.ru). (ven.)