Drezn

Drezn
Дрезна

Lidnanznam	Flag
Valdkund	Venäma
Eläjiden lugu (2024)	12,206 ristitud
Pind	8 km²
Telefonkod	+7−4964-xx-xx-xx
Avtokod	50, 90, 150, 190, 750
Aigvö	UTC+3 (MSK+0)

Drezn (ven.: Дре́зна) om Venäman lidn Moskvan agjan päivnouzmas. Mülüb Orehovo-Zujevon lidnümbrikho, sen kaikiš penemb lidn nelläspäi.

Istorii

Eländpunktan aluz om pandud vl 1897 kuti žilo udenno kezerdusen da kanghiden fabrikanno. Se sai lidnan statusad vn 1940 7. päiväl redukud.

Drezn šingotase kazmuzhonuzižandusel i tekstiližel fabrikal.

Geografijan andmused

Orehovo-Zujevon lidnümbrikon röunad vn 2019 sulakuspäi i sijaduz agjas

Lidn sijadase lidnümbrikon päivlaskmas, Drezn-jogen oiktal randal (ven.: Дрезна 33 km pitte, ende Дроздна, Kläz'man oiged ližajogi), 123 m ü.m.t. keskmäižel korktusel.

Matkad Moskvhasai (Moskvan rengazavtotehesai) om seičemekümne kilometrad päivlaskmha. Lähembaižed lidnad (orhal i teidme) oma Orehovo-Zujevo kümnes kilometras pohjoižpäivnouzmha, Likino-Dulövo 10 km suvipäivnouzmha, Pavlovskii Posad 15 km päivlaskmha.

Drezn-raudtestancii radab lidnan pohjoižes «Moskv (Kurskan päraudtestancii) — Vladimir»-keskustal vspäi 1861.

Eläjad

Vl 1939 žilon ristitišt oli 11 295 eläjad, vl 1959 lidnan — 11 530 eläjad. Vn 2010 Venäman rahvahanlugemižen mödhe lidnan eläjiden lugu oli 11 820 ristutud, rajonan (nüg. lidnümbrik) viž procentad, vn 2021 lidnan — 12 295 ristitud. Kaik 11 638 eläjad oli lidnas vl 2017. Kaikiš suremb lidnan ristitišt oli 13 047 eläjad vl 1989.

Rahvahad (ozutadud rahvahudenke vl 2010): venälaižed — 94,6 %, ukrainalaižed — 1,2 %, moldovalaižed — 1,1 %, toižed rahvahad — 3,1 %.

Ortodoksižen hristanuskondan Eläban Eziauguižen Stroican jumalanpert' (om saudud vll 1849−1887) udessündutase lidnas, mugažo Paraskeva-moknikan jumalanpert' (om saudud vll 1990−2000) om avaitud lähižes Gorbačih-küläs ani suvipäivnouzmha lidnaspäi Dreznan avtoümbärtenno.

Openduz

Lapsiden opendusen aluzkundad oma nell' nimitadud i nomeruidud päivkodid (nomer 2, 3, 4, 37), keskškol nomer 1, gimnazii, ehtal'ne škol, čomamahtoiden škol, ümbrikon «Feniks»-sportškolan palakund.

Socialiž-tehnologižen tehnikuman (Orehovo-Zujevo) alajaguz om lidnan professionaližen opendusen aluzkundaks.

Galerei

• 
  Lidnan ohjastusen pert' (2010)
• 
  Paraskeva-moknikan jumalanpert' lähižes Gorbačih-küläs, vn 2010 nägu
• 
  Tekstiližen fabrikan üks' sauvusišpäi vl 2010
• 
  Profškol (2010)
• 
  Drezn-raudtestancii vl 2018

Irdkosketused

• Lidnümbrikon tobmuden aluzkundoiden oficialine sait (ozmo.ru). (ven.)
• Lidnan informacine sait (drezna.ru). (ven.)