Pskovan agj

Vikipedii
Hüpähtada: navigacii, Ecind
Pskovan agj
Псковская область
Pskovan agjan planiruidud flag Pskovan agjan znam
Pskovan agjan planiruidud flag Pskovan agjan znam
Map of Russia - Pskov Oblast.svg
Pälidn Pskov
Pind

- Ühtes
- saum vezid (%).

48-nz'

55 399 km²
6

Eläjiden lugu

- Kaik
- Sageduz

68-nz'

651 108 ristitud (2015)
11,75 rist./km²

Federaline ümbrik Lodehline
Venäman ekonomine region Lodehline
Valdkundkel' (-keled) venäkel'
Gubernator Andrei Turčak
Administracijan pämez' hän-žo
Ezitajiden Suiman ezimez' Aleksandr Kotov
Avtokod 60
Aigvöd UTC+3 (MSK+0)

Pskovan agj (ven.: Псковская область) om Venälaižen Federacijan subjekt.

Se mülüb Lodehližhe federaližhe ümbrikho.

Agjan administrativine keskuz da kaikiš suremb lidn om Pskov.

Keled[redaktiruida | redaktiruida purde]

Valdkundkel' om üks'jäine — venäkel'.

Istorii[redaktiruida | redaktiruida purde]

Vozil 910 - 1348 Pskovan ruhtinazkund oli, se mülüi Uz'lidnanmaha. Sid' se sai avtonomijad da oli olmas vhesai 1510 kuti Pskovan Tazovaldkund.

Pskovan agj om olmas vs 1944 elokun 23. päiväspäi. Vl 1957 redukun 2. päiväl enččen Velikije Lukin agjan rajoniden tobmad palad mülütihe Pskovan agjaha.

Pskovan agjan Päkäskuz[1] om vahvištadud vl 2001 keväz'kun 29. päiväl Agjan Ezitajiden Suimal, tuli väghe sil-žo vodel sulakun 12. päiväl da om väges nügüd' äiluguižiden vajehtusidenke.

Geografijan andmused[redaktiruida | redaktiruida purde]

Pskovan agjan reljefan kart.

Agjal om röunoid Uz'lidnan agjanke da Tverin agjanke päivnouzmas, Smolenskan agjanke suvipäivnouzmas, Vaugedvenämanke suves (sen Vitebskan agjanke, 305 km), Lätänmanke (214 km) da Estinmanke (270 km) päivlaskmas, Leningradan agjanke pohjoižes. Pskovan agj om mererandatoi.

Pind om 55 399 nellikkilometrad. Mec otab territorijan 38%, sod ottas kümnendest. Znamasižed joged oma Sur' sen ližajogidenke (Iss, Čeröh, Pskovanjogi), sid' Lovat' da Šelon' (lanktas Il'men'-järvhe), Plüss agjan pohjoižes om Narvan ližajogi. Kaik joged mülüdas Baltijan meren basseinha. Znamasine järv om Peipus da Pskovan estin röunal. Nece järv om videnz' surtte Evropas (3558 km²).

Reljef vajehteleb alangoišpäi kukhiže. Kaikiš korktemb čokkoim om Bežanicin ülüden Lipnickaj-mägi (339 m) agjan suvipalas. Kaikiš alahaižemb om Peipusjärven pind (30 m).

Klimat om ven da Baltijan meren valatoitusele alastui.

Londuseližed varad oma turbaz, sapropel', sauvondmaterialad (mouckivi, dolomit, sauvondgips, saved, letked, gravii), mec, reskvezi.

Tobmuz[redaktiruida | redaktiruida purde]

Nevondkundoiden pert' om agjan gubernatoran, Administracijan da Ezitajiden Suiman ištundsija Pskovas.

Agjan pämez' nimitase gubernatoraks. Andrei Turčak radab gubernatoran vs 2009 uhokun 27. päiväspäi. Kaik rahvaz änestab händast videks vodeks, enamba kaht strokud jäl'geten ei sa. Gubernator om mugažo agjan Administracijan pämez', hän märičeb sen strukturad da paneb Administracijan valdkundmehid radnikusile. Üks' ezmäine varagubernator da nell' muite varagubernatorad oma hänele abhu.

Pskovan agjan üks'kodine parlament om Ezitajiden Suim. Kaik rahvaz valičeb sen 44 ezitajad videks vodeks. Aleksandr Kotov radab Ezitajiden Suiman ezimeheks vs 2011 tal'vkun 15. päiväspäi.

Radonoigendai tobmuz om Pskovan agjan Administracii. Agjan ohjandused, komitetad da laudkundad alištudas Administracijale, se märičeb niiden strukturad.

Vl 2014 sügüz'kun 14. päiväl gubernatorad valitihe, nügüdläine gubernator sai vägestust ezmäižel tural (78,36% änid) da radab kahtenden strokun. Järgvaličendad Agjan Ezitajiden Suimha oliba vl 2011 tal'vkun 4. päiväl.

Eläjad[redaktiruida | redaktiruida purde]

Vl 2010 kaiken Venäman rahvahanlugemižen mödhe eläjiden lugu oli 673 423 ristitud[2]. Kaikutte seičemenz' ristit kümnepäi om lidnalaine.

Agjas om nell'toštkümne lidnad da 14 lidnanvuittušt žilod. Toine sur' lidn (enamba 90 tuh. ristitud vl 2015) om Velikije Luki.

Rahvahad (enamba 0,5% vl 2010): venälaižed (91,5%), ukrainalaižed (1,3%), vaugedvenälaižed (1,0%), čiganalaižed (0,5%), toižed — 2,0%, rahvahuden ozutandata — 3,7%.

Erased toižed igähižed rahvahad: estilaižed — 0,09% (625 rist., sidä kesken setulaižed — 0,02%, 123 rist.); latvijalaižed — 0,07% (442 rist.).

Homaičendad[redaktiruida | redaktiruida purde]

  1. Pskovan agjan Päkäskusen tekst (constitution.garant.ru). (ven.)
  2. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Pskovan agjan lidnad
Dno | Gdov | Nevel' | Novoržev | Novosokol'niki | Opočk | Ostrov | Petseri | Pitalovo | Porhov | Pskov | Pustošk | Sebež | Velikije Luki