Pustošk

Pustošk
Пустошка
	Lidnanznam;
Valdkund	Venäma
Eläjiden lugu (2020)	3,862 ristitud
Pind	10,51 km²
Pämez'	Oksana Bugräkova; (2015—)
Telefonkod	+7−81 142-xx-xxx
Avtokod	60
Aigvö	UTC+3 (MSK+0)

Pustošk (ven.: Пусто́шка) om Venäman lidn da lidnankund Pskovan agjan suves. Se om Pustoškan rajonan administrativine keskuz (vspäi 1927).

Istorii[vajehta | vajehtada lähte]

Om severz'-se neolitan kaivandusid, löutihe käpid da lidneihuziden jändusid lidnan ümbrištos (1. voz'tuha edel m.e. — 1. voz'tuha meiden erad). Eländpunktan aluz om pandud žiloks ühtennimiženno raudtestancijanno (om avaitud vn 1900 sügüz'kul) «Moskv — Rig»-keskustal vl 1901. Ende pustolän oli žilon sijas, nimitihe äjiden agjan küliden kartte. Edel revolücijad puine jumalanpert' oli olmas žilos. Pustošk sai lidnan statusad vl 1925.

Vozil 1941 (16. heinku) — 1944 (27. uhoku) lidn oli bombardiruidud da okkupiruidud Germanijan imperijan sodavägil, sen aigan muretihe kaikid lidnan sauvusid täuzin i amptihe tuhid eläjid. Toižen mail'man sodan jäl'ghe udessündutihe lidnad.

Pustoškan ižandusen sarakod oma sauvondmaterialiden pästand (mecan ümbriradai tegimištkombinat) da sömtegimišt (leibkombinat).

Geografijan andmused[vajehta | vajehtada lähte]

Lidn sijadase Krupejan järven da Krupei-jogen randoil (ven.: Крупея, mž. Крупянка alajoksmuses, Sur'-jogen i Peipusjärven bassein), 160 m ü.m.t. keskmäižel korktusel. Matkad Pskovhasai om 177 km pohjoižhe orhal vai 190 km avtotedme. Lähembaižed lidnad oma Nevel' 50 km suvipäivnouzmha avtotedme i Sebež 60 km päivlaskmha avtotedme vai raudtedme.

Pustošk om lidnankundan üks'jäine eländpunkt.

Eläjad[vajehta | vajehtada lähte]

Vn 2010 Venäman rahvahanlugemižen mödhe eläjiden lugu oli 4 619 ristitud, rajonan ristitišton pol'. Kaik 4 083 eläjad oli lidnas vl 2017. Kaikiš suremb ristitišt oli 6 305 eläjad vl 1989.

Ortodoksižen hristanuskondan ph. Sergii Radonežalaižen jumalanpert'^[1] om saudud vll 1997−2000.

Kursoiden openduzkombinat^[2] om lidnas. Professionaližen opendusen aluzkundad ratas lähembaižiš lidnoiš.

Galerei[vajehta | vajehtada lähte]

Pustoškan rajonan käskuzkund vl 2011
Ph. Sergii Radonežalaižen jumalanpert', vn 2010 nägu
Tegimišton tavaroiden lauk (2011)
Avtotesild Krupejas päliči (2013)
Pustošk-raudtestancijan sauvuz vl 2011

Homaičendad[vajehta | vajehtada lähte]

Irdkosketused[vajehta | vajehtada lähte]

Pustošk Vikiaitas

	Pskovan agjan lidnad
	Dno \| Gdov \| Nevel' \| Novoržev \| Novosokol'niki \| Opočk \| Ostrov \| Petseri \| Pitalovo \| Porhov \| Pskov \| Pustošk \| Sebež \| Velikije Luki

[1] Pustoškan pühäpertid sobory.ru-saital. (ven.)

[2] Pustoškan kursoiden openduzkombinat pskovedu.ru-saital. (ven.)

[1]

[2]