Opočk

Opočk
Опочка
	Lidnanznam;
Valdkund	Venäma
Eläjiden lugu (2020)	9,495 ristitud
Pind	23,91 km²
Pämez'	Svetlana Mihailova; (sügüz'ku 2020—)
Telefonkod	+7−81 138-xx-xxx
Avtokod	60
Aigvö	UTC+3 (MSK+0)

Opočk (ven.: Опо́чка) om Venäman lidn da lidnankund Pskovan agjan suvipäivlaskmas. Se om Opočkan rajonan administrativine keskuz.

Istorii[vajehta | vajehtada lähte]

Eländpunktan aluz om pandud vl 1341 kuti Opočk-külä. Se sai lidnan statusad vl 1412 lidnusen alusenke ühtes. Saudihe lidnusen vajehtamha muretud Kolože-lidnust, kudamban jändused sijadasoiš 11 km päivnouzmha nügüd'aigaižes lidnaspäi.

Opočkan ižandusen päsarak om sömtegimišt (söndtavaroiden tegim, leibkombinat, südäiveziden edheotand^[1]), mugažo omblendfabrik i laps'avtoištmiden pästandan edheotand ratas lidnas.

Geografijan andmused[vajehta | vajehtada lähte]

Lidn sijadase Sur'-jogen randoil (Peipusjärven bassein), 90 m ü.m.t. keskmäižel korktusel. Matkad Pskovhasai om 125 km pohjoižhe orhal vai 130 km avtotedme. Lähembaižed lidnad oma Novoržev 60 km pohjoižpäivnouzmha avtotedme, Sebež 60 km suvhe avtotedme i Pitalovo 75 km lodeheze avtotedme.

Opočk om lidnankundan üks'jäine eländpunkt.

Eläjad[vajehta | vajehtada lähte]

Vn 2010 Venäman rahvahanlugemižen mödhe lidnan eläjiden lugu oli 11 603 ristitud, rajonan ristitišton koume videndest. Kaik 10 307 eläjad oli lidnas vl 2017. Kaikiš suremb ristitišt oli 16 130 eläjad vl 1989.

Ortodoksižen hristanuskondan kuz' pühäpertid^[2] oma lidnas: Pühän Jumalanmaman Katken jumalanpert' (vspäi 1804), Jumalanmaman Emäganpäivän jumalanpert' kaumžomal (puine, vspäi 1995), Spasan Toižetamižen jumalanpert' (letihe vll 1999−2005), koume časounäd. Niiden ližaks, enzne Spasan Toižetamižen päjumalanpert' i nell' jumalanpertid ei ole kaičenus.

Opočkan industrialiž-pedagogine kolledž^[3] om lidnan professionaližen opendusen aluzkundaks.

Edeline lidnankundan pämez' (Deputatoiden nevondkundan ezimez') oli Nina Smirnova vn 2013 semendkuspäi. Lidnankundan Administracijan pämez' om Jelena Nikolajeva vn 2020 kül'mkuspäi.

Galerei[vajehta | vajehtada lähte]

Čomamahtoiden škol lapsiden täht (2014, ende Kukol'kinan erižpert')
Sündun Toižetamižen jumalanpert', vn 2011 nägu
Kodirandantedištandmuzei vl 2011 (ende profškol)
Kul'turkeskuz (2014)
Avtobusstancii vl 2014 (ende počtan stancii)

Homaičendad[vajehta | vajehtada lähte]

Irdkosketused[vajehta | vajehtada lähte]

Opočk Vikiaitas

	Pskovan agjan lidnad
	Dno \| Gdov \| Nevel' \| Novoržev \| Novosokol'niki \| Opočk \| Ostrov \| Petseri \| Pitalovo \| Porhov \| Pskov \| Pustošk \| Sebež \| Velikije Luki

[1] Südäiveziden edheotandan sait (Opočk, 24vkusa.ru). (ven.)

[2] Opočkan pühäpertid sobory.ru-saital. (ven.)

[3] Opočkan industrialiž-pedagogižen kolledžan sait (opochka-kolledg.ru). (ven.)

[1]

[2]

[3]