Mordovijan Tazovaldkund

Vikipedii
Hüpähtada: navigacii, Ecind
Mordovijan Tazovaldkund
Мордовская Республика (ven.)
Мордовия Республикась (erz.)
Мордовия Республиксь (mokš.)

Mordovijan Tazovaldkundan flag Mordovijan Tazovaldkundan znam
Mordovijan Tazovaldkundan flag Mordovijan Tazovaldkundan znam
Map of Russia - Mordovia.svg
Pälidn Saransk
Pind

- Ühtes
- saum vezid (%).

68-nz'

26 128 km²
0,1

Eläjiden lugu

- Kaik
- Sageduz

62-nz'

808 888 ristitud (2015)
30,96 rist./km²

Federaline ümbrik Volgaveren
Venäman ekonomine region Volgan da Vätkan
Valdkundkel' (-keled) venäkel', erzän kel', mokšan kel'
Tazovaldkundan pämez' Vladimir Volkov
Ohjastusen ezimez' Vladimir Suškov
Valdkundaližen Nevondkundan ezimez' Vladimir Čibirkin
Gimn Sä om minun lämoi, Mordovii...
Avtokod 13, 113
Aigvöd UTC+3 (MSK+0)

Mordovijan Tazovaldkund (ven.: Республика Мордовия, erz.: Мордовия Республикась, mokš.: Мордовия Республиксь) vai Mordovii (ven., erz. da mokš.: Мордовия) om üks' Venälaižen Federacijan subjektoišpäi.

Se mülüb Volgaveren federaližhe ümbrikho.

Tazovaldkundan pälidn da kaikiš suremb lidn om Saransk.

Keled[redaktiruida | redaktiruida purde]

Valdkundkeled oma venän, erzän da mokšan keled, tazovaldkundan Konstitucijan 12. kirjutusen mödhe.

Istorii[redaktiruida | redaktiruida purde]

Mordovijan Tazovaldkund om olmas vl 1930 vilukun 10. päivälpäi. Vhesai 1934 tal'vkun 20. päivhäsai sen nimi oli Mordovijan avtonomine agj. Vhesai 1990 sen nimi oli Mordovijan Avtonomine Nevondkundaline Socialistine Tazovaldkund.

Mordovijan Tazovaldkundan Konstitucii[1] om vahvištadud vl 1995 sügüz'kun 21. päiväl Mordovijan Konstitucižen Suiman ezitajil, sidä kesken Valdkundaližen Nevondkundan, da om väges äiluguižiden vajehtusidenke.

Geografijan andmused[redaktiruida | redaktiruida purde]

Mordovijan Tazovaldkundan reljefan kart.

Tazovaldkundal oma röunad Ul'janovskan agjanke päivnouzmas, Penzan agjanke suves, Räzanin agjanke päivlaskmas, Alalidnan agjanke pohjoižes da Čuvašijan Tazovaldkundanke pohjoižpäivnouzmas. Mordovijan Tazovaldkund om mererandatoi.

Pind om 26 128 km². Mecad ottas territorijan tobmad palad. Tazovaldkundan territorijan päivlaskmpol' mülüb Mokš-jogen basseinha, päivnouzmpol' — Sur-jogen basseinha.

Reljef om kukhikaz alangištoidenke. Kaikiš korktemb čokkoim om nimetoi taho 324 m kortte valdmeren pindan päl.

Klimat om ven kontinentaline. Heinkun keskmäine lämuz om +19°C, vilukun — -12°C. Paneb sadegid 350-700 mm vodes.

Londuseližed varad oma palab šoidkivi, fosforitad, mouckivi, mec, reskvezi.

Tobmuz[redaktiruida | redaktiruida purde]

Tazovaldkundan pert' om Mordovijan Ohjastusen ištundsija Saranskas.

Vladimir Volkov radab tazovaldkundan pämeheks vs 2012 semendkun 10. päiväspäi, Valdkundaline Nevondkund vahvišti händast radnikusele Venäman prezidentan taričendan mödhe. Tazovaldkundan pämez' märičeb Ohjastusen strukturad, paneb ministrid radnikusile. Hän sättutab Ohjastusen ezimehen kandidatad parlamentanke.

Mordovijan parlament om Valdkundaline Nevondkund. Kaik rahvaz valičeb sen 48 ezitajad videks vodeks. Vladimir Čibirkin radab Nevondkundan ezimeheks vs 2011 tal'vkun 15. päiväspäi.

Radonoigendai tobmuz om Mordovijan Tazovaldkundan Ohjastuz. Vladimir Suškov radab Ohjastusen ezimeheks vspäi 2012 semendkun 14. päiväspäi. Tazovaldkundan ministrused, komitetad da radnikoičendad alištudas Ohjastusele.

Järgvaličendad Mordovijan Valdkundaližhe Nevondkundha oliba vl 2011 tal'vkun 4. päiväl.

Eläjad[redaktiruida | redaktiruida purde]

Vl 2010 eläjiden lugu om 834 755 ristitud[2]. Vl 2015 kaikutte kudenz' ristit kümnespäi om lidnalaine.

Kaikes tazovaldkundas om seičeme lidnad, 13 lidnanvuittušt žilod da 1250 küläd. Toine sur' lidn (enamba 45 tuh. eläjid vl 2015) om Ruzajevk. Vl 2015 kaik om 20 eländpunktad enamba mi 5 tuh. eläjidenke.

Rahvahad (enamba 0,4% vl 2010): venälaižed (53,2%), mordvinalaižed (39,9%), totarlaižed (5,2%), ukrainalaižed (0,4%); toižed — 0,9%, rahvahuden ozutandata — 0,4%.

Homaičendad[redaktiruida | redaktiruida purde]

  1. Mordovijan Tazovaldkundan Konstitucijan tekst (constitution.garant.ru). (ven.)
  2. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Mordovijan Tazovaldkundan lidnad
Ardatov | Insar | Kovilkino | Krasnoslobodsk | Ruzajevk | Saransk | Temnikov