Temnikov

Temnikov
Темников (ven.)
Чополт ош (erz.)
Темникав (mokš.)
	Lidnanznam;
Valdkund	Venäma
Eläjiden lugu (2020)	5,778 ristitud
Pind	19,46 km²
Pämez'	Viktor Tarakin; (kezaku 2017—)
Telefonkod	+7−83 445-xx-xxx
Avtokod	13, 113
Aigvö	UTC+3 (MSK+0)

Temnikov (ven.: Те́мников, erz.: Чополт ош, mokš.: Темникав, tot.: Төмән) om Venäman lidn Mordovijan Tazovaldkundan lodehes. Se om Temnikovan rajonan lidnankund da administrativine keskuz.

Istorii[vajehta | vajehtada lähte]

Tazovaldkundan kaikiš amuižemb olii lidn, mainitase ezmäižen kerdan 12. voz'sadal. Vl 1536 eländpunktan aluz om pandud udhe sijha, Mokšan vastrandan 10 km ülezjogen, Jelena Glinskajan käskön mödhe. Šingotihe porcellanastjoiden koumel fabrikal 19. voz'sadal. Nevondkundaližen aigan nened edheotandad radoiba: špaleroiden da bumagan «Krasnaja roza»-fabrik, peniden lampoiden tegim, meckombinat, linkapken tegim.

Geografijan andmused[vajehta | vajehtada lähte]

Lidn seižub Mokš-jogen oiktal randal (Okanjogen oigedpol'ne bassein), 120 m ü.m.t. keskmäižel korktusel. Mordovijan londuseline kel'dtaho zavodiše 10 km pohjoižhe lidnaspäi. Matkad Saranskhasai om 158 km suvipäivnouzmha avtotedme. Lähembaine lidn da raudtestancii om sauptud administrativiž-territorialižes Sarov-ühtnikas 35 km pohjoižhe orhal vai 46 km avtotedme.

Temnikov om lidnankundan üks'jäine eländpunkt.

Eläjad[vajehta | vajehtada lähte]

Vn 2010 kaiken Venäman rahvahanlugemižen mödhe eläjiden lugu oli 7 243 ristitud, rajonan ristitišton nell' ühesandest. Kaikiš suremb lidnan ristitišt oli enamba ühesad tuhad eläjid vll 1989−2001 (9 600 rist. vozil 1996−1998).

Rahvahad (2002): venälaižed — 61,1 %, mordvinalaižed — 33,7 %, totarlaižed — 3,3 %, toižed rahvahad — 1,9 %.

Temnikovan maižanduzkolledž^[1] i medicinine kolledž^[2] oma professionaližen opendusen aluzkundoikš.

Galerei[vajehta | vajehtada lähte]

Kodirandantedištandmuzei Ušakov-maršalan nimed (2012)
Jumalanmaman Emäganpäivän jumalanpert', vn 2015 nägu
Torgovanoiden laukoiden istorine sauvuz vl 2015
Kul'turan da joudan keskuz (2020)
Jumalanmaman Sündundan Sanaksaran mez'jumalankodi koumes kilometras lidnaspäi, vn 2010 nägu