Ruzajevk

Ruzajevk
Рузаевка (ven.)
Оразай ош (erz.)
Орозай Ош (mokš.)
Lidnanznam;	Flag;
Valdkund	Venäma
Eläjiden lugu (2020)	44,291 ristitud
Pind	26,55 km²
Pämez'	Aleksei Domnin; (kül'mku 2019—)
Telefonkod	+7−83 451-xx-xxx
Avtokod	13, 113
Aigvö	UTC+3 (MSK+0)

Ruzajevk (ven.: Рузаевка, erz.: Оразай ош, mokš.: Орозай Ош) om Venäman lidn da raudtesol'm Mordovijan Tazovaldkundan keskuzpalan suves. Ruzajevk om tazovaldkundan kahtenz' surtte lidn, Saranskan suvipäivlaskmaine ezilidn. Om Ruzajevkan rajonan lidnankund da administrativine keskuz.

Istorii[redaktiruida | redaktiruida purde]

Eländpunkt mainitase ezmäižen kerdan vl 1631 kuti lahjoitud külä Kasimovan eläjale — Urozai Tonkačev-murzale. Hänen nimen mödhe nimitihe-ki küläd. Vl 1937 žilo sai lidnan statusad.

Ruzajevkan tegimil tehtas nenid tegesid: avtocisternad da cisternvagonad, plastiktorved da tegesed, mašiništ maižanduzlikkuimiden täht, savič, specialižed sobad. Sömtegimišton edheotandad (maidproduktad i kanamunad).

Geografijan andmused[redaktiruida | redaktiruida purde]

Lidn seižub Pišl'-jogen (erz.: Пишля) lanktendan sijas Insar-jogehe (Volgan bassein), 169 m keskmäižel korktusel valdmeren pindan päl. Matkad Saranskan keskushesai om 25 km pohjoižpäivnouzmha.

Ruzajevk om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 kaiken Venäman rahvahanlugemižen mödhe eläjiden lugu oli 47 523 ristitud, rajonan ristitišton seičeme kümnendest. Kaikiš suremb ristitišt oli enamba 50 tuhad eläjid vll 1982−2001 (53 tuh. rist. vl 1987).

Rahvahad: venälaižed, mokšalaižed, erzälaižed, totarlaižed.

Ortodoksižen hristanuskondan nell' pühäpertid^[1] oma olmas lidnas: ph. Stroican päjumalanpert' (om saudud vll 2009−2012), kaks' jumalanpertid i Jumalanmaman Kazanin jumalaižen časoun'.

Professionaližen opendusen aluzkundad oma Ruzajevkan raudten i lidnan transportan tehnikum^[2] i Saranskan politehnižen tehnikuman Ruzajevkan palakund.

Edeline lidnan Administracijan pämez' om Valerii Rodionov (kül'mku 2016 — sügüz'ku 2019).

Galerei[redaktiruida | redaktiruida purde]

Ruzajevkan rajonan tobmuden sauvuz (2018)
Jumalanmaman Kazanin jumalaižen časoun' i puruvedim-muštnik torgul läz vagzalad, vn 2014 nägu
Elektrusen järgenduzstancii vl 2015
Ruzajevk-raudtestancii vl 2018