Pohjoižosetijan — Alanijan Tazovaldkund

Vikipedii
Hüpähtada: navigacii, Ecind
Pohjoižosetijan — Alanijan Tazovaldkund
Республика Северная Осетия — Алания (ven.)
Республикæ Цæгат Ирыстон-Алани (oset.)

Pohjoižosetijan — Alanijan Tazovaldkundan flag Pohjoižosetijan — Alanijan Tazovaldkundan znam
Pohjoižosetijan — Alanijan Tazovaldkundan flag Pohjoižosetijan — Alanijan Tazovaldkundan znam
Map of Russia - North Ossetia (Alania).svg
Pälidn Vladikavkaz
Pind

- Ühtes
- saum vezid (%).

80-nz'

7987 km²
0,2

Eläjiden lugu

- Kaik
- Sageduz

73-nz'

705 270 ristitud (2015)
88,3 rist./km²

Federaline ümbrik Pohjoižkavkazan
Venäman ekonomine region Pohjoižkavkazan
Valdkundkel' (-keled) osetijan kel', venäkel'
Tazovaldkundan pämez' Tamerlan Aguzarov
Ohjastusen ezimez' Väčeslav Bitarov
Parlamentan ezimez' Aleksei Mačnev
Gimn Homendezpäivoin al, amuižel mal...
Avtokod 15
Aigvöd UTC+3 (MSK+0)

Pohjoižosetijan — Alanijan Tazovaldkund (ven.: Республика Северная Осетия — Алания, oset.: Республикæ Цæгат Ирыстон-Алани) om Venälaižen Federacijan subjekt, üks' sen tazovaldkundoišpäi.

Se mülüb Pohjoižkavkazan federaližhe ümbrikho.

Tazovaldkundan pälidn da kaikiš suremb lidn om Vladikavkaz.

Keled[redaktiruida | redaktiruida purde]

Valdkundkeled oma venäkel' da osetijan kel'.

Istorii[redaktiruida | redaktiruida purde]

Pohjoižosetijan — Alanijan Tazovaldkund om olmas vl 1924 heinkun 7. päivälpäi. Sen aluz oli pandud kuti Pohjoižosetijan avtonomine agj. Vozil 1936-1993 sidä nimitihe Pohjoižosetijan Avtonomižeks Nevondkundaližeks Socialistižeks Tazovaldkundaks.

Pohjoižosetijan — Alanijan Tazovaldkundan Konstitucii[1] om vahvištadud vl 1994 kül'mkun 12. päiväl Ülembaižen Nevondkundan ezitajil da om väges vs 1994 tal'vkun 7. päiväspäi möhembaižiden vajehtusidenke.

Geografijan andmused[redaktiruida | redaktiruida purde]

Pohjoižosetijan — Alanijan Tazovaldkundan reljefan kart.

Tazovaldkundal om röunoid Kabardinijan da Balkarijan Tazovaldkundanke, Stavropolin randanke, Ingušetijan Tazovaldkundanke, Čečenijan Tazovaldkundanke, Gruzijanke da Suviosetijanke. Pohjoižosetijan — Alanijan Tazovaldkund om mererandatoi.

Pind om 7 987 km².

Londuseližed varad oma kivivoi, londuseline gaz, turbaz, metallad (vas'k, hahktin, cink, äimetalližed kivendod, harvad mametallad), sauvondmaterialad (mouckivi, katekivi, mramor, granit, letked, saved)[2], reskvezi, gidroenergii.

Tobmuz[redaktiruida | redaktiruida purde]

Enzne Nevondkundoiden Pert' om Tazovaldkundan Parlamentan, pämehen da Ohjastusen pert' Vladikavkazas.

Tazovaldkundan pämez' om Tamerlan Aguzarov, radab vs 2015 kezakun 5. päiväspäi.

Pohjoižosetijan — Alanijan Tazovaldkundan Parlament om üks'kodine 68 ezitajanke. Kaik rahvaz valičeb heid videks vodeks. Aleksei Mačnev radab sen ezimehen vs 2012 kül'mkun 20. päiväspäi.

Radonoigendai tobmuz om Pohjoižosetijan — Alanijan Tazovaldkundan Ohjastuz. Väčeslav Bitarov radab sen ezimehen vs 2015 sügüz'kun 24. päiväspäi.

Järgvaličendad tazovaldkundan Parlamentha oliba vl 2012 redukun 14. päiväl. Tazovaldkundan pämest valitihe parlamentas vl 2015 sügüz'kun 13. päiväl Venäman prezidentan taričendan mödhe, nügüdläine Tazovaldkundan pämez' sai vägestust ezmäižel tural (66 än't 68:späi, 97%).

Eläjad[redaktiruida | redaktiruida purde]

Vl 2010 eläjiden lugu om 712 980 ristitud[3]. Sündutandmär ületab kolendmärad znamasižešti. Vl 2015 lidnalaižiden eläjiden pala om 64%.

Tazovaldkundas om kuz' lidnad, 7 lidnanvuittušt žilod da 209 küläd. Toižed sured lidnad (enamba 35 tuh. eläjad, surembaspäi penembha) oma Mozdok da Beslan. Vl 2015 kaik om 12 eländpunktad enamba mi 10 tuh. eläjidenke.

Rahvahad (enamba 0,4% vl 2010): osetijalaižed (64,5%), venälaižed (20,6%), ingušad (4,0%), armenijalaižed (2,3%), kumikalaižed (2,2%), gruzijalaižed (1,0%), turkalaižed (0,5%), ukrainalaižed (0,5%), azerbaidžanlaižed (0,4%), kabardalaižed (0,4%), toižed — 2,7%, rahvahuden ozutandata — 0,9%.

Kacu mugažo[redaktiruida | redaktiruida purde]

Homaičendad[redaktiruida | redaktiruida purde]

  1. Pohjoižosetijan — Alanijan Tazovaldkundan Konstitucijan tekst (constitution.garant.ru). (ven.)
  2. Tarbhaižed kaivatused. — Rso-a.ru. (ven.)
  3. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Pohjoižosetijan — Alanijan Tazovaldkundan lidnad
Alagir | Ardon | Beslan | Digor | Mozdok | Vladikavkaz