Digor

Digor
Дигора (ven.)
Дигорæ (oset.)

Valdkund	Venäma
Eläjiden lugu (2025)	10,120 ristitud
Pind	9,19 km²
Pämez'	El'brus Kockiev (2014—)
Telefonkod	+7−86 733-xx-xxx
Avtokod	15
Aigvö	UTC+3 (MSK+0)

Lidnan sijaduz tazovaldkundas vn 2005 kartal

Digor (ven.: Дигора́, oset.: Дигорæ, sijaline pagin: Дыгурæ) om Venäman lidn da lidnankund Pohjoižosetijan — Alanijan Tazovaldkundan keskuzpalan lodehes. Se om Digoran rajonan administrativižeks keskuseks da palaks.

Irdkosketused

Eländpunktan aluz om pandud vl 1852 kuti Vol'no-Hristianovskii-aul. Nimitihe sidä möhemba Novohristianovskoje-žiloks i Hristianovskoje-žiloks (sijaline: Киристонгъæу, oset.: Чырыстонхъæу). Vn 1934 1. päiväl sulakud udesnimitihe žilod nügüdläižikš VCIK:an käskön mödhe. Vn 1964 kezal Digor sai lidnan statusad.

Digor šingotase gofriruindpakuitesen kartonfabrikal i sömtegimišton edheotandoil (leibäntegesed, limonmuiktuz).

Geografijan andmused

Digoran sijaduz rajonas i tazovaldkundas vn 2006 kartal

Lidn sijadase rajonan keskuzpalan päivnouzmas, Ursdon-jogen hural randal (48 km pitte, sijaline pagin: Уорсдон, Terek-jogen hura ližajogi), 448 m ü.m.t. keskmäižel korktusel.

Matkad Vladikavkazhasai om nell'kümne viž kilometrad suvipäivnouzmha orhal vai 51 km avtotedme. Lähembaine lidn om Ardon kaks'toštkümnes kilometras päivnouzmha orhal vai avtol.

Digor om lidnankundan üks'jäižeks eländpunktaks.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 10 856 ristitud, rajonan viž ühesandest, vn 2021 — 9 922 ristitud. Vl 2017 lidnan ristitišt oli 10 135 eläjad. Kaikiš suremb lidnan ristitišt oli 12 200 eläjad vll 2000−2001.

Rahvahad (enamba 0,6 % vl 2010, ozutadud rahvahudenke): osetinalaižed — 95,7 %, venälaižed — 1,8 %, lezginalaižed — 0,6 %, toižed rahvahad — 1,9 %.

Ortodoksižen hristanuskondan Pühän Jumalanmaman Sündundan jumalanpert' om saudud lidnas vll 1999−2002, jumalanradnikoičend vedase osetijan kelel.

Openduz

Lapsiden opendusen aluzkundad oma kuz' nimitadud i nomeruidud päivkodid (nomer 1..5 i 10), kaks' keskškolad (nomer 1 i 2), lapsiden sädamižen pert', lapsiden da norišton sportškol S. A. Jelbaevan nimed, noriden londusentedajiden stancii.

Lähembaižed profopendusen aluzkundad ratas Ardon- i Alagir-lidnoiš.

Irdkosketused

• Lidnankundan tobmuden aluzkundoiden oficialine sait (амс-дгп.рф). (ven.)