Alagir

Alagir
Алагир (ven. i oset.)

Valdkund	Venäma
Eläjiden lugu (2018)	20,043 ristitud
Pind	23 km²
Pämez'	Aleksei Gokonaev (kül'mku 2017—)
Telefonkod	+7-86 731-xx-xxx
Avtokod	15
Aigvö	UTC+3 (MSK+0)

Alagir (oset. i ven.: Алагир) om Venäman lidn da lidnankund Pohjoižosetijan — Alanijan Tazovaldkundan keskuzpalas. Se om Alagiran rajonan administrativine keskuz.

Istorii

Eländpunktan aluz om pandud vl 1850 kuti Gornai-stanic (ven.: станица Горная). Vl 1863 udesnimitihe sidä Alagir:aks, oset.: Уæллаг Ир-sanoišpäi, znamoičeb «Üläosetii». Alagir oli žiloks hobedan-hahktinan tegimenno vhesai 1897, konz sauptihe tegint. Panihe toižen Salugardan-eländpunktan (ven.: Салугардан) alust edel 1824 vot, aigan mändes kaks' žilod ühtištuihe. Alagir sai lidnan statusad vl 1938.

Lidn šingotase elektropaloiden i sauvondmaterialiden tegimil, mugažo meblin tehmine radab. Tamisk-kurort (oset.: Тæмискъ) sijadase 9 km suvhe Alagiran raudtestancijaspäi.

Geografijan andmused

Lidn sijadase 721 m keskmäižel korktusel valdmeren pindan päl. Matkad Vladikavkazhasai om 40 km päivnouzmha orhal vai avtotedme. Lähembaine lidn om Ardon 18 km pohjoižhe orhal vai avtol.

Alagir om lidnankundan üks'jäine eländpunkt.

Eläjad

Vn 2010 kaiken Venäman rahvahanlugemižen mödhe eläjiden lugu oli 20 949 ristitud, rajonan viž ühesandest. Kaikiš suremb ristitišt oli 24 500 eläjad vl 1996. Hristanuskondan Pühän hengen Voznesen'jan päjumalanpert' (vspäi 1851) i Jumalanozutandan Alanijan naižjumalankodi (vspäi 2003) oma olmas lidnas.

Rahvahad (enamba 0,6% vl 2010, ozutadud rahvahudenke): osetinalaižed — 91,5%, venälaižed — 5,6%, armenijalaižed — 0,6%, toižed rahvahad — 2,3%.

Pohjoižkavkazan mectehnikum i muzikškol täuz'kaznuziden täht oma professionaližen opendusen aluzkundoikš.

Irdkosketused

• Lidnankundan lehtpoled Alagiran rajonan tobmuden saital (алаг-ир.рф). (ven.)