Lipeckan agj

Vikipedii
Hüpähtada: navigacii, Ecind
Lipeckan agj
Липецкая область
Lipeckan agjan flag Lipeckan agjan znam
Lipeckan agjan flag Lipeckan agjan znam
Map of Russia - Lipetsk Oblast.svg
Pälidn Lipeck
Pind

- Ühtes
- saum vezid (%).

72-nz'

24 047 km²
0,2

Eläjiden lugu

- Kaik
- Sageduz

45-nz'

1 157 865 ristitud (2015)
48,15 rist./km²

Federaline ümbrik Keskuzline
Venäman ekonomine region Keskuzliž-Mustmaine
Valdkundkel' (-keled) venäkel'
Administracijan pämez' Oleg Korolöv
Agjan Deputatoiden Nevondkundan ezimez' Pavel Putilin
Avtokod 48
Aigvöd UTC+3 (MSK+0)

Lipeckan agj (ven.: Липецкая область) om Venälaižen Federacijan subjekt.

Se mülüb Federaližhe keskuzümbrikho.

Agjan administrativine keskuz da kaikiš suremb lidn om Lipeck.

Keled[redaktiruida | redaktiruida purde]

Valdkundkel' om üks'jäine — venäkel'.

Istorii[redaktiruida | redaktiruida purde]

Lipeckan agj om olmas vl 1954 vilukun 6. päivälpäi.

Lipeckan agjan Päkäskuz[1] om vahvištadud vl 2003 keväz'kun 27. päiväl Agjan Nevondkundan deputatoil, om allekirjutadud gubernatoral sil-žo vodel sulakun 9. päiväl da om väges möhembaižiden vajehtusidenke. Se vajehti enččen Päkäskusen, kudamb oli vahvištadud vl 1994 tal'vkun 1. päiväl.

Geografijan andmused[redaktiruida | redaktiruida purde]

Lipeckan agjan reljefan kart.

Agj röunatab Tambovan agjanke päivnouzmas, Voronežan agjanke suves, Kurskan agjanke suvipäivlaskmas, Orelan agjanke päivlaskmas, Tulan da Räzanin agjoidenke pohjoižes. Lipeckan agj om mererandatoi.

Pind om 24 047 km². Agj mülüb mecan da stepin zonha. Mustma otab territorijan viž kudendest.

Agjan päivnouzmpol' om alangoikaz. Kukhikaz tazangišt levigandeb päivlaskmpoles, se venub 262 metrhasai valdmeren pindan päl korktusil. Znamasižed joged oma Don da sen ližajoged (Voronež, Hered Sosn).

Klimat om ven kontinentaline. Heinkun keskmäine lämuz om +20...+22°C, vilukun kesklämuz om -8...-11°C. Paneb sadegid 500-575 mm vodes.

Londuseližed varad oma turbaz, raudkivend, sauvondmaterialad (mouckivi, saved, letked, dolomit), mustma.

Tobmuz[redaktiruida | redaktiruida purde]

Agjan Deputatoiden Nevondkundan da gubernatoran ištundsija, Administracijan päine pert' Lipeckas.

Agjan pämez' nimitase administracijan pämeheks. Oleg Korolöv radab administracijan pämehen vs 1998 sulakun 12. päiväspäi. Hänen valdatusiden strok om viž vot. Administracijan pämez' märičeb Administracijan strukturad da paneb sen ühtnijoid radnikusile. Üks' ezmäine administracijan varapämez' da kahesa administracijan muite varapämest oma hänele abhu.

Käskusenandai tobmuz om Lipeckan agjan Deputatoiden Nevondkund 56 ezitajanke. Kaik rahvaz valičeb heid videks vodeks. Pavel Putilin radab Agjan Deputatoiden Nevondkundan ezimeheks vs 2005 tal'vkuspäi koumanden strokun.

Radonoigendai tobmuz om Lipeckan agjan Administracii. Agjan ohjandused da inspekcijad alištudas Administracijale.

Agjan administracijan pämehen järgvaličendad oliba vl 2014 sügüz'kun 14. päiväl, nügüdläine administracijan pämez' sai vägestust ezmäižes turas (80,31%) da radab videnden strokun jäl'geten. Järgvaličendad Deputatoiden Nevondkundha oliba vl 2011 tal'vkun 4. päiväl.

Eläjad[redaktiruida | redaktiruida purde]

Vl 2010 kaiken Venäman rahvahanlugemižen mödhe eläjiden lugu oli 1 173 513 ristitud[2]. Lidnalaižiden eläjiden pala om 64,2% (vl 2015).

Agjas om kahesa lidnad, lidnanvuittušt žilod ei ole. Toine sur' lidn (enamba 100 tuh. ristitud) om Jelec. Vl 2015 kaik om 7 eländpunktad enamba mi 10 tuh. eläjidenke.

Rahvahad (enamba 0,4% vl 2010): venälaižed (92,6%), ukrainalaižed (0,8%), armenijalaižed (0,6%), toižed — 2,1%, rahvahuden ozutandata — 3,9%.

Homaičendad[redaktiruida | redaktiruida purde]

  1. Lipeckan agjan Päkäskusen tekst (constitution.garant.ru). (ven.)
  2. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Lipeckan agjan lidnad
Čapligin | Dankov | Gräzi | Jelec | Lebedän' | Lipeck | Zadonsk | Usman'