Smolenskan agj

Vikipedii
Hüpähtada: navigacii, Ecind
Smolenskan agj
Смоленская область
Smolenskan agjan flag Smolenskan agjan znam
Smolenskan agjan flag Smolenskan agjan znam
Map of Russia - Smolensk Oblast.svg
Pälidn Smolensk
Pind

- Ühtes
- saum vezid (%).

56-nz'

49 779 km²
0,5

Eläjiden lugu

- Kaik
- Sageduz

53-nz'

964 791 ristitud (2015)
19,38 rist./km²

Federaline ümbrik Keskuzline
Venäman ekonomine region Keskuzline
Valdkundkel' (-keled) venäkel'
Gubernator Aleksei Ostrovskii
Administracijan pämez' hän-žo
Agjan Duman ezimez' Igor' Lähov
Avtokod 67
Aigvöd UTC+3 (MSK+0)

Smolenskan agj (ven.: Смоленская область) om Venälaižen Federacijan subjekt.

Se mülüb Federaližhe keskuzümbrikho.

Agjan administrativine keskuz da kaikiš suremb lidn om Smolensk.

Keled[redaktiruida | redaktiruida purde]

Valdkundkel' om üks'jäine — venäkel'.

Istorii[redaktiruida | redaktiruida purde]

Smolenskan agj om olmas vl 1937 sügüz'kun 27. päivälpäi.

Smolenskan agjan Päkäskuz[1] om vahvištadud vl 2001 sulakun 26. päiväl Agjan Duman ezitajil, om allekirjutadud Administracijan pämehel sil-žo vodel semendkun 15. päiväl da om väges möhembaižiden vajehtusidenke. Se vajehti enččen Päkäskusen, kudamb oli vahvištadud vl 1995 sügüz'kun 22. päiväl Agjan Duman ühtnijoil.

Geografijan andmused[redaktiruida | redaktiruida purde]

Smolenskan agjan reljefan kart.

Agjal om röunoid Moskvan agjanke päivnouzmas, Kalugan agjanke suvipäivnouzmas, Bränskan agjanke suves, Vaugedvenämanke päivlaskmas (Mogilövan agj da Vitebskan agj), Pskovan da Tverin agjoidenke pohjoižes. Smolenskan agj om mererandatoi.

Pind om 49 779 km², sidä kesken mec otab 38%. Sadad penid järvid oma agjas. Kaikiš pidemb jogi om Dnepr. Agjan päivnouzmaižed joged mülüdas Volgan basseinha. Kaikiš järedambad vezištod oma Vazuzan (97 km²) da Jauzan (51 km²) vezivaradimed, ned sijadase agjan pohjoižpäivnouzmas, oma saudud varatoitamha reskvedel Moskvad.

Reljef om kukhikaz süviden jogialangištoidenke. Kaikiš korktemb čokkoim om nimetoi taho (321 m), se sijadase lodeheze Väz'maspäi agjan päivnouzmas. Kaikiš madalamb om Päivlaskmaižen Dvinan kendäk (141 m) Vaugedvenäman röunanno agjan päivlaskmas.

Klimat om ven kontinentaline. Heinkun keskmäine lämuz om +17°C, vilukun kesklämuz om -9°C. Paneb sadegid 630-730 mm vodes, enamba kezal (225-250 mm). Vegetacine pord vedase 129-143 päivest. Poud oleleb harvoin, kaiked enamba kevädel — päividen kümnendez. Suvižed, suvipäivlaskmaižed da päivlaskmaižed tulleid oma enambuses.

Londuseližed varad oma bur hil', turbaz, sauvondmaterialad (sauvondgips, mouckivi, letked, saved, sauvondkived), mägihrustal', fosforitad, keitandsol, reskvezi.

Tobmuz[redaktiruida | redaktiruida purde]

Agjan Duman, gubernatoran da Administracijan pert' Smolenskas.

Agjan pämez' nimitase gubernatoraks. Aleksei Ostrovskii radab gubernatoran vs 2012 sulakun 26. päiväspäi. Hänen valdatusiden strok om viž vot. Gubernator om mugažo agjan Administracijan pämez', hän märičeb sen strukturad da paneb sen ühtnijoid radnikusile. Seičeme varagubernatorad oma hänele abhu.

Smolenskan agjan üks'kodine parlament om Agjan Dum. Kaik rahvaz valičeb sen 48 ezitajad videks vodeks. Igor' Lähov radab Agjan Duman ezimeheks vs 2013 sügüz'kun 26. päiväspäi.

Radonoigendai tobmuz om Smolenskan agjan Administracii. Agjan departamentad da päohjandused alištudas Ohjastusele.

Gubernatorad valitihe vl 2015 sügüz'kun 13. päiväl, nügüdläine gubernator sai vägestust ezmäižes turas (62,18%) da radab kahtenden strokun. Järgvaličendad Agjan Dumha oliba vl 2013 sügüz'kun 8. päiväl.

Eläjad[redaktiruida | redaktiruida purde]

Vl 2010 kaiken Venäman rahvahanlugemižen mödhe eläjiden lugu oli 985 537 ristitud[2]. Kaikutte seičemenz' eläi kümnespäi om lidnalaine.

Agjas om vižtoštkümne lidnad da 10 lidnanvuittušt žilod. Toižed sured lidnad (enamba 40 tuh. ristitud, surembaspäi penembha) oma Väz'm, Roslavl', Jarcevo da Safonovo. Vl 2015 kaik om 9 eländpunktad enamba mi 10 tuh. eläjidenke.

Rahvahad (enamba 0,4% vl 2010): venälaižed (90,7%), ukrainalaižed (1,2%), vaugedvenälaižed (1,2%), armenijalaižed (0,5%), toižed — 2,2%, rahvahuden ozutandata — 4,2%.

Homaičendad[redaktiruida | redaktiruida purde]

  1. Smolenskan agjan Päkäskusen tekst (constitution.garant.ru). (ven.)
  2. Venäman kaikenaigaine ristitišt vl 2010. — Rosstat (gks.ru). (ven.)

Irdkosketused[redaktiruida | redaktiruida purde]


Smolenskan agjan lidnad
Demidov | Desnogorsk | Dorogobuž | Duhovščin | Gagarin | Jarcevo | Jel'n' | Počinok | Roslavl' | Rudn' | Safonovo | Sičovk | Smolensk | Veliž | Väz'm