Desnogorsk

Vikipedii-späi
Desnogorsk
Десногорск
 Lidnanznam
 Flag
Valdkund Venäma
Eläjiden lugu (2021) 25,345 ristitud
Pind 42,89 km²
Desnogorsk Десногорск
Pämez' Anatolii Terleckii
(eloku 2023—)
Telefonkod +7−48 153-xx-xxx
Avtokod 67
Aigvö UTC+3 (MSK+0)


Desnogorsk (ven.: Десного́рск) om Venäman lidn da lidnümbrik Smolenskan agjan suves.

Istorii[vajehta | vajehtada lähte]

Sauvoškanzihe eländpunktad i atomstancijad vspäi 1972. Vn 1974 26. päiväl uhokud registriruihe Desnogorsk-žilod oficialižešti, nimitihe jogen mödhe. AES radaškanzi vn 1982 tal'vkus. Žilo sai lidnan statusad vn 1989 31. päiväl redukud.

Desnogorsk šingotase Smolenskan atomelektrostancijal da sen abuedheotandoil, polimeriden tegimel i polimerpakuitesen tegimel.

Geografijan andmused[vajehta | vajehtada lähte]

Lidn om ümbärtud Roslavlin rajonan territorijal. Se sijadase Desn-jogen da sen vezivaradimen (ven.: Десногорское водохранилище 44 km², 193 m ü.m.t.) oiktal randal, 200 m ü.m.t. keskmäižel korktusel. AES zavodiše koumes kilometras lodeheze lidnaspäi. Täuttihe vezivaradint vll 1979−1984. Matkad Smolenskhasai om 107 km lodeheze orhal vai 146 km avtotel. Lähembaine lidn om Roslavl' 36 km suvipäivlaskmha orhal vai 40 km avtotedme. «Roslavl' — Obninsk»-avtote mäneb koumes kilometras suvhe lidnaspäi, sen sarak tuleb lidnha. Raudte om ühtenzoittud atomelektrostancijanke 22-kilometrižel sarakol «Roslavl' — Suhiniči»-keskustaspäi.

Sosnovk-külä (35 rist. vl 2018) mülüb lidnümbrikho Desnogorskan ližaks. Lugetas kahesa nomeruidud mikrorajonad lidnas.

Eläjad[vajehta | vajehtada lähte]

Vl 1979 lidnan ristitišt oli 9 830 eläjad. Vn 2010 Venäman rahvahanlugemižen mödhe lidnan-lidnümbrikon eläjiden lugu oli 31 100 ristitud. Kaikiš suremb lidnan ristitišt oli 36..37 tuhad eläjid vll 1996−2001 (37 300 rist. vll 2000−2001).

Rahvahad (2010): venälaižed — 92,5 %, ukrainalaižed — 2,3 %, vaugedvenälaižed — 2,0 %, toižed rahvahad — 3,2 %.

Ortodoksižen hristanuskondan nell' pühäpertid[1] oma saudud lidnas: Jumalanmaman «Kaikiden gorähižiden ihastuz»-jumalaižen päjumalanpert' (2009), Jumalanmaman «Äkkiline ihastuz»-jumalaižen jumalanpert' (letihe vll 2014−2017), ph. Stefan Permilaižen puine jumalanpert' (1997) i Sündun Eläbzdusen časoun' (kaumžoman territorijal, 2000).

Desnogorskan energetine kolledž[2] om lidnan professionaližen opendusen aluzkundaks.

Municipaližen ühtnikan pämez' om sen Administracijan pämez'. Edeližed municipalitetan pämehed oma Aleksandr Novikov (sulaku 2022 — kezaku 2023) i Andrei Šubin (keväz'ku 2017 — keväz'ku 2022).

Galerei[vajehta | vajehtada lähte]

Homaičendad[vajehta | vajehtada lähte]

  1. Desnogorskan pühäpertid sobory.ru-saital. (ven.)
  2. Desnogorskan energetižen kolledžan sait (dek67.ru). (ven.)

Irdkosketused[vajehta | vajehtada lähte]



Smolenskan agjan lidnad
Demidov | Desnogorsk | Dorogobuž | Duhovščin | Gagarin | Jarcevo | Jel'n' | Počinok | Roslavl' | Rudn' | Safonovo | Sičovk | Smolensk | Veliž | Väz'm