Obninsk

Vikipedii
Mine navigeerimisribale Mine otsikasti
Obninsk
Обнинск
 Lidnanznam
Coat of Arms of Obninsk (Kaluga oblast) proposal (2003 N2).png
 Flag
Flag of Obninsk (Kaluga oblast).svg
Valdkund Venäma
Eläjiden lugu (2018-01-01) 115 029 ristitud
Pind 50,15 km²
Obninsk Обнинск
Pämez' Vladimir Vikulin
(2 005−2 010,
reduku 2 015—)
Telefonkod +7-484-xxx-xxxx
Aigvö UTC+3 (MSK+0)


Obninsk (ven.: Обнинск) om Venäman lidn da lidnümbrik Kalugan agjan pohjoižpäivnouzmas. Se om agjan kahtenz' lidn eläjiden lugun mödhe.

Istorii[redaktiruida | redaktiruida purde]

Eländpunktan aluz om pandud vl 1946 kuti peitol'ne žilo tedoidamha atomišt energijad. Saudud vodele 1954 ezmäine atomelektrostancii mail'mas om sen satuseks. Žilo sai lidnan statusad vn 1956 24. päiväl heinkud, nimitihe lähižen Obninskoje-raudtesarakon mödhe (radab lidnan suves).

Obninsk šingotase tedolidnaks, neniden tedoiden keskuz: südäitukuine fizik, atomenergetik, meteorologii, radiologii, radiacine himii, geofizik. Ratas 12 tedoinstitutad, Obninskan atomenergetikan institut[1]. Sauvondmaterialiden pästand, sömtegimišt, elektroladimiden i farmaceftikan edheotandad.

Geografijan andmused[redaktiruida | redaktiruida purde]

Lidn sijadase Protv-jogen hural randal (ven.: Протва́ 282 km pitte, Okan hura ližajogi), 175 m ü.m.t. keskmäižel korktusel. Matkad Kalugan röunhasai om 70 km suvhe, Uden Moskvan röunhasai — 25 km. Lähembaižed lidnad oma (častomaraižen mödhe): Malojaroslavec, Jermolino, Borovsk, Balabanovo, Belousovo, Žukov, kaik ned mülüdas Obninskan lidnaglomeracijha. «Moskv — Bränsk»-avtote (M3-trass «Ukrain») om lidnan päivnouzmaižeks röunaks.

Obninsk om lidnümbrikon üks'jäine eländpunkt. Se jagase nomeruidud mikrorajonikš (1..52), severz'-se eländkompleksoid i žiloid om lidnas. Lidnümbrikon pind om 50,15 km². Lidn om saudud koumen rajonan ühtenzoitusen tahondas: Borovskan rajon, Žukovan rajon i Malojaroslavecan rajon.

Eläjad[redaktiruida | redaktiruida purde]

Vl 1959 kaik 16 334 ristitud elihe lidnas. Vn 2010 Venäman rahvahanlugemižen mödhe eläjiden lugu oli 104 739 ristitud. Kaikiš suremb lidnan ristitišt om nügüd', agjan ühesandez. Obninskan lidnaglomeracijan ristitišt oli 210 845 eläjad 13 449 km² pindal vl 2017, erasti lugetas sidä Moskvan lidnaglomeracijan palaks.

Rahvahad (2010): venälaižed — 92,0%, ukrainalaižed — 2,7%, armenijalaižed — 1,1%, toižed rahvahad — 4,2%.

Homaičendad[redaktiruida | redaktiruida purde]

  1. Obninskan atomenergetikan institutan sait (iate.obninsk.ru). (ven.) (angl.)

Irdkosketused[redaktiruida | redaktiruida purde]



Kalugan agjan lidnad
Balabanovo | Belousovo | Borovsk | Jermolino | Juhnov | Kalug | Kirov | Kondrovo | Kozel'sk | Kremönki | Lüdinovo | Malojaroslavec | Medin' | Meščovsk | Mosal'sk | Obninsk | Sosenskii | Spas-Demensk | Suhiniči | Žizdr | Žukov | Tarus