Kremönki

Vikipedii
Mine navigeerimisribale Mine otsikasti
Kremönki
Кремёнки
 Lidnanznam
Coat of Arms of Kremenki (Kaluga oblast).png
 Flag
Flag of Kremenki (Kaluga oblast).png
Valdkund Venäma
Eläjiden lugu (2018-01-01) 10 587 ristitud
Pind 2,22 km²
Kremönki Кремёнки
Pämez' Kristina Karpenko
(reduku 2 015—)
Telefonkod +7-48 432-xx-xxx
Avtokod 40
Aigvö UTC+3 (MSK+0)


Kremönki (ven.: Кремёнки) om Venäman lidn da lidnankund Kalugan agjan pohjoižpäivnouzmas. Mülüb Žukovan rajonha, sen kahtenz' lidn eläjiden lugun mödhe koumen kesken.

Istorii[redaktiruida | redaktiruida purde]

Eländpunkt mainitase ezmäižen kerdan voziden 1721−1722 revizijas kuti Kremönki-külä. Kätihe žilod lidnanvuiččeks vl 1989. Vs 2004 tal'vkun 28. päiväspäi om lidnan statusanke.

Kremönki šingotase lämuzizoläcijan krepindoiden tegimel, kalan da meren produktoiden ümbriradmižen fabrikal, lebuturizmal, mugažo Serpuhovan i Protvinon «lidnaks-magaduzsijaks».

Geografijan andmused[redaktiruida | redaktiruida purde]

Lidn sijadase rajonan suvipäivnouzmaižes čogas, Protv-jogen hural randal (ven.: Протва́ 282 km pitte, Okan hurapol'ne bassein), 130 m ü.m.t. keskmäižel korktusel. Borovn-jogi (ven.: Боровна 15 km pitte) lankteb Protvha lidnan päivnouzmaižen röunan taga. Matkad Moskvan agjhasai om 3 km päivnouzmha, Žukov-rajonkeskushesai om 29 km lodeheze orhal vai 34 km avtotedme. Matkad Kalughasai om 65 km suvipäivlaskmha orhal vai 105 km avtotel. Lähembaižed lidnad oma Protvino (Moskvan agj) 6 km päivnouzmha orhal vai avtotedme, Serpuhov (raudtestancii, Moskvan agj) 20 km päivnouzmha orhal vai 22 km avtotedme, i Tarus 18 km suvhe orhal vai 26 km avtotedme.

Kremönki om lidnankundan üks'jäine eländpunkt. Lidnankundan pind — 2,22 km².

Eläjad[redaktiruida | redaktiruida purde]

Vl 1993 lidnanvuiččen žilon ristitišt oli 11 400 eläjad. Vn 2010 Venäman rahvahanlugemižen mödhe lidnan eläjiden lugu oli 11 582 ristitud, rajonan videndez. Kaikiš suremb ristitišt oli 12..12,2 tuhad eläjid vll 2000−2008. Ortodoksižen hristanuskondan Carin rodun moknikoiden jumalanpert' om saudud lidnas vll 2013−2017.[1]

Rahvahad (2010): venälaižed — 90,2%, ukrainalaižed — 3,3%, totarlaižed — 1,7%, mordvinalaižed — 1,0%, toižed rahvahad — 3,8%.

Lähembaižed professionaližen opendusen aluzkundad sijadasoiš lähižiš lidnoiš.

Homaičendad[redaktiruida | redaktiruida purde]

  1. Kremönkin pühäpertin sait (hram-kremenki.ru). (ven.)

Irdkosketused[redaktiruida | redaktiruida purde]



Kalugan agjan lidnad
Balabanovo | Belousovo | Borovsk | Jermolino | Juhnov | Kalug | Kirov | Kondrovo | Kozel'sk | Kremönki | Lüdinovo | Malojaroslavec | Medin' | Meščovsk | Mosal'sk | Obninsk | Sosenskii | Spas-Demensk | Suhiniči | Žizdr | Žukov | Tarus