Borovsk

Vikipedii
Mine navigeerimisribale Mine otsikasti
Borovsk
Боровск
 Lidnanznam
Borovsk COA (Kaluga Governorate) (1777).png
 Flag
Flag of Borovsk (Kaluga oblast).png
Valdkund Venäma
Eläjiden lugu (2018-01-01) 10,734 ristitud
Pind 24,3 km²
Borovsk Боровск
Pämez' Svetlana Galenkova
(semendku 2018—)
Telefonkod +7-48 438-xx-xxx
Avtokod 40
Aigvö UTC+3 (MSK+0)


Borovsk (ven.: Бо́ровск) om Venäman lidn da lidnankund Kalugan agjan pohjoižpäivnouzmas. Se om Borovskan rajonan administrativine keskuz i kahtenz' surtte lidn koumespäi, Obninskan lodehline ezilidn.

Istorii[redaktiruida | redaktiruida purde]

Eländpunkt mainitase ezmäižen kerdan vn 1358 suren Ivan Krasnii-ruhtinasen kirjeižes lidnan statusanke, i sen löutud keramik datiruiše 11.-13. voz'sadoil. Vll 1378−1473 mülüi Serpuhovan-Borovskan ruhtinazkundha, sid' kändihe Venäman palaks. Vspäi 1444 Pafnutii Borovskijan mez'jumalankodi om olmas tähäsai. Borovsk sai makundan lidnan oficiališt statusad vl 1776. Edel Oktäbrin revolücijad šingotihe vanhuskolaižiden keskuseks. Toižen mail'man sodan aigan lidn oli okkupiruidud nacistoil voziden 1941−1942 tal'vel.

Borovsk šingotase Blu-ray-diskoiden («Sony»), avtoližavedamiden, laivankohendusen i metalližkonstrukcijoiden tegimil, sömtegimištol, tekstiližil edheotandoil. Venäman živatoiden filiologijan, biohimijan da sötmižen tedoinstitut radab lidnas.

Geografijan andmused[redaktiruida | redaktiruida purde]

Lidn sijadase rajonan keskuzpalan päivnouzmas, Protv-jogen randoil (ven.: Протва́ 282 km pitte, Okan hura ližajogi), 160 m ü.m.t. keskmäižel korktusel. Matkad Kalughasai om 79 km suvhe orhal vai 90 km avtotel. Lähembaižed lidnad oma Balabanovo 9 km päivnouzmha orhal vai 12 km avtotedme, Jermolino 7 km päivnouzmha orhal vai 11 km avtotedme, i Obninsk 15 km suvipäivnouzmha orhal vai 23 km avtotedme.

Borovsk om lidnankundan üks'jäine eländpunkt. Lidnankundan pind — 24,30 km², lidnan pertišton — 10,44 km².

Eläjad[redaktiruida | redaktiruida purde]

Vl 1939 lidnan ristitišt oli 10 255 eläjad. Vn 2010 Venäman rahvahanlugemižen mödhe lidnan eläjiden lugu oli 12 283 ristitud, rajonan kudendez. Kaikiš suremb lidnan ristitišt oli 14 600 eläjad vll 1992−1996. Ortodoksižen hristanuskondan mez'jumalankodi[1] i kaks' pühäpertid oma olmas lidnas, mugažo vanhuskolaižiden Jumalanmaman Katken päjumalanpert'.

Rahvahad (2010): venälaižed — 90,0%, uzbekad — 2,2%, tadžikalaižed — 2,0%, ukrainalaižed — 1,4%, armenijalaižed — 1,2%, toižed rahvahad — 3,2%.

Professionaližen opendusen aluzkundad ratas lähembaižiš lidnoiš.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Ph. Pafnutii Borovskijan mez'jumalankodin sait (pafnuty-abbey.ru). (ven.)

Irdkosketused[redaktiruida | redaktiruida purde]



Kalugan agjan lidnad
Balabanovo | Belousovo | Borovsk | Jermolino | Juhnov | Kalug | Kirov | Kondrovo | Kozel'sk | Kremönki | Lüdinovo | Malojaroslavec | Medin' | Meščovsk | Mosal'sk | Obninsk | Sosenskii | Spas-Demensk | Suhiniči | Žizdr | Žukov | Tarus