Jel'n'

Vikipedii
Mine navigeerimisribale Mine otsikasti
Jel'n'
Ельня
 Lidnanznam
Coat of arms of Elnya.gif
 Flag
Flag of Elnya (Smolensk oblast).png
Valdkund Venäma
Eläjiden lugu (2018-01-01) 8 993 ristitud
Pind 15 km²
Jel'n' Ельня
Pämez' Irina Bogačeva
(viluku 2 019—,
velgusentäutai)
Telefonkod +7-48 146-xx-xxx
Avtokod 67
Aigvö UTC+3 (MSK+0)


Jel'n' (ven.: Е́льня) om Venäman lidn da lidnankund Smolenskan agjan lodehes. Se om Jel'nän rajonan administrativine keskuz. Om «sodahoštusen lidn»-arvnimenke vn 2007 redukuspäi.

Istorii[redaktiruida | redaktiruida purde]

Eländpunkt mainitaškanzihe Smolenskan Rostislav-ruhtinasen käskkirjeižes vl 1150 kuti Jeln (ven.: Елна), sen jändused oma kaičenus Desnan hural randal. Lidnan territorii oli ridan objektaks Venän i Litvanman keskes. Vspäi 1654 om Venäman palaks. Vl 1776 sai makundan lidnan statusad. Toižen mail'man sodan aigan lidn oli okkupiruidud (18. heinku — 6. sügüz'ku 1941 i 6. reduku 1941 — 30. eloku 1943).

Jel'n' šingotase mecanpilindal i savičtegimel.

Geografijan andmused[redaktiruida | redaktiruida purde]

Lidn sijadase rajonan päivlaskmas, Smolenskan-Moskvan ülüden vedenjagajal tazangištol, Desn-jogen üläjoksmusen oiktal randal tobjimalaz (Dnepran hura ližajogi), 225 m ü.m.t. keskmäižel korktusel. Matkad Smolenskhasai om 77 km päivlaskmha-lodeheze orhal, 108 km avtotel vai 80 km raudtel. Toižed lähembaižed lidnad om Dorogobuž 38 km pohjoižhe orhal vai 41 km avtotedme, Spas-Demensk (Kalugan agj) 57 km päivnouzmha orhal, 67 km avtotedme vai raudtedme, Desnogorsk 48 km suvhe orhal vai 57 km avtotedme, i Počinok 52 km päivlaskmha-suvipäivlaskmha orhal, 56 km avtotedme vai 130 km raudtedme. Jel'n'-raudtestancii radab lidnan päivlaskmas «Smolensk — Tul»-keskustal. «Safonovo — Počinok»-avtote ümbärdab lidnad päivlaskmaspäi.

Kaik 10 küläd mülüdas lidnankundha Jel'nän ližaks. Lidnankundan pind — 86 km².

Eläjad[redaktiruida | redaktiruida purde]

Vl 1939 lidnan ristitišt oli 7 132 eläjad. Vn 2010 Venäman rahvahanlugemižen mödhe lidnan eläjiden lugu oli 9 900 ristitud, rajonan seičeme kümnendest. Kaikiš suremb lidnan ristitišt oli 11 600 eläjad vll 1998.

Rahvahad (2010): venälaižed — 93,2%, ukrainalaižed — 2,3%, vaugedvenälaižed — 1,1%, toižed rahvahad — 3,4%.

Professionaližen opendusen aluzkund om Jel'nän maižanduztehnikum.[1]

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Jel'nän maižanduztehnikuman sait (elnsht.narod.ru). (ven.)

Irdkosketused[redaktiruida | redaktiruida purde]



Smolenskan agjan lidnad
Demidov | Desnogorsk | Dorogobuž | Duhovščin | Gagarin | Jarcevo | Jel'n' | Počinok | Roslavl' | Rudn' | Safonovo | Sičovk | Smolensk | Veliž | Väz'm