Safonovo (lidn)

Vikipedii-späi
Safonovo
Сафоново
Lidnanznam
Valdkund Venäma
Eläjiden lugu (2021) 38,403 ristitud
Pind 29,58 km²
Safonovo Сафоново
Pämez' Svetlana Šapovalova
(sügüz'ku 2016—)
Telefonkod +7−48 142-xx-xxx
Avtokod 67
Aigvö UTC+3 (MSK+0)


Safonovo (ven.: Сафо́ново) om Venäman lidn, lidnankund da transporttesol'm Smolenskan agjan keskuzpalas. Se om agjan videnz' lidn eläjiden lugun mödhe, Safonovon rajonan administrativine keskuz.

Istorii[vajehta | vajehtada tekst]

Eländpunktan aluz om pandud vl 1859 kuti Dorogobuž-raudtestancii da žilo senno udel «Moskv — Smolensk»-raudtel, radaškanzi vl 1870. Nimitihe stancijad lähembaižen lidnan mödhe. Kätihe žilod Safonovon rajonan keskuseks vl 1929, hot' volostin enzne Safonovo-külä sijazihe kümnes kilometras stancijaspäi. Nimituz libub hristanuskondan kalendarin Sofonii-nimespäi. Žilo stancijanno sai radnikžilon statusad vn 1938 7. päiväl redukud, nimitihe nügüdläižikš, raudtestancijad-ki. Šingotihe vll 1948−1960 kuti buran hilen samižen keskuz. Safonovo om lidnan statusanke vs 1952 sulakun 8. päiväspäi.

Safonovo šingotase plastikmaterialiden da plastmasstegesiden kudel edheotandal, mašinansauvomižel (elektrolikutimiden da generatoriden tegim, ühthekeitandapparatad, katilmašiništ), sauvondmaterialiden pästandal (raudbetontegesed, savič, asfal't, mecanümbriradmižen tegim, mobiližed pertid), sömtegimištol (lihan i leibän edheotandad).

Geografijan andmused[vajehta | vajehtada tekst]

Lidn sijadase rajonan suves, Vopec-jogen randoil (ven.: Вопец 74 km pitte, Dnepran üläjoksmusen oiged ližajogi), 213 m ü.m.t. keskmäižel korktusel. Matkad Smolenskhasai om 83 km päivlaskmha-suvipäivlaskmha orhal, 97 km avtotel vai raudtel. Toižed lähembaižed lidnad oma Jarcevo 35 km päivlaskmha orhal, 39 km avtotedme vai raudtedme, i Dorogobuž 22 km suvhe orhal vai 24 km avtotedme. «Smolensk — Moskv»-avtote mäneb lidnan pohjoižes i pohjoižröunaks. «Smolensk — Moskv»-raudtekeskust läbitab lidnad.

Safonovo om lidnankundan üks'jäižeks eländpunktaks. Lidnankundan pind — 29,58 km².

Eläjad[vajehta | vajehtada tekst]

Vl 1939 lidnan ristitišt oli 3 589 eläjad. Vn 2010 Venäman rahvahanlugemižen mödhe lidnan eläjiden lugu oli 43 500 ristitud, rajonan koume nelländest. Kaik 42 707 eläjad oli lidnas vl 2017. Kaikiš suremb lidnan ristitišt oli 53..56 tuhad eläjid vll 1976−1998 (56 571 rust. vl 1989).

Rahvahad (2002): venälaižed — 94,0 %, vaugedvenälaižed — 1,3 %, ukrainalaižed — 1,1 %, toižed rahvahad — 3,6 %.

Ortodoksižen hristanuskondan viž jumalanpertid[1] oma letud lidnas. Protestantizman koume pühäpertid oma avaitud.

Safonovon industrialiž-tehnologine tehnikum[2], privatine Turizman, menedžmentan da informacižtehnologijoiden tehnikum[3] i valdkundaližen Smolenskan profopendusen akademijan Safonovon filial[4] oma lidnan professionaližen opendusen aluzkundoikš.

Lidnankundan pämez' om sen nevondkundan ezimez'.

Galerei[vajehta | vajehtada tekst]

Homaičendad[vajehta | vajehtada tekst]

  1. Safonovon pühäpertid sobory.ru-saital. (ven.)
  2. Safonovon industrialiž-tehnologižen tehnikuman sait (safonovo-industr-tehn-tehnikum.ru). (ven.)
  3. Turizman, menedžmentan da informacižtehnologijoiden tehnikuman sait (ttmit.edusite.ru, Safonovo) (ven.)
  4. Smolenskan profopendusen akademii, Safonovon filialan sait (ssmolapo.ru). (ven.)

Irdkosketused[vajehta | vajehtada tekst]



Smolenskan agjan lidnad
Demidov | Desnogorsk | Dorogobuž | Duhovščin | Gagarin | Jarcevo | Jel'n' | Počinok | Roslavl' | Rudn' | Safonovo | Sičovk | Smolensk | Veliž | Väz'm