Sevastopol'

Vikipedii
Jump to navigation Jump to search
Sevastopol'
Севастополь (ven. i ukr.)
Акъяр (krim.-tat.)
 Lidnanznam
COA of Sevastopol.svg
 Flag
Flag of Sevastopol.svg
Valdkund Venäma - de fakto
Ukrain - de jure]]
Eläjiden lugu (2019) 443 211 ristitud
Pind 864 km²
Sevastopol' Севастополь (ven. i ukr.) Акъяр (krim.-tat.)
Pämez' Dmitrii Ovsännikov
(heinku 2 016—)
Telefonkod +7-869
Aigvö UTC+3


Sevastopol' (ven. i ukr.: Севастополь, krim.-tat.: Акъяр, grek.: Σεβαστούπολη Sevastoúpoli, ital.: Sebastopoli, turk.: Sivastopol) om lidn Kriman suvipäivlaskmas. Se om valdkundan alištusen lidn, ei mülü Kriman Tazovaldkundha, hot' om Krim-pol'saren südäimes.

Lidn om Kriman jädumatoi torguind- da kalaport, tedon, tegimišton, kul'turan, istorijan keskuz. Siš om äi adivpertid turistoiden täht. Sevastopolin ristitišt turizman sezonan aigan ližadub nell'hä-vidhe kerdha. Lidnan istorine keskuz (Hersonesan jändused) sijadase Sevastopolin karan suvirandal.

Istorii[redaktiruida | redaktiruida purde]

Vl 1783 nügüdläižen lidnan aluz om pandud Venäman Jekaterina II Sur'-imperatornaižen käskön mödhe. Se om vägilidn da sodahoštusen lidn. Venäman Mustmeren laivišton sodameribazad sijadasoiš täs.

Geografijan andmused[redaktiruida | redaktiruida purde]

Sevastopolin administrativine shematine kart:
1 — Gagarinan rajon
2 — Leninan rajon
3 — Nahimovan rajon
4 — Balaklavan rajon
5 — Inkerman-lidn (Balaklavan rajonan mülükundas)

Sevastopol' sijadase Kriman pol'saren Mustmeren randal, 50 m ü.m.t. keskmäižel korktusel. Matkad Simferopolihesai om 60 km pohjoižpäivnouzmha orhal vai 83 km avtotedme, Jalthasai om 52 km päivnouzmha orhal vai 80 km avtotedme.

Sevastopolin administracijan territorii jagase 4 administrativižeks rajonaks. Gagarinan i Leninan rajonad mülütadas vaiše lidnfartaloid. Balaklavan da Nahimovan rajonad, päiči lidnfartaloiš, mülütadas mugažo 1 lidn (Inkerman), 28 küläd, 1 lidnanvuitte žilo (Kač) da enamba mi 30 pen't küläd.

Tobmuz[redaktiruida | redaktiruida purde]

Vs 2014 keväz'kus 17. päiväspäi Sevastopol'-lidnan Käskusenandai Suim om regionan käskusenandai tobmuz. Se om tehtud Sevastopolin lindannevondkundan udesnimitandaks.

Sevastopolin gubernator om radonoigendajan tobmuden pämez', hänel oiktuz om tehtas Sevastopolin ohjastusen pämeheks. Lidnan Käskusenandai Suim paneb gubernatoran radsijha. Gubernatoran valdatusiden strok om viž vot, enamba mi kaht strokud jäl'geten ei sa.

Eläjad[redaktiruida | redaktiruida purde]

Vl 2013 lidnan eläjiden lugu oli 344 479 ristitud[1], vl 2014 — 393 304 ristitud, vspäi 2014 lidnan territorii om tazostadud kaikhe regionha. Kaikiš suremb lidnan-regionan ristitišt oli 416 tuhad eläjid vll 1993−1994 i om nügüd'.

Rahvahad (enamba 0,4% vl 2014): venänikad — 77,1%, ukrainalaižed — 13,4%, vaugedvenälaižed — 1,0%, krimantatarlaižed — 0,7%, totarlaižed — 0,7%, armenijalaižed — 0,4%, toižed rahvahad — 1,8%, rahvahuden ozutandata — 4,9%.

Transport[redaktiruida | redaktiruida purde]

Trolleibusad, avtobusad, maršruttaksid, venehlikutimed i ehtatim oma kundaližeks transportaks lidnas.

Rahvahidenkeskeižes Bel'bek-lendimportaspäi om 8 km matkad lidnan pohjoižehesai (avtotedme), 25 km — lidnan suvehesai (merikaran ümbärtedme).

Sebruzlidnad[redaktiruida | redaktiruida purde]

Homaičendad[redaktiruida | redaktiruida purde]

  1. Ristitišton lugumär vn 2013 redukun 1. päivän. — Sevstat.sevinfo.com.ua.
  2. Belgorod da Sevastopol' kändihe sebruzlidnoikš. — Beladm.ru. (ven.)
  3. Uzištused. — Piterin administracijan oficialine sait (gov.spb.ru). (ven.)
  4. Vladivostok ei voind Moskvan kartte tehtas Sevastopolin sebruzlidnaks. — Primamedia.ru. (ven.)
  5. Sebruzlidnoiden mail'man päiv. — Petropavlovskan Kamčatkal lidnanümbrikon administracii (pkgo.ru). — 29. sulaku 2013. (ven.)
  6. Piterin ühthižtö verazmaižiden lidnoidenke da regionidenke. — Kvs.spb.ru. (ven.)
  7. Главацкий Олег. Севастополь и Поти стали побратимами //Крымское время. — 2008. — 26 ноября. (time4news.org-saital) (ven.)
  8. Sevastopol' da Volgograd kändihe sebruzlidnoikš. — Vlg-media.ru. (ven.)

Irdkosketused[redaktiruida | redaktiruida purde]



Venälaižen Federacijan subjektoiden pälidnad
Abakan | Alauz'lidn | Anadir' | Arhangel'sk | Astrahan' | Barnaul | Belgorod | Birobidžan | Blagoveščensk | Bränsk | Čeboksarad | Čeläbinsk | Čerkessk | Čit | Elist | Gorno-Altaisk | Groznii | Habarovsk | Hanti-Mansiisk | Irkutsk | Iževsk | Ivanovo | Jakutsk | Jaroslavl' | Jekaterinburg | Joškar-Ol | Kaliningrad | Kalug | Kazan' | Kemerovo | Kirov | Kizil | Kostrom | Krasnodar | Krasnojarsk | Kurgan | Kursk | Lipeck | Magadan | Magas | Mahačkal | Maikop | Moskv | Murmansk | Nal'čik | Nar'jan Mar | Novosibirsk | Omsk | Orel | Orenburg | Penz | Perm' | Petropavlovsk Kamčatkal | Petroskoi | Piter | Pskov | Rostov Donal | Räzan' | Salehard | Samar | Saransk | Saratov | Siktivkar | Simferopol' (de fakto) | Sevastopol' (de fakto) | Smolensk | Stavropol' | Sur' Uz'lidn | Suvisahalinsk | Tambov | Tomsk | Tul | Tver' | Tümen' | Uf | Ulan Ude | Ul'janovsk | Vladikavkaz | Vladimir | Vladivostok | Volgograd | Vologd | Voronež