Mine sisu juurde

Čerkessk

Vikipedii-späi
Čerkessk
Черкесск (kar. da balk., ven.)
Черкес къала (abaz.)
Шэрджэс къалэ (kab. da čerk.)
Шеркеш шахар (nog.)
 Lidnanznam
 Flag
Valdkund Venäma
Eläjiden lugu (2024) 112,782 ristitud
Pind 69,8 km²
Čerkessk Черкесск (kar. da balk., ven.) Черкес къала (abaz.) Шэрджэс къалэ (kab. da čerk.) Шеркеш шахар (nog.)
Pämez' Valerii Deduk
(reduku 2022—)
Telefonkod +7−8782-xxx-xxx
Avtokod 09
Aigvö UTC+3 (MSK+0)


Čerkessk (ven.: Черке́сск, abaz.: Черкес къала, kab. da čerk.: Шэрджэс къалэ, kar. da balk.: Черкесск, nog.: Шеркеш шахар) om lidn da lidnümbrik Venäman suvipäivlaskmas. Se om Karačajan da Čerkesijan Tazovaldkundan pälidn.

Istorii[vajehta | vajehtada tekst]

Eländpunktan aluz om pandud vl 1825 kuti Batalpašinskai-stanic (ven.: станица Баталпашинская) ühtennimižen redutan sijas. Stanic sai lidnan statusad vl 1931 Batalpašinsk-nimenke. Lidn nimitase nügüdläižikš vspäi 1939.

Čerkessk šingotase elektrotehnižel sarakol (vilugoitimmašiništon tehmine[1], madalvol'tine apparatur), räzintehnižiden tegesiden edheotandal, sauvondmaterialiden pästandal (cement, savič), sömtegimištol (lihanümbriradmižen produktad i konservad, mineraližen veden pakuitez), villanümbriradmižen fabrikal.

Geografijan andmused[vajehta | vajehtada tekst]

Lidnan sijaduz tazovaldkundan kartal (2010)

Lidn sijadase tazovaldkundan pohjoižes. Se seižub Kuban'-jogen oiktal randal, 530 m ü.m.t. keskmäižel korktusel, Kavkazan ezimägištol. Korktused sadas 700 metrhasai. Kubanin vezivaradim om päivnouzmha lidnaspäi. Lähembaižed järedad lidnad sijadasoiš Stavropolin randas: Nevinnomissk 50 km lodeheze orhal i Jessentukad 50 km päivnouzmha orhal.

Klimat om ven kuivahk. Voden keskmäine lämuz om +10 C°, kezakun-elokun +18..+22 C°, tal'vkun-uhokun −1..−3 C°. Ekstremumad oma −25,7 C° (uhoku) i +36,2 C° (eloku). Kezaaigan minimum om +2,4 C° (heinku, eloku), tal'vaigan maksimum om +18,4 C° (uhoku). Ei voi panda halad kezakus-elokus. Paneb sadegid 372 mm vodes, enamba sulakus-heinkus (41..57 mm kus), vähemba vilukus-uhokus (13..14 mm kus).

Tobmuz[vajehta | vajehtada tekst]

Čerkessk om lidnümbrikon üks'jäižeks eländpunktaks.

Municipaližen ühtnikan pämez' om lidnan Duman ezimez', edeline Čerkesskan pämez' om Jevgenii Belanov (uhoku 2007 — reduku 2022). Lidnan mer (municipaližen ühtnikan Merijan pämez') om Aleksei Baskaev vn 2020 kezakuspäi. Edeline mer om Ruslan Tambijev (2011 — semendku 2020).

Eläjad[vajehta | vajehtada tekst]

Vn 2010 Venäman rahvahanlugemižen mödhe lidnan eläjiden lugu oli 129 069 ristitud, se om kaikiš suremb lugu kaikes aigas, vn 2021 — 113 226 ristitud. Vl 2017 lidnan ristitišt oli 122 478 eläjad.

Rahvahad (enamba 1 % vl 2010): venälaižed — 54,1 %, karačailaižed — 16,2 %, čerkesalaižed — 13,0 %, abazilaižed — 8,1 %, nogailaižed — 1,5 %, armenijalaižed — 1,3 %, toižed rahvahad — 4,6 %, rahvahuden ozutandata — 1,2 %.

Transport[vajehta | vajehtada tekst]

Avtobusad, trolleibusad da taksid oma kundaližeks transportaks lidnas.

Čerkessk-raudtestancii radab vspäi 1929. Vspäi 2009 se om lopstancijaks sarakol Nevinnomisskai-stancijaspäi, matkad sihesai om 53 km rel'savtobusal. Ende Ust'-Džegutan stancii radoi sen sarakon lopuks 18 kilometras.

Galerei[vajehta | vajehtada tekst]

Homaičendad[vajehta | vajehtada tekst]

  1. «Holodmaš»-tegimen sait (holodmash.ru). (ven.)

Irdkosketused[vajehta | vajehtada tekst]



Karačajan da Čerkesijan Tazovaldkundan lidnad
Čerkessk | Karačajevsk | Teberd | Ust'-Džegut


Venälaižen Federacijan subjektoiden pälidnad
Abakan | Alauz'lidn | Anadir' | Arhangel'sk | Astrahan' | Barnaul | Belgorod | Birobidžan | Blagoveščensk | Bränsk | Čeboksarad | Čeläbinsk | Čerkessk | Čit | Elist | Gatčin | Gorno-Altaisk | Groznii | Habarovsk | Hanti-Mansiisk | Irkutsk | Iževsk | Ivanovo | Jakutsk | Jaroslavl' | Jekaterinburg | Joškar-Ol | Kaliningrad | Kalug | Kazan' | Kemerovo | Kirov | Kizil | Kostrom | Krasnodar | Krasnogorsk | Krasnojarsk | Kurgan | Kursk | Lipeck | Magadan | Magas | Mahačkal | Maikop | Moskv | Murmansk | Nal'čik | Nar'jan Mar | Novosibirsk | Omsk | Orel | Orenburg | Penz | Perm' | Petropavlovsk Kamčatkal | Petroskoi | Piter | Pskov | Rostov Donal | Räzan' | Salehard | Samar | Saransk | Saratov | Siktivkar | Simferopol' (de fakto) | Sevastopol' (de fakto) | Smolensk | Stavropol' | Sur' Uz'lidn | Suvisahalinsk | Tambov | Tomsk | Tul | Tver' | Tümen' | Uf | Ulan Ude | Ul'janovsk | Vladikavkaz | Vladimir | Vladivostok | Volgograd | Vologd | Voronež