Gatčin

Vikipedii
Jump to navigation Jump to search
Gatčin
Гатчина
 Lidnanznam
Coat of Arms of Gatchina (v. 1).svg
 Flag
Flag of Gatchina (v. 1).svg
Valdkund Venäma
Eläjiden lugu (2017) 95 178 ristitud
Pind 28,75 km²
Gatčin Гатчина
Pämez' Vitalii Filonenko
(sügüz'ku 2 014—)
Telefonkod +7-81 371-xx-xxx
Avtokod 47
Aigvö UTC+3 (MSK+0)


Gatčin (ven.: Гатчина, suom.: Hatsina) om Venäman lidn da lidnankund Leningradan agjan keskusen suvipäivlaskmas, Gatčinan rajonan administrativine keskuz (mülüb rajonha vspäi 2006). Se om Piterin suvine ezilidn, Leningradan agjan da Gatčinan rajonan kaikiš suremb lidn.

Istorii[redaktiruida | redaktiruida purde]

Eländpunkt mainitase ezmäižen kerdan kuti Hotčino-külä Uz'lidnan aigkirjas vl 1500. Vodel 1796 Gatčino-külä sai lidnan statusad.

Vl 1923 lidnad udesnimitihe Trock:aks, vn 1929 elokus — Krasnogvardeisk:aks. Vs 1927 elokun 1. päiväspäi lidn om ühtennimižen rajonan administrativižeks keskuseks. Vozil 1938—2006 Krasnogvardeisk/Gatčin oli alištunu agjan tobmudele oikti. Vs 1944 vilukun 23. päiväspäi lidn om olmas nügüdläiženke nimenke.

Lidnankund om olmas nügüdläižiš röunoiš vspäi 2006.

Geografijan andmused[redaktiruida | redaktiruida purde]

Lidn sijadase suvhe Piterišpäi, Gatčinan rajonan pohjoižes. Matkad Piterin röunhasai om 8 km pohjoižhe, Piterin keskushesai — 42 kilometrad pohjoižhe.

Gatčin seižub Lugan da Oredežan ülüdel 100 m valdmeren pindan päl keskmäižel korktusel. Reljef om tazo, om madalid kukhid. Ižoranjogi (Nevan hura ližajogi) om lidnan pohjoižröunaks, sen ližajoged jokstas lidnan puištoidme. Viž pen't järved da kaks' sur't uitod om lidnas.

Lidn om lidnankundan üks'jäine eländpunkt. Gatčin-lidn jagase koumhe planiruindrajonha, lidnankund — 11 valičemižümbrikho.

Tobmuz[redaktiruida | redaktiruida purde]

Gatčin-lidnan tobmuden pert'.

Käskusenandai tombuz om Ezitajiden Nevondkund (ven.: Совет депутатов) 33 ühtnijanke. Kaik rahvaz valičeb heid videks vodeks. Järgenduseližed valičendad sihe oliba vn 2014 14. päiväl sügüz'kud.

Vitalii Filonenko radab sen ezimehen da lidnan pämehen vs 2014 sügüz'kun 25. päiväspäi.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 92 937 ristitud. Kaikiš suremb lidnan ristitišt oli vl 2015 — 96 334 eläjad.

Ortodoksižen hristanuskondan ph. Pavlan päjumalanpert', Pühän Jumalanmaman Katken päjumalanpert', koume pühäpertid i časoun' oma lidnas. Mugažo lüteranižen hristanuskondan kaks' pühäpertid, katoližen pühäpertin pala da kaks' protestantoiden pühäpertid om Gatčinas.

Ižanduz[redaktiruida | redaktiruida purde]

Ižandusen päsarakod oma sauvond da sauvondmaterialoiden pästand, mašinoidensauvomine, ladimensauvomine laivoiden täht, sömtegimišt, pakuitesen pästand, meblän pästand, atomfizikan tedoinstitutad, turizm.

Gatčin om järed raudtesol'm, kaks' raudted läbitadas lidnad.

Om specialižen opendusen aluzkundoid lidnas:

  • keskopenduz — pedagogine kolledž;
  • üläopenduz — Ekonomikan, rahaazjoiden, oiktusen da tehnologijoiden valdkundaline institut; Piterin irdekonomižiden kontaktoiden institutan filial.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]



Leningradan agjan lidnad
Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Kommunar | Kos'kenaluine | Lug | Lüban' | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk