Kudrovo
| Valdkund | Venäma |
| Eläjiden lugu (2019) | 31,577 ristitud |
| Pind | 8 km² |
| |
| Telefonkod | +7−812-xxx-xxxx |
| Avtokod | 47 |
| Aigvö | UTC+3 (MSK+0) |
Kudrovo (ven.: Кудрово, suom.: Väärämäki — «Värmägi») om lidn Leningradan agjan Vsevoložskan rajonan suvipäivlaskmas. Sijadase Piterin päivnouzmaiženno röunanno, mülüb Zanevkan lidnkundha.
Istorii[redaktiruida | redaktiruida purde]
Vintegimed Piterin ümbrištol mainitadas lidnan sijas 19. voz'sadan augotišespäi Värmägi-usadibanke (ven.: Косая гора), usadiban pert' om likvidiruidud vl 2013. Nevondkundaližen aigan Kudrovo-kolhoz, sid' sovhoz, oliba olmas vll 1928−1950.
Saudas ut Kudrovo-lidnad läz endišt Kudrovo-küläd, lidnan aluz om pandud vn 2006 lopus. Vn 2008 uhokus om zavodidud «Uz' Okkervil'»-eländfartalan sauvondad, vn 2009 sügüzespäi letihe «Seičeme pälidnad»-eländfartalan.
Vn 2018 28. päiväl kezakud Kudrovo sai lidnan statusad Leningradan agjan № 46-oz-käskusen mödhe 18.06.2018-dataspäi.
Kudrovo šingotase betontegimel.[1]
Geografijan andmused[redaktiruida | redaktiruida purde]
Lidn sijadase Piterin Rengazavtotenno, sen ümbrusen südäimes, pohjoižhe «Kol»-avtotrassaspäi (R-21). Om röunatud Piterin Nevan rajonal päivlaskmas, raudtesarakon taga. Okkervil'-jogi (Nevan oigedpol'ne bassein) läbitab lidnan pohjoižpalad. Matkad lidnkundan Janino-1-keskushesai om 6 km pohjoižpäivnouzmha, Vsevoložsk-rajonkeskushesai om 14 km pohjoižpäivnouzmha orhal vai 21 km avtotedme. Lähembaižed lidnkundan eländpunktad oma Zanevk-külä 2 km pohjoižhe i Novosergijevk-külä 2 km päivnouzmha.
Kaik om 21 irdad lidnas.
Eläjad[redaktiruida | redaktiruida purde]
Vn 2010 Venäman rahvahanlugemižen mödhe Kudrovo-külän eläjiden lugu oli 137 ristitud. Vl 2017 kaik 13 501 ristitud oli registriruidud sen aigan küläs.
Transport[redaktiruida | redaktiruida purde]
Avtobusad ühtenzoittas lidnad Piterinke. Lähembaine metrostancii om 
Ulica Dibenko, sen üks' vestibülišpäi om 1 km päivlaskmha lidnan röunaspäi orhal vai 2..4 km avtoteidme.
Metropoliten (vozile 2025−2027) linijan ekspluataciženke deponke i tramvai oma vaiše planoiš.
Galerei[redaktiruida | redaktiruida purde]
Lämoipalonvastaine palakund (2021)
Istorine Kudrovo-külä
«Seičeme Pälidnad»-mikrorajonan uded sauvondad
«Mega»-torguindkeskuz (2020)
Fontan Evropan torgul
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
 |
Kudrovo Vikiaitas |
| Leningradan agjan lidnad | ||
| Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk | ||