Otradnoje (lidn, Leningradan agj)

Otradnoje
Отрадное
Lidnanznam;	Flag;
Valdkund	Venäma
Eläjiden lugu (2018)	25,421 ristitud
Pind	70,1 km²
Pämez'	Irina Vališkova; (keväz'ku 2018—)
Telefonkod	+7−81 362-xx-xxx
Avtokod	47
Aigvö	UTC+3 (MSK+0)

Otradnoje (ven.: Отрадное, suom.: Pella) om Venäman lidn da lidnankund Leningradan agjan keskuzpalas, mülüb Kirovskan rajonha. Rajonan kaikiš suremb lidn, kuti Kirovsk-rajonkeskuz-ki Nevan ülezjogen (26,4 tuh. rist. vl 2018).

Istorii[redaktiruida | redaktiruida purde]

Ivanovskoje- i Pella-kezaküläd mainitasoiš vspäi 1708. Suren sodan aigan toran ezipird oli läz Otradnojed, kaik pertid da tegimed oliba muretud. Vl 1970 ühtenzoittihe Ivanovskoje-, Otrandoje- i Ust'-Tosno-žiloid lidnha, nimitihe nügüdläižikš.

Lidn šingotase laivansauvomižen «Pella»-tegimel, mecanümbriradmižel tegimel (elektropachad, pilindmaterialad), elektrotehnižen mašiništon tegimel, sömtegimišton edheotandoil (konditerine ühtelmaz i «Heinz»-kompanijan edheotand), mugažo jogiport i plastikpakuitesen edheotand ratas.

Geografijan andmused[redaktiruida | redaktiruida purde]

Lidn sijadase Nevan hural randal. Röunatab Piter-regionan suvipäivnouzmaiženke, sen Kolpinon rajonanke. Toine lähembaine lidn om Nikol'skoje 3 km suvhe. Ivanovskai-platform i Pell-raudtestancii sijadasoiš lidnas. Matkad Kirovskhasai om 16 km pohjoižpäivnouzmha orhal vai avtotedme.

Otradnoje om lidnankundan üks'jäine eländpunkt.

Eläjad[redaktiruida | redaktiruida purde]

Vn 2010 Venäman rahvahanlugemižen mödhe eläjiden lugu oli 23 866 ristitud. Kaikiš suremb ristitišt oli 25 481 eläjad vl 2015. Ortodoksižen hristanuskondan jumalanpert' da časoun' oma olmas lidnas.

Galerei[redaktiruida | redaktiruida purde]

«Fortuna»-kul'turkeskuz vl 2016
Ph. Ioann Armahtajan jumalanpert', vn 2010 nägu
Laivansauvomižen «Pella»-tegimen stapelid (2014)
Lidnan licei (2016)
Pell-raudtestancijan sauvuz vl 2014

Homaičendad[redaktiruida | redaktiruida purde]

Irdkosketused[redaktiruida | redaktiruida purde]

Lidnan tobmuden aluzkundoiden oficialine sait (otradnoe-na-neve.ru). (ven.)

Otradnoje (lidn, Leningradan agj) Vikiaitas

	Leningradan agjan lidnad
	Boksitogorsk \| Gatčin \| Ivangorod \| Kamennogorsk \| Kingisepp \| Kiriši \| Kirovsk \| Kommunar \| Kos'kenaluine \| Kudrovo \| Lug \| Lüban' \| Murino \| Nikol'skoje \| Otradnoje \| Pikalövo \| Primorsk \| Priozersk \| Pöud \| Sertolovo \| Slanci \| Sosnovii Bor \| Svetogorsk \| Säs'stroi \| Šlissel'burg \| Tihvin \| Tosno \| Uz' Ladog \| Viipur \| Visock \| Volhov \| Volosovo \| Vsevoložsk