Uz' Ladog
Lidnanznam
|
Flag
|
| Valdkund | Venäma |
| Eläjiden lugu (2017) | 8,413 ristitud |
| |
| Pämez' | Aleksandr Kuz'min (2014—) |
| Telefonkod | +7−81 363-xx-xxx |
| Avtokod | 47 |
| Aigvö | UTC+3 (MSK+0) |
Uz' Ladog (ven.: Новая Ладога, suom.: Uusi-Laatokka) om Venäman lidn da lidnankund Leningradan agjan keskuzpalas. Se om Volhovan rajonan kaikiš penemb lidn.
Istorii[redaktiruida | redaktiruida purde]
Petr I pani eländpunktan alust vl 1704 lidnan statusanke kuti verf' sauvomha laivoid. Edel sidä Nikolo-Medvedskii (Nikol'sko-Medvedovskii)-jumalankodin aluz oli pandud 14.−15. voz'sadoil nügüdläižen lidnan territorijas. Jumalankodi oli tühjitadud Uden Ladogan alusenpanendan ühtes.
Geografijan andmused[redaktiruida | redaktiruida purde]
Lidn sijadase Olhav-jogensun hural randal läz Ladoganjärved, 15 m valdmeren pindan päl keskmäižel korktusel. Matkad Piterihesai om 130 kilometrad päivlaskmha, Volhov-rajonkeskushesai — 24 km suvhe.
Uz' Ladog jagase nelläks lidnanlaptaks. Nell' pen't küläd mülüdas lidnankundha Uden Ladogan ližaks. Lidnankundan pind — 143,5 km².
Eläjad[redaktiruida | redaktiruida purde]
Vn 2010 Venäman rahvahanlugemižen mödhe lidnan eläjiden lugu oli 8 838 ristitud, lidnankundan — 8 915 ristitud. Kaikiš suremb lidnan kaikenaigaine ristitišt oli 11 310 eläjad vl 1989. Kaks' ortodoksižen hristanuskondan pühäpertid om olmas lidnas.
Ižanduz da transport[redaktiruida | redaktiruida purde]
Ižandusen päsarakod oma sömtegimišt, kalanpüdand da turizm, mugažo laivansauvomižtegim, verf' da nahkgalanterejan fabrik oma olmas.
Kaks' federališt avtoted ühtenzoittas lidnas: «Kola» (P21, E105) da «Uz' Ladog — Vologd» (A114). Lähembaine raudtestancii om Volhovstroi I, sijadase 24 km suvhe.
Galerei[redaktiruida | redaktiruida purde]
Lidnan administracijan pert' (2020)
Ph. Jumalanmaman Sündundan jumalanpert' (ende Ioann Jumalantedomehen, vn 2016 nägu)
Uden Ladogan laivansauvomižtegim (vn 2012 nägu)
Čomamahtoiden škol (2020)
Torguindrived (Adivpert'tanaz) vl 2018
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
 |
Uz' Ladog Vikiaitas |
| Leningradan agjan lidnad | ||
| Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk | ||