Šlissel'burg
Lidnanznam
|
Flag
|
| Valdkund | Venäma |
| Eläjiden lugu (2017) | 14,763 ristitud |
| Pind | 16,41 km² |
| |
| Pämez' | Nadežda Silajeva (sügüz'ku 2016—) |
| Telefonkod | +7−81 362-xx-xxx |
| Avtokod | 47 |
| Aigvö | UTC+3 (MSK+0) |
_view01.jpg)
Šlissel'burg (ven.: Шлиссельбург, suom.: Pähkinälinna, saks.: Schlüsselburg «avadim-lidn»; vozil 1323−1611 Orešek «pähkmut», edel 1702 vot Noteburg, roč.: Nöteborg «pähkmut-lidn» tähäsai, vozil 1944−1992 Petrokrepost' «Petran lidnuz») om Venäman lidn da lidnankund Leningradan agjan keskuzpalan päivlaskmas. Mülüb Kirovskan rajonha, sen koumanz' surtte lidn.
Istorii[redaktiruida | redaktiruida purde]
Eländpunktan aluz om pandud Uz'lidnan Jurii Danilanpoig-ruhtinasel vl 1323 Orehovii-sar'he pulidnuseks. Vl 1353 uz'lidnalaižed udessauvoiba lidnust kivespäi. Vozil 1613−1702 lidnuz oli Ročinman palaks. Petr I Sur' anasti lidnust tagaz vl 1702, pol'vot aigemb mi Piterin alusenpanend oli, i pani posadan alust Nevan hural randal, nimiti nügüdläižikš. Posad sai makundan lidnan statusad vl 1780. Toine rahvahaline nimi oli Šlüšin.
Toižen mail'man sodan aigan oli okkupiruidud nacistižen Germanijan imperijan sodavägil vll 1941 (8. sügüz'ku) — 1943 (18. viluku), päiči lidnust. Vozil 1996−2005 alištui Leningradan agjan tobmudele oikti.
Geografijan andmused[redaktiruida | redaktiruida purde]
Lidn sijadase Nevan hural randal (Baltjan meren bassein) jogen lähtendanno Ladogaspäi, 15 metrad ü.m.t. keskmäižel korktusel. Uden Ladogan kanalan agj om lidnas (Volgan-Baltijanmeren veziten pala). Matkad Piterin keskushesai om 50 kilometrad päivlaskmha orhal vai avtotedme, Kirovsk-rajonkeskushesai 3 km suvhe. Petrokrepost'-raudtestancii sijadase Nevan oiktal randal i ei mülü lidnha, voib sadas sišpäi lidnhasai ehtatimel (2 km) vai matkad 20 km avtotedme, «Kol»-avtoten sildadme.
Šlissel'burg om lidnankundan üks'jäine eländpunkt.
Eläjad[redaktiruida | redaktiruida purde]
Vn 2010 Venäman rahvahanlugemižen mödhe 13 170 ristitud elihe lidnas, rajonan seičemendez. Kaikiš suremb lidnan ristitišt oli 14 803 eläjad vl 2015.
Kaikiš järedamb edheotand om Nevan laivansauvomižen da kohendusen tegim (vspäi 1913).
Galerei[redaktiruida | redaktiruida purde]
Lidnan administracijan pert'
Päjumalanpertintorgun ansambl' (vn 2015 nägu)
Nevan laivansauvomižen da kohendusen tegim vl 2015
Adivpert'
(ende A. Potaševan pert')
Suren sodan memorial i Joann-edelkävujan päjumalanpertin ruinad Orešek-lidnuses
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
 |
Šlissel'burg Vikiaitas |
| Leningradan agjan lidnad | ||
| Boksitogorsk | Gatčin | Ivangorod | Kamennogorsk | Kingisepp | Kiriši | Kirovsk | Kommunar | Kos'kenaluine | Kudrovo | Lug | Lüban' | Murino | Nikol'skoje | Otradnoje | Pikalövo | Primorsk | Priozersk | Pöud | Sertolovo | Slanci | Sosnovii Bor | Svetogorsk | Säs'stroi | Šlissel'burg | Tihvin | Tosno | Uz' Ladog | Viipur | Visock | Volhov | Volosovo | Vsevoložsk | ||